Manchester Derby ah a cak zawk an umloh

Zahan zan 12:30 ah khan Etihad stadium ah Manchester derby cu chuih a si. Hi match ah hin Manchester City le United cu 0-0 in an i tluk.

Bawlung chuih an thok i, players ttha mi a hman khawhlo ruangah Morinho nih point 1 hmuh zong poi a ti loh ti a fiang pah. Culio ah Guardiola nih cun goal thun hrim hrim a duh ti a lang. First half an thok ttang reilo te ah city lei nih Aguero hmangin an chuih goal deng. Cun Uinited lei zong an um sawsawh lo i Martial cross ttha tuk cu Bravo nih a rak bengh, cucu Mikhitaryan nih a chuih colh, hmanhselaw Bravo a rak tho manh i a rak tlaih manh. Cuhnu cun Rasford free kick ttha tuk mi cu Herrera nih a head goal deng hoi. City lei nih hin clear chance si lemlo mi chance cu an nei pah lengmang.

Second half lei cu Manchester city lawng an si hlah maw ti awk a si cang. United lei an bet ngai i City lei nih an nor chih len hna i United lei defence an tam tuk caah an ti goal kho ve bak loh. Mino Rasford belte cu city defender caah hnangamlo naak pakhat cu a si ngai ve. Ball a hmuh tikah a tlik a cak i, a thazang ttha ngai fawn.  A dongh lai minute paruk hrawng a um ah Fellaini cu Aguero a thluk ruangah second 19 chungah yellow card vawihnih hmu buin red card pek a si. Cuhnu cun City lei nih Jesus hmangin an ti goal i cucu offside a rak si ruangah an pompiak hnalo. Aguero zong nih a dongh lai tak takah a goal ter deng. Cun a dongh tiang goal umloin an ttin.

 Morinho nih point khat hmuh aa timh bantukin a hmuh i, Guardiola nih point thum hmuh duh ko hmanh selaw a tlamtlingloh tiah chim khawh a si.