LAIRAM HI KAN KILVENG KHO TAK TAK HNGA MAW..
LAIRAM HI KAN KILVENG KHO TAK TAK HNGA MAW..
Phongpi : 23. April. 2017
Zingka khua a dei cang nain ruah siam siam in an tla rih, chumdum nih ni a phenh i a ceutuk rih lo, Kapa nih a von ka thawh i " Adin nan chuah a tlai tuk sual lai, tho law I tim pah ko cang hme " tiah a von ka hlauh, kai thang ko cang nain thawh ka zuam lo, i thulh khi ka duh a khawkih le a khuachiat he khualtlawn cu a ka zenh bak.
Counter tiang Kapa nih a ka chiah " Kawidin nang cu a hnu bik khi na thutnak a si lai " tiah driverpa nih ati.. Mi an chuah deuh hlanah Caruuk ( Library ) ah ka kal ta, Aizawl ah Laiholh cawn I thiam a duh mi an um I cu hna caah cun LALC nih cauk fate an chuah mi English- Lai translation bookpath ka hei la ta.
Phongpi tlang in a hong hrang mi thlikik lakah ruahsi a tla mi tete cu a kik hringhran , Sangau khawkik lakah ka ruahnak bel mei bang a lin a kikmi ruahthli hmanh nih a daih ter kho ti lo..
Mi kan hngah deuh rih hna caah khuaza za ka ruat Laiholh khawpi tiin kan i chuan ve mi Sangau zawngah Laiholh theih ding a um ruam tilo, cu chim lo an catar mi hna von zauh ah Laica in tar mi a tlawm a um chun nikhat te hmanh cu an cafang fawnh ahei dik hawi lo, Motor cun kan von cuang hna I ka pawng i a thu mi Lainute cu aa dawh ngai kati nain Vai Nupi a hei sirih.. Kan von tli hna i, Khawchuahtak lai thlacam cu Pei nawn khin Mizo holh bawk cun thla an von cam hawi a pei lawng hmanh a si lo, Mizo holh khi a thiam hrim hrim lo ti a fiang.. Thingphek i Bible ca an tar mi tal i rinh ning vawn ti ah le an cafang fawnh nih Pathian bia a nganh hawi.. Cutin lungnuam lo ngai in kai tenh ve tung..
Cuticun khuachin tluangdang zawng in ka ngaih bik mi le kai uang bik mi Kan khua Sangau le Phongpi cu hnulei ka chit thluahmah Vanlaiphai nelrawn pipi kan pelh lio ah cun ka lungchung tein hitin ka ruat " Vanlaiphai hna Darzo te hna hi a hlan ah Laikhua le Lairam Laimi khuasaknak le Laiholh lennak a si ve tawn ko nain aw tu cun mihrang bantukin kan von I zoh ko ngai hi cu ... Ka ngai thiam kho bak lo..
Ka khuaruah a vakvai ka ngaih a chia zuahmah Kan Lairamte hi kan kilveng kho taktak te hnga maw? Hitining tein kal usih law tuhnu kum 50 ahkhin Laitlang ah Laimi maw tam deuh te hnga miphun dang dah? Tuhnu kum 30 ahkhin kan Sangau bazar lamthluan ah zei holh khi dah holh bik a si te hnga? Laiholh hi te an hmang duh ti hnga maw Lawngtlai nih an hlawt bantuk hin Sangau nih an hlaw ve hnga maw...
Z. Heng Mang cu a thi cang, Pu . Hre Kung. Salai Ramdinglian tepawl hna hi an thih tikah ho nithla Lai Miphun hi von dirkamh ve than hnga..
Acaan ah phundang in khua ka ruat; azei ah hme hithil hi kan lungre kan vai itheihpi len? Ziah mah ruangah rilru hah in ka um Miphun tlau si zong cu a poi tuk lem hme maw? Minung lem kan tlau in kan thi lai lopi? Globalization chan pei si fam cu kan holh le nunphung tlau zong cu zeihme poi? Mirang holh le miphundang nunphung thuamthil thatha hi zatzat um ko nalak ah?
Hitluk rethei le thaba in kan ttuan hi a herh taktak maw? Kan mipi zong nih an kan dirpi in an duh taktak hme maw? Midang zong nih zei ah an rello mi le an buaipi lomi rak aupi hna zawng hi hruh a si lo maw..
Kan nau le pawl hna zawng hi caan rau in sianginn ah Laica cawnter nak cha cun IT hna cawnter ning law rian sang sang tuan hna sehlaw a tha deuh hnga lo maw ti hna ka ruat..
Kei hna hiteh... hitin maw, hi miphun rian hi pumpek in ka ttuan peng ko lai? Ka hawile ka naule tete hmanh nih University tha tha lam in riansang a tuan mi zawng an um cang si kaw? Lohlak thil maw ka tuah kun? Ka chiatnak lam tu ka hrawng ko lo hme maw , Zeidah ka tuah kun lai?
Laimiphun a tlau le Lai nunphung dawh dawh hna hi an lohral i Lairam hi miphundang Vai hna nih an luah dih zawngah ka dirhmun a that phawt ah cun pawi tilo in ka um ko lai maw...?
Ka hawi pa cakuat ka hmuh lebang cun ka lungfah a zual ka lung a dong cikcek , ka hawipa cakuat ah cun hitin a tial :
" Adin, Laimiphun hi dawtu a neilo lo tuk. Laiholh a thiam lomi nih hincun Laimiphun hi an daw taktak kho lo, tihi kaifiang tuk. Lawngtlai miho miho bia an i ruah ka ngaihziar kohna..".Lai intih viau te chu a lehkha thiam loh thlak em mai...Lai tawng te hi chu tran vak a ngailo a bo tho tho dawn.." Tiah an ti cu..
ruah hin cun lung a fak ko "tiah ka hawipa Pakhat nih a lungfahnak ca a von ka kuat, mi ka hmuh lebang hin cun thang pi in tah ka duh..
Sangau in kan i thawh lai ah mithi ruak thlah bang a kan thlahtu kanu le pa hawikawm pawl kha ka mitthlam ah an cuang tthan.
Thlacamnak in a kan dirpitu kan pitar putar tete nih “Na tha a chia in na lung dong sual lai tihi kan phaan tukmi a si .. ti khan maw thachiat phun in kan umpiak hrimhrim lai ci," ti mi le " Zeitlukin na tha a chiat caan le na lung a dongh caan hmanh ah lungthul in um citcet lai cih, nangmah ca lawngah na nung lo, Laimi hi na kan ruahchih a hau tiah kan u pakhat nih a kati mi kha ka hnathlam ah an cuang tthan.
Khawi ah hen na feh ding Lairam? Nang khal khawi ah na feh ding Adin? A tawp kho lomi khuaruahnak he....
Mangtha phawt ko rihlaw, Hmun camcin ko mu Phongpi, Lairam hi Laimi nih kan dirpi lo hmanhah nang tal nih cun na dirpi peng. Thlicia le mei Ral nih an in tuk caan hmanh ah Lairam cu na zaamtak ve lo maw Phongpi...
Phongpi : 23. April. 2017
Zingka khua a dei cang nain ruah siam siam in an tla rih, chumdum nih ni a phenh i a ceutuk rih lo, Kapa nih a von ka thawh i " Adin nan chuah a tlai tuk sual lai, tho law I tim pah ko cang hme " tiah a von ka hlauh, kai thang ko cang nain thawh ka zuam lo, i thulh khi ka duh a khawkih le a khuachiat he khualtlawn cu a ka zenh bak.
Counter tiang Kapa nih a ka chiah " Kawidin nang cu a hnu bik khi na thutnak a si lai " tiah driverpa nih ati.. Mi an chuah deuh hlanah Caruuk ( Library ) ah ka kal ta, Aizawl ah Laiholh cawn I thiam a duh mi an um I cu hna caah cun LALC nih cauk fate an chuah mi English- Lai translation bookpath ka hei la ta.
Phongpi tlang in a hong hrang mi thlikik lakah ruahsi a tla mi tete cu a kik hringhran , Sangau khawkik lakah ka ruahnak bel mei bang a lin a kikmi ruahthli hmanh nih a daih ter kho ti lo..
Mi kan hngah deuh rih hna caah khuaza za ka ruat Laiholh khawpi tiin kan i chuan ve mi Sangau zawngah Laiholh theih ding a um ruam tilo, cu chim lo an catar mi hna von zauh ah Laica in tar mi a tlawm a um chun nikhat te hmanh cu an cafang fawnh ahei dik hawi lo, Motor cun kan von cuang hna I ka pawng i a thu mi Lainute cu aa dawh ngai kati nain Vai Nupi a hei sirih.. Kan von tli hna i, Khawchuahtak lai thlacam cu Pei nawn khin Mizo holh bawk cun thla an von cam hawi a pei lawng hmanh a si lo, Mizo holh khi a thiam hrim hrim lo ti a fiang.. Thingphek i Bible ca an tar mi tal i rinh ning vawn ti ah le an cafang fawnh nih Pathian bia a nganh hawi.. Cutin lungnuam lo ngai in kai tenh ve tung..
Cuticun khuachin tluangdang zawng in ka ngaih bik mi le kai uang bik mi Kan khua Sangau le Phongpi cu hnulei ka chit thluahmah Vanlaiphai nelrawn pipi kan pelh lio ah cun ka lungchung tein hitin ka ruat " Vanlaiphai hna Darzo te hna hi a hlan ah Laikhua le Lairam Laimi khuasaknak le Laiholh lennak a si ve tawn ko nain aw tu cun mihrang bantukin kan von I zoh ko ngai hi cu ... Ka ngai thiam kho bak lo..
Ka khuaruah a vakvai ka ngaih a chia zuahmah Kan Lairamte hi kan kilveng kho taktak te hnga maw? Hitining tein kal usih law tuhnu kum 50 ahkhin Laitlang ah Laimi maw tam deuh te hnga miphun dang dah? Tuhnu kum 30 ahkhin kan Sangau bazar lamthluan ah zei holh khi dah holh bik a si te hnga? Laiholh hi te an hmang duh ti hnga maw Lawngtlai nih an hlawt bantuk hin Sangau nih an hlaw ve hnga maw...
Z. Heng Mang cu a thi cang, Pu . Hre Kung. Salai Ramdinglian tepawl hna hi an thih tikah ho nithla Lai Miphun hi von dirkamh ve than hnga..
Acaan ah phundang in khua ka ruat; azei ah hme hithil hi kan lungre kan vai itheihpi len? Ziah mah ruangah rilru hah in ka um Miphun tlau si zong cu a poi tuk lem hme maw? Minung lem kan tlau in kan thi lai lopi? Globalization chan pei si fam cu kan holh le nunphung tlau zong cu zeihme poi? Mirang holh le miphundang nunphung thuamthil thatha hi zatzat um ko nalak ah?
Hitluk rethei le thaba in kan ttuan hi a herh taktak maw? Kan mipi zong nih an kan dirpi in an duh taktak hme maw? Midang zong nih zei ah an rello mi le an buaipi lomi rak aupi hna zawng hi hruh a si lo maw..
Kan nau le pawl hna zawng hi caan rau in sianginn ah Laica cawnter nak cha cun IT hna cawnter ning law rian sang sang tuan hna sehlaw a tha deuh hnga lo maw ti hna ka ruat..
Kei hna hiteh... hitin maw, hi miphun rian hi pumpek in ka ttuan peng ko lai? Ka hawile ka naule tete hmanh nih University tha tha lam in riansang a tuan mi zawng an um cang si kaw? Lohlak thil maw ka tuah kun? Ka chiatnak lam tu ka hrawng ko lo hme maw , Zeidah ka tuah kun lai?
Laimiphun a tlau le Lai nunphung dawh dawh hna hi an lohral i Lairam hi miphundang Vai hna nih an luah dih zawngah ka dirhmun a that phawt ah cun pawi tilo in ka um ko lai maw...?
Ka hawi pa cakuat ka hmuh lebang cun ka lungfah a zual ka lung a dong cikcek , ka hawipa cakuat ah cun hitin a tial :
" Adin, Laimiphun hi dawtu a neilo lo tuk. Laiholh a thiam lomi nih hincun Laimiphun hi an daw taktak kho lo, tihi kaifiang tuk. Lawngtlai miho miho bia an i ruah ka ngaihziar kohna..".Lai intih viau te chu a lehkha thiam loh thlak em mai...Lai tawng te hi chu tran vak a ngailo a bo tho tho dawn.." Tiah an ti cu..
ruah hin cun lung a fak ko "tiah ka hawipa Pakhat nih a lungfahnak ca a von ka kuat, mi ka hmuh lebang hin cun thang pi in tah ka duh..
Sangau in kan i thawh lai ah mithi ruak thlah bang a kan thlahtu kanu le pa hawikawm pawl kha ka mitthlam ah an cuang tthan.
Thlacamnak in a kan dirpitu kan pitar putar tete nih “Na tha a chia in na lung dong sual lai tihi kan phaan tukmi a si .. ti khan maw thachiat phun in kan umpiak hrimhrim lai ci," ti mi le " Zeitlukin na tha a chiat caan le na lung a dongh caan hmanh ah lungthul in um citcet lai cih, nangmah ca lawngah na nung lo, Laimi hi na kan ruahchih a hau tiah kan u pakhat nih a kati mi kha ka hnathlam ah an cuang tthan.
Khawi ah hen na feh ding Lairam? Nang khal khawi ah na feh ding Adin? A tawp kho lomi khuaruahnak he....
Mangtha phawt ko rihlaw, Hmun camcin ko mu Phongpi, Lairam hi Laimi nih kan dirpi lo hmanhah nang tal nih cun na dirpi peng. Thlicia le mei Ral nih an in tuk caan hmanh ah Lairam cu na zaamtak ve lo maw Phongpi...
Comments