ARSENAL LE TOTTENHAM AN CAK

Zahanzan khan Arsenal le Tottenham Premere league ah an cak ve ve. Spurs nih champion an tim lengmang i an lung a donglo ti an langhter, cun Gunners zong nih next season champions league i tel an i zuam chin lengmang. 

Tottenham nih cun nizan khan Big Sam nau lete cu anmah certual Selhurst Park-ah an va luhhnawh hna. Crystal Palace hi atu kar hrawng cawl ttha ngai mi an si, cuca cun Tottenham ca zongah zuam sual awl ngai ding an si. Spurs nih cun Eriksen, Alli le Kane hna hmaikalah an chiah i an nawr ngai hna, hmanhselaw goal chung belte ah an chuih kholoh. 

Cuhnu cun a dongh lai minute 78 naakah Eriksen nih a chuih goal i, caknaak an hmu kho.Match 33 chuih cang a si i, cuka cun Chelsea nih point 78 an hnuh i, Tottenham nih point 74 an hmuh ve i Chelsea an dawi ve lengmang. Point 4 lawngin an i thlau i,match 5 chuih ding a um rih. 

Arsenal zong nih anmah certual Emirates Stadium-ah champion lio Leicester City cu an rak tlun hna. Hi match zongah hin goal a um har ngai. 

Game zauhdoh ngai a si i, an i tluk ko rua la ti hnuah minute 86-ah Leicester hnulei cawngtu Robert Huth nih anmah leiah a goal ter i Arsenal cu point 3 a pek hna. 

 Tuzan hin Manchester Derby cu Manchester United le Manchester City nih an chuih lai i, a cak mi an um maw umlo maw Arsenal caah UCL lam a kua deuh lai.

A tanglei um mi ah Middlesbrough nih Sunderlan cu 1-0 in an tei fawn hna. Goal hi M. De roon i minute 8 nak i a chuih goal mi a si.