Nu nih a pasal sinah nunpi a herh mi

Minung hi Pathian nih i ngei dingin a kan ser bantukin, ngaihchiatnak le lawmhnak i hrawmpi ding le thih hlan lo umti dingin kan i thium cio hna. Cu tikah chungkhar nuam vawlei vanram ah khua a sami tampi an um bantukin, thenkhat nuva cu aho nih nupi/va ngeih an ka hnek ti zong si lo, mah duhmi te he i thitum a si ko nain, an chungkhar cu i sikcaknak le biahranghrang in ai chawnhbiami chungkhar a tam ngaingai. Cu nih a langhtermi cu nu le va karlak ah i theihthiamnak le upatnak a um lo ruangah a si ti a fiang. Cucaah chungkhar nuam kan dirh khawh nakhnga NU nih i nunpi awk a herhmi kan hun tial. Hihi na zulh khawh ko ahcun nan chungkhar ah biaalnak le i sikcaknak a zor lai i hmurka thlum tu a leng deuh cang lai.
1. Na pasal kha lungtak tein na fale theih hngan ah fak lengmang.
2. Na pasal caah (na ngandamnak ca zongah) i thianhhlimh lengmang. Asinain, lerhnak ah hmang hlah. Pa nih hin nupile ai fihhnomhmi an duh lo.
3. Na thilpuan nakin na pasal thilpuan kha biapi deuh ah chia hmasa law, cuticun na herhmi le na duhmi na cawk tikah i phuhrunnak ngei loin na um kho lai.
4. Innchungkhar herh vialte hi nu nih an ruahmi lawngte an si dih ngot. Asinain, na cawk lai ah na pasal kha a ruahnak hal tawn law, cu nih cun na upatnak le a nawl na ngaihnak a langhter lai.
5. Nupa cu hmurka thlum in i chawnhbiak khawh lengmang a har (hmurka thlum cu hngalh bal lomi chawnhbiaknak ah a tha khun). Thil tetuai ruangah i siknak le biaalnak a chuak lengmang tawn. Cu tikah, awka hrang in diknak i cuh duh hlah. A herh ko na ti ahcun a lungdam tikah na sik te lai.
6. Na pasal a hawile kha an thang hei chiat in thleidang hna hlah. Nan inn ah mi an rak len i na pasal kawmh an duh tikah, nang na rian cu tha tein rak welcome lawng kha a si. Rak i thlak len ve in dongcat loin biaruah tibantuk hmang hlah. An biachimmi le an ceihmi vialte na hngalh dih a hau lem lo.
7. Aho sin hmanh ah na pasal thangchiat hrimhrim hlah. Duhsah tein nan karlak a kak tluahmah sual lai.
8. Pa pawl zong hi a caancaan ah cun an nupile sinah an lung a no ngai ve tawn, nanmah bantukin. Khua an ruah tikah lungdongh caan an ngei ve tawn i cubantuk caan ko ah cun an nupile nih lungcan pek an herh theo ve tawn.
9. A ruang um loin hmur i bo le i tuanhmal hmang hrimhrim hlah. Kha bantuk kha pa nih an huat tukmi a si.
10. Na pasalle chungkhar na dawt hna ahcun na pasal nih an dawt hrimhrim lai ti kha philh hrimhrim hlah.