Upper Assam- ah Cawnnithum zan ah khan dawr pa sarih hrawh piak an si I, hi dawr ngeitu hna hi Assam mi an si lo.

The Phongpi Post(ONP)

Biabgrei ni 25. 2018

Upper Assam- ah Cawnnithum zan ah khan dawr pa sarih hrawh piak an si I, hi dawr ngeitu hna hi Assam mi an si lo.

All Assam Students’ Union (AASU) member Ratul Dutta le Saundarjya Bhuyan Hazarika hna nih Biangrei ni 22 cawnnihnih zan i railway station-ah Hindi holh hmang mio community  hna nih an vuakvelh hna hnu deuh te ah hi bantuk thil a can caah hin AASU member  cheukhat thil tuah mi ah ruah a si I,  hi dawr an hrawh piak mi hna hji Hindi holh a hmang mi an si dih fawn.

Golaghat police station officer in-charge Garga Narayan Bora nih cun ASSU Sianghngachia chungtel an velh mi  Dutta nih hin  FIR a tial nak kong chim in mi pali an tlaih cang hna nak zong a chimchap pinah dawr a hrawktu hna zong an dotthlat cuahmah lio ko a ti, . Dutta hi Kushal Konwar civil hospital-ah zohkhenh cuahmah lio a si..

Cawnnithum ni ah khan an tlaih mi hna hi Court ah hruai colh an si I, Bail an hal nak cun an hlawt piak hna I , ni 14 judicial custody  in hren rih an si lai.

 

Deputy commissioner Gaurav Bothra  nih hi thil cang kongah hin Sianghngakchia hruaitu hna le civil  society hruaitu hna meeting a ngeih pi colh hna I, Harnak tuah lo ding in nawl nak a tuah colh hna. 

AASU organising secretary Raju Phukan  nih cun Dawr hi an mah hrawhmi a si lo nak kong chim in, Misualk cheukhat nih hi thilcang he pehpar mi ah puh in an tuah mi a si ko lai tiah a chim pinah hi bantukin thil a tuah tu hna cungah cun phunglam ning te in hrem a duh nak kong zong a chim..