RALTTHATNAK ( HUAISENNAK)
RALTTHATNAK.
10. July. 2017. Cawnnikhat
The Phongpi Post ( ONP)
Cattialtu : H. Lianchungnunga
Pathian dawtnak ka timi cu kan ràl an ttha lo hi a si. Tu kan chan I miphun nih ral kan neihmi hna hi mi tthawng si loin mi chiakha te te an si hi vanthat. Ngaihchia asi mi cu tu chan nih Kan Pule kan tluk ti lo I, kan ralchia hi a si.
Raltthatnak kawng chim ding cun Desmond Doss le Hrangal kawng kan chim a hau.
DESMOND DOSS
Ral hmaiah na ram le miphun Ca I Ttuan na duh le Pathian sinah Meithal tawng lo dingin biakamnak nei cag ttung law, zeitin thla na ti la? Indopi 2 nak, vulei a buai tuk liauah khan, Seventh Day pa Desmond Doss cu Ram Ca I Ttuan aa thwh ve. Amah hi pa tthia nawn te, A nu cawnternak zul I thlaihnah lawng eitu, sermi thil tifah duh lo I Meithal tawng lo ding I Bia aa kam mi a si.
Training canceu hrawng an van neih khin harnak a tawng. Meithal tawngh a duh lo ruangah a hawile caah hnahnawk a si, Trainer (Training petu) bia ngaih lo cu ralkap ti lo ding a si hrim hrim fawn. Ralkap hawile lak I meithal tawngh duh lo cu I ti 'Zei maw' khi a va lo k'aw, Hawi hmanh a nei loh, harnak phun phun a teming. Sinain, Nunnak la lo hin nunnak khamhin ka ram caah ka Ttuan ve kho ti aa tlaih peng. An hotu le hrang zawngah hnahnawk ngai a sinain, a zumhnak le aa peknak fek tukmi an hmuh tikah 'Theihthiamnak' in Combat Medic (I kahnak hmun I hliam zohkhenhtu) rian cu an pek ve. Rakap nih ttihzahnak an hlawhmi tem ve lo le khawhar ngaiin Japan ral ram cu a va phan.
1944 khan 77th infantry Division, First Battalion tangah Phillipines pawng Okinawa hmunah a 'rian' cu a va ttuan. Japan ralkap pawl kha 'Teitu si lo le thih' ti bia fek tuk I aa tlaihmi an si caah Allied Force hrangah tei an har tak tak. Okinawa le Normandy(France) khi Allied Force tam tuk an thih nak a si hrim hrim khah mu. Ticun, meithal aa put ve lomi pawng I ralkah cu ralkap hrangah duh ding va si hlah, Doss cu mit hmai panh hmanh tawng lo le, bia meinei tak tak thei peng puin Japan pawl Camp leiah cun a hei kai ve. Hi Hacksaw Ridge ah hin US ralkap tam tuk an thi i Japan pawl cu mithla lo k'aw, tei khawh an si lo.
An Platoon nih," kan tei kho lo, Kir tthan hna u sih" an ti tikah Doss nih cun Hliam tuar, zohkhenh loah cun a thi ko ding le Japanese an thah ko ding khi tam tuk a hmuh hna. US ralkap hna an camp lei an kir tikah Doss cu a kir ve loh. Zan khawdeiin ral hmaiah Hliam tuar a thiar hna. Amah rak nihsawh tawntu a hawile kha Meithalmu karah a chanh hna. Japan ralkap he cun mau tlawrtu tluk I I neih hna khin an I pel, I vennak meithal aa put loh, Pathian bochannak le A thi dingmi hmunrem I thiar lawng a lungah a um. Hmun li I hliam fak ngai tuar buin kuanmu karah may thla 1945 ah hin mi 75 nunnak a chanh. Desmond Doss hi i dopi 2 liauah Meithal tawng bak lo I Medal of honour an pekmi umchun a si. Okinawa I a ralthatnak hmanh I ka uar deuh mi cu, Meithal tawng duh lo bu I ralkap luh a ngamhnak le, Har nak tampi lak I a zumhnak fehter pengtu a raltthatnak kha a si. Kuanmu lak I hliam a zohkhenhnak le mi 120 nak tam nunnak a chanhnak ah hin a Chuap le nakruh 5 pinah a kehlei banruh a liam. Sizung i kum nga an zohkhenhnakah a khawhmuhnak a tlau fawn. 2006 I a thih tiag meithal a tawng loh.
HRANGAL.
Far Pak rawn phanh hlan Thlazuang lungpang I Hrangal Sam Hriahnak le Vawmbuk phanh lai i bo pakhat Hrangal Funglu Tar Tlang khi Lairamah cun Miralttha 'Signature' fiang cem an si ko rua.
Hrangal hi Tlangchan Phun a si nain An Pu Phunhnawm bantuk I hruaitu si loin Sangau Zathang Bawi Sal a si. Pasalttha tthawng ngai siko hmanhselaw Zathang Bawi mithmai zoh bu cun min ser a har la ti a fiang. Cuti cu si ko hmanhselaw chan thar tiang min dai lo dingi a herhmi Ralthatnak neitu a si. Sangauin Fungkah ram tiang amahin ram avai kho an ti. Sangau I Sal si buin Vawmbuk ram hnaah Fung va kapin 'Mi khuaah Funglu ava tar' khawh.
Tu I A Sam hriahnak lung chakah khin Phongpi tlang I ramvai mi hna an I din tawn I, an I dinh pah cun cu lungpang deng I lungpi mitla ngai I a dirmi ah cun, 'Homaw tal kan kai kho ngha maw?" an hei ti tawn. Hrangal cu aa thwh I Lungpangah cun va ttumin (Tu hnu i ttumnak khaan khi cu Hrangal thih hnu I Hlawnceu Bawi Channawn nih khaupi hriphiar I thlaih I Sangau Lungthiam a ser ter mi a si) Hri le hawi bawmhnak telloin Lungpiah cun a va kai. Tu liau I 'Adventure Spirit ' kan timi nih hin Mirang van luh hlanah khan Hrangal cu a min a rak ser ter. I uan lo ttha va si hlah, sal a sinak philhin, hohmanh nih an ke an chirhchan lonak Lung cungah cun A Sam va hriatin Hrangal nih cun Sathar le Ceu tiva hna a hei chuk zoh. Uar lo ttha bak a si loh e.
Tu liau Petzl Climbing rope le Rock pitton hna nih Lairam an phanh hnu, Chris Sharma te hna nih Rock Climbing Technique phun phun an thiam hnu hmanhah hin, Hrangal Sam Hriahnak lung I a kaimi an um rih loh. Nang le kei nih Hrangal min kan theih khawh nak cu Hrangal Raltthatnak lawng lawng kha a si.
Cuticun,
Ralthatnak cu mah I a fian caah bia si loin thil tiin mi nih an hmuh. Mi Raltha nih cun midang ruah ning I hrenter loin midang Caah thil ttha a ti. Mi Raltha nih cun Pathian nih a pekmi kha aa bochan, mi uar nak si loin.
Ka Kawi, Pathian nih hin mi nehhnu zul I An khuang tum thawng I lam ding le an kutpi niam/San zoh peng dingin an ser loh. Chiattha theih nak an pek I ttha na ti cu a ttha, ttha lo na ti cu ttha lo a si ko. Na dirnak fiang law, hohmanh nih na ke inphelhpiak hlah seh. Na nun kha democracy siloin Na Bawi nak, na duh ning I na hruai ding I Pathian nih an pekmi a si, mi ruah ning si loin Pathian duh ning kha na duhnak si seh. Pathian nih Talent an pekmi le Chia le ttha theih nak an neihtermi hi mi mithmai na zohnakah maw hlaw hlah cih. Raltthain nung law Pathian nih an ser chan tlamtlin ter.
Raltthatnak cu, thlawptu neih le neih lo si loin, Hlawhtlin le hlawhcham zawng si loin, A ding ti fianmi tuah khi a si. Ttih neih lo si loin Ttihnung ti thei bu le tha thir bu zawng I tuah a herh mi tuah hi a si.
Lai nghakchia thisen I raltthatnak a ummi hi, 'mi nih an in nih la' ti I kan I tthih tawn mi le Lam dik hrawng I a sifakmi nakin lam ding lo hrawng I phaisa neimi ttihzahnak ram I kan sermi nih nifatin a hrawh leng mang. Nang cu in hrawk hlah seh.
Lianchungnung Hranglung.
10. July. 2017. Cawnnikhat
The Phongpi Post ( ONP)
Cattialtu : H. Lianchungnunga
Pathian dawtnak ka timi cu kan ràl an ttha lo hi a si. Tu kan chan I miphun nih ral kan neihmi hna hi mi tthawng si loin mi chiakha te te an si hi vanthat. Ngaihchia asi mi cu tu chan nih Kan Pule kan tluk ti lo I, kan ralchia hi a si.
Raltthatnak kawng chim ding cun Desmond Doss le Hrangal kawng kan chim a hau.
DESMOND DOSS
Ral hmaiah na ram le miphun Ca I Ttuan na duh le Pathian sinah Meithal tawng lo dingin biakamnak nei cag ttung law, zeitin thla na ti la? Indopi 2 nak, vulei a buai tuk liauah khan, Seventh Day pa Desmond Doss cu Ram Ca I Ttuan aa thwh ve. Amah hi pa tthia nawn te, A nu cawnternak zul I thlaihnah lawng eitu, sermi thil tifah duh lo I Meithal tawng lo ding I Bia aa kam mi a si.
Training canceu hrawng an van neih khin harnak a tawng. Meithal tawngh a duh lo ruangah a hawile caah hnahnawk a si, Trainer (Training petu) bia ngaih lo cu ralkap ti lo ding a si hrim hrim fawn. Ralkap hawile lak I meithal tawngh duh lo cu I ti 'Zei maw' khi a va lo k'aw, Hawi hmanh a nei loh, harnak phun phun a teming. Sinain, Nunnak la lo hin nunnak khamhin ka ram caah ka Ttuan ve kho ti aa tlaih peng. An hotu le hrang zawngah hnahnawk ngai a sinain, a zumhnak le aa peknak fek tukmi an hmuh tikah 'Theihthiamnak' in Combat Medic (I kahnak hmun I hliam zohkhenhtu) rian cu an pek ve. Rakap nih ttihzahnak an hlawhmi tem ve lo le khawhar ngaiin Japan ral ram cu a va phan.
1944 khan 77th infantry Division, First Battalion tangah Phillipines pawng Okinawa hmunah a 'rian' cu a va ttuan. Japan ralkap pawl kha 'Teitu si lo le thih' ti bia fek tuk I aa tlaihmi an si caah Allied Force hrangah tei an har tak tak. Okinawa le Normandy(France) khi Allied Force tam tuk an thih nak a si hrim hrim khah mu. Ticun, meithal aa put ve lomi pawng I ralkah cu ralkap hrangah duh ding va si hlah, Doss cu mit hmai panh hmanh tawng lo le, bia meinei tak tak thei peng puin Japan pawl Camp leiah cun a hei kai ve. Hi Hacksaw Ridge ah hin US ralkap tam tuk an thi i Japan pawl cu mithla lo k'aw, tei khawh an si lo.
An Platoon nih," kan tei kho lo, Kir tthan hna u sih" an ti tikah Doss nih cun Hliam tuar, zohkhenh loah cun a thi ko ding le Japanese an thah ko ding khi tam tuk a hmuh hna. US ralkap hna an camp lei an kir tikah Doss cu a kir ve loh. Zan khawdeiin ral hmaiah Hliam tuar a thiar hna. Amah rak nihsawh tawntu a hawile kha Meithalmu karah a chanh hna. Japan ralkap he cun mau tlawrtu tluk I I neih hna khin an I pel, I vennak meithal aa put loh, Pathian bochannak le A thi dingmi hmunrem I thiar lawng a lungah a um. Hmun li I hliam fak ngai tuar buin kuanmu karah may thla 1945 ah hin mi 75 nunnak a chanh. Desmond Doss hi i dopi 2 liauah Meithal tawng bak lo I Medal of honour an pekmi umchun a si. Okinawa I a ralthatnak hmanh I ka uar deuh mi cu, Meithal tawng duh lo bu I ralkap luh a ngamhnak le, Har nak tampi lak I a zumhnak fehter pengtu a raltthatnak kha a si. Kuanmu lak I hliam a zohkhenhnak le mi 120 nak tam nunnak a chanhnak ah hin a Chuap le nakruh 5 pinah a kehlei banruh a liam. Sizung i kum nga an zohkhenhnakah a khawhmuhnak a tlau fawn. 2006 I a thih tiag meithal a tawng loh.
HRANGAL.
Far Pak rawn phanh hlan Thlazuang lungpang I Hrangal Sam Hriahnak le Vawmbuk phanh lai i bo pakhat Hrangal Funglu Tar Tlang khi Lairamah cun Miralttha 'Signature' fiang cem an si ko rua.
Hrangal hi Tlangchan Phun a si nain An Pu Phunhnawm bantuk I hruaitu si loin Sangau Zathang Bawi Sal a si. Pasalttha tthawng ngai siko hmanhselaw Zathang Bawi mithmai zoh bu cun min ser a har la ti a fiang. Cuti cu si ko hmanhselaw chan thar tiang min dai lo dingi a herhmi Ralthatnak neitu a si. Sangauin Fungkah ram tiang amahin ram avai kho an ti. Sangau I Sal si buin Vawmbuk ram hnaah Fung va kapin 'Mi khuaah Funglu ava tar' khawh.
Tu I A Sam hriahnak lung chakah khin Phongpi tlang I ramvai mi hna an I din tawn I, an I dinh pah cun cu lungpang deng I lungpi mitla ngai I a dirmi ah cun, 'Homaw tal kan kai kho ngha maw?" an hei ti tawn. Hrangal cu aa thwh I Lungpangah cun va ttumin (Tu hnu i ttumnak khaan khi cu Hrangal thih hnu I Hlawnceu Bawi Channawn nih khaupi hriphiar I thlaih I Sangau Lungthiam a ser ter mi a si) Hri le hawi bawmhnak telloin Lungpiah cun a va kai. Tu liau I 'Adventure Spirit ' kan timi nih hin Mirang van luh hlanah khan Hrangal cu a min a rak ser ter. I uan lo ttha va si hlah, sal a sinak philhin, hohmanh nih an ke an chirhchan lonak Lung cungah cun A Sam va hriatin Hrangal nih cun Sathar le Ceu tiva hna a hei chuk zoh. Uar lo ttha bak a si loh e.
Tu liau Petzl Climbing rope le Rock pitton hna nih Lairam an phanh hnu, Chris Sharma te hna nih Rock Climbing Technique phun phun an thiam hnu hmanhah hin, Hrangal Sam Hriahnak lung I a kaimi an um rih loh. Nang le kei nih Hrangal min kan theih khawh nak cu Hrangal Raltthatnak lawng lawng kha a si.
Cuticun,
Ralthatnak cu mah I a fian caah bia si loin thil tiin mi nih an hmuh. Mi Raltha nih cun midang ruah ning I hrenter loin midang Caah thil ttha a ti. Mi Raltha nih cun Pathian nih a pekmi kha aa bochan, mi uar nak si loin.
Ka Kawi, Pathian nih hin mi nehhnu zul I An khuang tum thawng I lam ding le an kutpi niam/San zoh peng dingin an ser loh. Chiattha theih nak an pek I ttha na ti cu a ttha, ttha lo na ti cu ttha lo a si ko. Na dirnak fiang law, hohmanh nih na ke inphelhpiak hlah seh. Na nun kha democracy siloin Na Bawi nak, na duh ning I na hruai ding I Pathian nih an pekmi a si, mi ruah ning si loin Pathian duh ning kha na duhnak si seh. Pathian nih Talent an pekmi le Chia le ttha theih nak an neihtermi hi mi mithmai na zohnakah maw hlaw hlah cih. Raltthain nung law Pathian nih an ser chan tlamtlin ter.
Raltthatnak cu, thlawptu neih le neih lo si loin, Hlawhtlin le hlawhcham zawng si loin, A ding ti fianmi tuah khi a si. Ttih neih lo si loin Ttihnung ti thei bu le tha thir bu zawng I tuah a herh mi tuah hi a si.
Lai nghakchia thisen I raltthatnak a ummi hi, 'mi nih an in nih la' ti I kan I tthih tawn mi le Lam dik hrawng I a sifakmi nakin lam ding lo hrawng I phaisa neimi ttihzahnak ram I kan sermi nih nifatin a hrawh leng mang. Nang cu in hrawk hlah seh.
Lianchungnung Hranglung.
Comments