Khua le ram kan dawt kan ti cio ko hna.. Ram cu tah azei khi dah asii? ...ram kan tii ah vawlei lawnghi maw? ..

Nihin i ka zau pahi khua ka ruah mi cu....

Phongpi : 26. April. 2017

Chan Thawng Ling  ( Vapual )

Khua le ram kan dawt kan ti cio ko hna..kan khua tthangcho seh ti kan duh hna...khua cu kan ttamh..inn ttha ttha kan sak...khua cuanhnak ...pangparduum...nuamhnak hmun phun phun ...tbt...atulio hoihna cu tthancho kan i awt/thok bak ko ..mithmuh kuttongh hei ti ko hna usih

Ram cu tah azei khi dah asii?   ...ram kan tii ah vawlei lawnghi  maw? ...tahchunhnak ah..kan Chinram tia bak hi..thetseram ah rak kan pe hna sehlaw..kan ram kan dawt kan hei ti hnga..thetse le aramri cu maw kan humhaak hnga i kan dawt hnga...achungi a um ve mi zei khi dah dawtawk a um kun hnga...Kan Chinram hi Pathian peek mi asi kan tii tawn..a vawlei lawng maw an kan peek kun..achungum mi vialte hi aa tel chih lo maw?  Thingkung ..tiva ..thilnung phunkip ...hitah kan dawt chih hna ding asi lo maw? Minung lawng tthangcho usihlaw thing le mau.saram vialte hna hi tthiam dihin naawng dih hna usihlaw adik hnga maw?

Minungnih kan herhding vialte Pathian nih aser hnu ah azoh i attha atii hna..ser aapalh mi a um lo..cu hnu ahcun minung an kan ser..aciasa in akan chiah piaki  zohkhentu dingah an cungah nawl ngeihnak akan peek...party vialte nih ramchungah nawlngeihnak an i cuh cio...ram tthanchonak rian ttuan dingin...duhpohin mipi kan tuahto hna lai ti asi lo..( Nivung te le ramdang ahawile misual pawl tel lo in )...an mipi zohkhenh le dawt dingah nawl ngeih an i cuh.

Thing le mau  titik ah kan herhnak le aherhnak ahcun kan hmandingah Sertu nih asian...Noah nih achungle thihnak chungin anchuah ( luat) khawhnak dingah  lawng aser ..thingkung kha lawng sernak ah an hau aherh...an rawl chuannak le sa rawhnak ah thingro zong an hman lai cuh...zungzalnunnak kan co khawhnak ah Zisuh an thahnak vailam zong thing tthiam asi..aherh ruangah an hman....aherh lo i kan tuk kan sah mi hna thingkung nih khin kan nunak caah thli thiang le ti thiang nifatin kan i zaat dingin an kan peek ruangah thlithiang dawp awk kan ngei i ti thiang diin awk kan ngei timi tal hi kan hngalh a hau.

Saram lei ah..mupi ..kaite kan huat hna..kan ar zuat mi an kan cawipiak kan tii..lih asi  ar kan zua lo ..kan thlah hna...arzuat cu a inn te sak i zuat phung asi...mupi nih vansang in kan lo cinthlaak a ei tawn mi ritte van zuang te hna a kan ven piak ..cu cu kan hngalh caah kan thah hna i ritttih tiah ..lo ah vailam kan tah hna i kan thlai...athih hnu nak in anun lio saan atlai..zu le rul tehna a kan ei piak..

Ngal kan huat tuk hna...kan facang kan fongvawi an ngan lo kan tii...an karhtuk i celh ansi lo..ka tii...anmah a eitu cakei kan nawn dih cang hna ti kan ruat duh lo...cakei nih anbu in minung cinthlaak a eitu ngalrual an umnak ding cu a hngalh ve i .lo pawngin a bawh ve ko hna lai cuh...cun minung cu Pathian nih fiimnak ahlei in a kan peek caah kan duum kan hau aa veeng khodingin a kan ruah lai....ram tthangcho ah a ummi nih nan hmuh deuh lai cu...an duum kau taktak khi an kulh ko lai...saram cu khuaruat kho an si lo i..an ei duhmi poah cu ei an i tiim lai ta..Lai tlang hoihna ahcun an umnak hmaawng tthatha kan tthiam ..an rawlkawlnak kan chuh hna..nun nih le an duh ve ttung...an umnak hmun kan vah...an lau lai..chuahtaal le an siang ttung lo i vahcap ah an caam..cucu kan duah kanh hna...thih an ttih ve ..mei an ttih ve...an nunnak caah an tli an zaam...acheu mei ah raak lengmang in an thi..acheu kan thihnak in kan chuak kho cang an tii lio ah  khaan bawh pawl nih remte in kan rak i bawh hna i kan hrilh hna...harnak le thihnakin kan chuak cang maw an i tii lio ah.....kan nawn hna

.( Kan ram zong Miraang uknak tangin kan chuak cang tiah vahcap kang lonhin kan au i Kawl sal tthim tthiam ah kan taang ve hi ta)

democracy kan ti i kanmah ca lawngah kan au..kanram chungi a ummi ka nganh taak hna..cucu democracy tling asi kho hnga maw?

 Kan miphun kan dawt kan tii ttung...kan Lai holhte hmanh humhak le kilven cu chim lo miphundang holh lo i bia kan chim khawh lo le kan Lai nunphung..thilthuam tiang Chanti luan kan fenhter hi cu...ruah awk a um ngai..

Cell phone in ka ttial i cafangfonh kaa palh leen lai..rak ka hngalhpiak thiam uh..

Vapual.