NI BANG KAN SEMNAK AI KHAT LO
*Chaw le Va i Anh lo Hrât cu*
Aizawl : 30. July. 2017. Zarhpini.
The Phongpi Post ( ONP)
Cattialtu : Salai Van Lal Dawt Hlondo
Maimawmh ril nih a ka zet(bawmh) bang hin, ka lungchung ruahnaak ah zei maw dek hi ka hei vei ngai ngai.
Zeidang a si ruam loh, chaw le va nih a phaak lo hin cun Raw kung bang hin tang lei ah kan kun(niam) ko ne hi, si loh ma? Fingrei.
Zaan suimilam 12 p.m a hun phaak cang hin cun ruah lo karah ruahnak kan ngei tawn! Pumhnak caan a vun dih cun ke in lamh(step) ah cun kan hei kal tti, an in lei hawih pah te ii, (a mirang holh tein,uar nawn te in) *"Bye bye, good night"*a vun ka ti cang hin cun, kei Rua bang ai kawi cang mi hi, Fâr kung bangin ding zir zawr piin ka um ko e(h)! Ai her pah te i a sam nak sen(blonde) mi nih a liang cung cu faak nawn tein a hei tuk, ma cu nak i, ka lung hmui mi le Pathian hmai ka te ii kut tlaih bu te ii Puan hei zawnh ka cak ngai mi *"Lai puan"*te cu a hei i fenh. A zelaw! Kha!h Leng Nunu vial te hmaika ii *'Pazaa'* i ti ve cang mi cu kha!h, Khawi kaah thla ka um ti ka theih ttung lo. Ka lung maw a tlau tiah, ka lung ka hei dah cun a um ko ttung!, ka zei hi dah tlau ne la? Fingrei?
A kheel muang nawn, faaklo tein a hun i thlir ii pei nawn te in a vun kal. Ka holh thiam le ruahnak nih a chim fiang kho loh Kio Hmung hlain hloi ning,
*" An kedil sang nawn te he,*
*Pei nawn te in kal hna"*
Ti awk bang tein a hei kal. A cu reru zoh dawh le sung lawi cu, ka nunchanah ka tawng bal ti lai loh hi tah. Hi ti tuk i zoh dawh le ttha sertu tiang hna in mawhchiat hial hna ka hei duh!
A bân lachawn bang i var mi cu, a kal pah te cun a vei zông ai lo sual lai ti phang si awm takin khat lei le khat lei cu kau ngaiin a hei vei. Zingkaa ii fale rawlchumh piaktu le lakphak siamtu ding hnaah saduh Leng hawi theih lo in ka hei that. Ciliau vate bang thla hei ngei ning law, a lennak lampi le a rawl eibang tti ttawt chartu tal ah ka hei ttang ngha, a ka tthawl em la loh cu maw!?
Cu ti i ruahnak tiluhawr ka hei hrawn liau ah cun,hla sak thiam Van Biak Lian nih,
*" Riah ballo nak hmunin kai tthang tam cang"*
a ti bangin thawk khat lo pi ah, tlingkhän cung i ka pumsa cu ka ruahnak nih cun a hun umpi colh. Aw Pathian samhri sih loh hi cu a faak khun e!h. Khawzing tal nih an kan samhrisih ngha dek maw!?
Aw....... Ka thinlung zeidang a si loh, chaw le va ah i an loh hrat cu, a faak khun ko eh.Tuaihmawng kung tang te i dawtnak lungthli tumin, Sui Ngun Rem hla bangin,
*"Hi vawlei caah cun pakhat lawng si hman law,*
*Kei caah cun zei zawngte na si.*
*Sui ngun chawva rumnak tello dawtnakah cun,*
*Kan nih cu Millionair"*
Kan rak ti tawn mi cu, Dawtmi nang le kei dawtnak bia kamh mi vialte cu Sangnghak hla bangin *" Lamawt bang dawtnak"* maw ai chan ne la. A si kho hrim lo.
Chawva i anh lo ruang i kan neh hnu hei cul/ruat tthan ding cu, zeitin dah ka ruat khoh hrim la. Chaw le va ruang hi maw Kei *Leng Valpa* Chuahchan lawngte si ngha. Na tello hin cun zial cawp hmanh kai zial thiam rih ttung lo..kan tthut tawn nak tuaihmawng kung tang teah tthu in, din nawn, thang nawntein Sang Nghak hla lawngte, chuah(play) in tlingkhân cung te ah ngaiin, nang kan ngaihnak le ruahnak a dai kho bal hrim lai lo.
*"Ka ttap e nunnem zan thlavang tangah,*
*Kan tthut tti tawnnak,*
*Kan lennak tlang* *hrawn.* *Valdang ttang pawmin,*
*Kan neh hnu na cul cun,*
*Hun ka ruat ve law,*
*Na Dawt cia na "Tta".*
Van Lal Dawt Hlondo
Tuaihmâwng kung Capar
Aizawl : 30. July. 2017. Zarhpini.
The Phongpi Post ( ONP)
Cattialtu : Salai Van Lal Dawt Hlondo
Maimawmh ril nih a ka zet(bawmh) bang hin, ka lungchung ruahnaak ah zei maw dek hi ka hei vei ngai ngai.
Zeidang a si ruam loh, chaw le va nih a phaak lo hin cun Raw kung bang hin tang lei ah kan kun(niam) ko ne hi, si loh ma? Fingrei.
Zaan suimilam 12 p.m a hun phaak cang hin cun ruah lo karah ruahnak kan ngei tawn! Pumhnak caan a vun dih cun ke in lamh(step) ah cun kan hei kal tti, an in lei hawih pah te ii, (a mirang holh tein,uar nawn te in) *"Bye bye, good night"*a vun ka ti cang hin cun, kei Rua bang ai kawi cang mi hi, Fâr kung bangin ding zir zawr piin ka um ko e(h)! Ai her pah te i a sam nak sen(blonde) mi nih a liang cung cu faak nawn tein a hei tuk, ma cu nak i, ka lung hmui mi le Pathian hmai ka te ii kut tlaih bu te ii Puan hei zawnh ka cak ngai mi *"Lai puan"*te cu a hei i fenh. A zelaw! Kha!h Leng Nunu vial te hmaika ii *'Pazaa'* i ti ve cang mi cu kha!h, Khawi kaah thla ka um ti ka theih ttung lo. Ka lung maw a tlau tiah, ka lung ka hei dah cun a um ko ttung!, ka zei hi dah tlau ne la? Fingrei?
A kheel muang nawn, faaklo tein a hun i thlir ii pei nawn te in a vun kal. Ka holh thiam le ruahnak nih a chim fiang kho loh Kio Hmung hlain hloi ning,
*" An kedil sang nawn te he,*
*Pei nawn te in kal hna"*
Ti awk bang tein a hei kal. A cu reru zoh dawh le sung lawi cu, ka nunchanah ka tawng bal ti lai loh hi tah. Hi ti tuk i zoh dawh le ttha sertu tiang hna in mawhchiat hial hna ka hei duh!
A bân lachawn bang i var mi cu, a kal pah te cun a vei zông ai lo sual lai ti phang si awm takin khat lei le khat lei cu kau ngaiin a hei vei. Zingkaa ii fale rawlchumh piaktu le lakphak siamtu ding hnaah saduh Leng hawi theih lo in ka hei that. Ciliau vate bang thla hei ngei ning law, a lennak lampi le a rawl eibang tti ttawt chartu tal ah ka hei ttang ngha, a ka tthawl em la loh cu maw!?
Cu ti i ruahnak tiluhawr ka hei hrawn liau ah cun,hla sak thiam Van Biak Lian nih,
*" Riah ballo nak hmunin kai tthang tam cang"*
a ti bangin thawk khat lo pi ah, tlingkhän cung i ka pumsa cu ka ruahnak nih cun a hun umpi colh. Aw Pathian samhri sih loh hi cu a faak khun e!h. Khawzing tal nih an kan samhrisih ngha dek maw!?
Aw....... Ka thinlung zeidang a si loh, chaw le va ah i an loh hrat cu, a faak khun ko eh.Tuaihmawng kung tang te i dawtnak lungthli tumin, Sui Ngun Rem hla bangin,
*"Hi vawlei caah cun pakhat lawng si hman law,*
*Kei caah cun zei zawngte na si.*
*Sui ngun chawva rumnak tello dawtnakah cun,*
*Kan nih cu Millionair"*
Kan rak ti tawn mi cu, Dawtmi nang le kei dawtnak bia kamh mi vialte cu Sangnghak hla bangin *" Lamawt bang dawtnak"* maw ai chan ne la. A si kho hrim lo.
Chawva i anh lo ruang i kan neh hnu hei cul/ruat tthan ding cu, zeitin dah ka ruat khoh hrim la. Chaw le va ruang hi maw Kei *Leng Valpa* Chuahchan lawngte si ngha. Na tello hin cun zial cawp hmanh kai zial thiam rih ttung lo..kan tthut tawn nak tuaihmawng kung tang teah tthu in, din nawn, thang nawntein Sang Nghak hla lawngte, chuah(play) in tlingkhân cung te ah ngaiin, nang kan ngaihnak le ruahnak a dai kho bal hrim lai lo.
*"Ka ttap e nunnem zan thlavang tangah,*
*Kan tthut tti tawnnak,*
*Kan lennak tlang* *hrawn.* *Valdang ttang pawmin,*
*Kan neh hnu na cul cun,*
*Hun ka ruat ve law,*
*Na Dawt cia na "Tta".*
Van Lal Dawt Hlondo
Tuaihmâwng kung Capar
Comments