DAWTMI CO LAINAK AH RUM A HAU
DAWTMI CO LAINAK AH RUM A HAU
23. July. 2017. Zarhpini
The Phongpi Post ( ONP)
Cattialtu : MS. Dawngliana Fambawl ( Salai Fingrei)
Ka khel cu kavan i let tuzing cu Zarpi ni a si. KA Nu nih "pacung tho cang hme I pum hna nei tim lo maw" ? Khua ka ruat, ziah hme ka kawi Tenglam hi Ai pum ve bal ngha lo tu kar hrawng hi, Bawirem he hna hin an i then maw si ngha? Tuzing a van ipum lo sicun an inn lei ah kava leng tela ka ti.
Rawl cu puar ko kei ei i pum ding ka van i thawh cun, Bawirem hnu ah keimah ta tiphun khin khua Saya hawng um thar Phircung nih a van zulh ko, Elaw! ...hi ruangah hin maw Tenglam hi i pumh le mino thil tuah vialte a hrelh tiah ka ruahnaak a choi lengmang colh.Vawi dang khel cun zanghlei cawi in Dawh Mino bu ah ai tel tawn cuh. " Bawirem, ka kawi Tenglam teh?". Ka van hal bak cun lau nawn khin a um,Tenglam he pehtlaihnak ngei ballo phun khin. "Kangal lo, lo-ah zarhpini a hmanh thlulo in a riak hoi sila"! Tuhi Kai chawnh sual ne, kan nih pawl cacun lam hla pi mi ko a lo pah ko cang hi teh. I pumh tha hmanh a tho tilo.
I pumh kan dih cun rian rang te in Tenglam te inn lei cun ka va kal," Tenglam a um maw?" A nu nih " Aw..... Fingrei nangmah maw? hong kan leng, a um ko Inn tang lei ah a um hoi ko khih. Na kawipa hi Nu duhzia a thiam loh le, DUHNAK THONG CHUNGAH ATLA ko cang hih, zei tuah zong a huamloh, chonh zongah kan kaa bak an kan leh, i pumh kan fial le bia kan chimh zong zei santlailo viar si. Nangmah tu nih lungfim chimh khawh i zuam law kan duh ngai" a ti. Cubak cun tuzing pumh kal pah i ka hmuh mi kha ka van i fiang chin lengmang.
Inn tang lei cun ka ttum ve, ka ttum pah cun thawng ka theih mi, Tenglam Kittha le hla sak mi nih ka lung a turter i ka ruah mi cu a fianter chin chin hoi.
*Tahniang Nang le kei co lai cu nai nawl kho lo maw? Thih hlan philh ni na um lai lo*
Ka dir i ka zauh ko, zeidang a ruatlo, a hla le a dawtmi lawng cu a ruahnaakah an um ti ai fiang ko.
"Kawia" ti cun ka hei auh, " Eeee... Ka kawi Pacung hawng leng, kan hlam tuk cu, tu hi vancung khua mw na phak cang ka ti cu teh"
"Ziahhme nai pumh lo? Kan hnung zarh zong nai pum tilo".
"Ka pumlo ko, pumh zong hi ka huam setsai loh tulio cu" ti cun a lengphaw lawng i nih pah cun a van ka leh.
"Ka kawi, tulio na umtuning cu theihthiam har bak, a hlaan he cu naa lo bakloh hih"
"Ka umtu cu a ning khel siko cuh" ti pah cun a kittha cu a hri pakhat hnu pakhat a van rin ter pah.
"Na umtuning hi ka theih dih ko, hawi kan siloh maw? Ziah ka pawng cun bia na thuh, hawi ah na ka ruat tiloh maw? "tiah ka van hal tthan. Cuve cang cun a van i ruat suamau, kei nih dai ko cun ka rak zauh.
" Ka kawi, Ka si can hi cu sive law I pumh cu chimlo na ruak kan vui nak caan hi a sau cang la,daling ka vawikhat neihnaak zong silo ti na theih, hmanhselaw Bawirem hi cu aw ka duh ve tuk ko, kaa pheh bakloh". Ka ar ko, a hma hia rak ngan tuk i, a fak tuk si lai, leh awk hmanh ka theilo, a bia nih hin tam ngai cu ka lungah bia a chim nghap ve.
Nain ka van i ruat tthan i, ram le miphun a dawt ning , miphun kong chim i a lei a dinh manhlo ning hna ka theih tthan. Hi kong hi chimpi ninglaw ai ning deuh ko lai tiah ka ruah.
"Ziah hme Pasal,Lairam le miphun ca ah kamlo chuncha bang Laipa ka si!nai tive tung i ,nu pakhat ruangah ranpi hmatuar bang na hram len ko, kan hawi le Salai Buangro, B T Z, Dawtzuun te rual " Pa pakhat, nu zakhat ti mi hla hehmaw ti i an sak liau i, nang nu pakhat ruang rak onh len ko cu a si baklo aaa.." A lung a khong bak, a temtuar ning cu a nepte loh ti ai fiantuk caah si men la. "Bangko tuah, nang zong hi na nu le pa nih dakaw 'Pacung, zei kan ti ngha, zu hi cu ding ti hlah' an in ti i, kumpi kum 6 deng an i ti kho lo, cuhnu ah Iangku nih," Pacung, zu na din nolh cun nang le kei cu kan siko lailo" an ti ruangah na tthinh ko cu.Hawi hlei piangthar khun cun na hei tlongleng le eih." 😁😁.. "Dai tuah Tincung be perhlei mi maw heh na chim ve" ..
"Tenglam, Bawirem na duhnak hi cu ruah lo pi ttek tla bang, I ven zia a har tak tak ve mi siko. Ngai hmanh, kan upa Valchung hna hi a nupi Suite khi an in thlang mite a siko, hi nu hi ka uar te lai i ka thih hnawh deng te lai ti khi a lungthli pel hmanh in a ruat bal lo i a zaanmang hmanhah a man ballo. Tucun ram a kal i inn i Suite a umlo cun a thin a hang, a thil phur mihna dakaw vawikhat le bangcu hnawmbawmah a thlet viar cuh. Kan hei chim duhmi cu harnak bantuk a simi duhnak hi minung nih kan duh maw duhlo in kan ton viar ding asi. Thil pakhat faak tuk kan in hngalo kan i ven thiam kha a biapi tuk khah, atu hi cu lam nai lamh sual ve siko, hi hnu hmaileiah lamping na lamhlo nak hnga fim an chim tu siko seh" ti cun bia ka sah tthan rih. A kittha cu a van tun, tukverh hram lei cun a va kal, vamtlang tlaih bu cun a dir, "Ka kawi Pacung, nu cheu hi cu mihrawkhrawl an si, Bawirem hna hi!" Ka tta, vuleicungah hin nang theng te hi zungzal caah kan thim, ka nun nak le kazei zawng vialte kan pek" a heibti,caan a vun liam, Saya Phir Cung, lahkhah ei a hei ton i a hei zuanhnawh colh cuh, ka fih tak tak. Hi bantuk nu pawl hi cu zumhreih an siko. "
A si bak ve ko, zumhawktlak i a nunglo mi nungak hi an um ve cu awh, cupinah zumhawktlaklo an si naak nih mi lung a fahter tuk hi cu a poi tak mi si.Tenglam lungfah ning zauhah hin Bawirem te bantuk minung hi ka fih tuk ve hna, ka hawi ka dawt i, ka zangfah tuk ruangah si men la. A umtuning zauh hin zang a fak ve tuk cuh.
"Phundangpi in ruat
hlah kan nih phongtlang khua te hmanhah hin chan ti luan nih an kan luanpi chih ve le ramttha i nupi le va kawl in kan kawl ve cang cuh. Ramttha ah cun an thluak in an kawl le "hi pa nih hin a ka cawm kho la maw?" ti hna pei an ruat cu.. Ram sifak hna cun an thinlung in pei an kawl cu, ka dua Bawirem hi sualphawt tuk ding zawng asi lo,Laimi kan zia te siko hih.Vakok nun cu chim ngam ding phun hmanh kan si tilo."
A bia a peh kho tilo, a kuakzial cu fakpi in a van dawp le van lei ah a khu a van chuah ter, Bawirem he hmun khat i an rak len tti liau tlap khat hnu tlap khan a mitthlam ah an cuang.
Bawirem he Kethei an rak hrawn liau, Ceu Va i Nga hring an rak dum lio, Bawirem nih "Tenglam, thihnak tur hmanh khi ding law, ding ve na ti cun ka din ve la" a rak ti lio, Tenglam nih, "Bawirem, kan duh ti na chim ngam lo zawng ah na lu tal su" a rak ti lio te hna. An i pumhnak inn le Bawirem te inn aa neih tuk ruang i meng sawm tal siseh ti a rak duh ning, nang he cun ni nikhatah kan khua in kan Lai khua lipi Lawngtlai hmanh khi banh manh kaa zum a rak ti lio te hna cu a mitthlam ah cun pakhat hnu pakhat an cuang.
"Aw, zei ti awk tha i lungsak ne ko ning mu, hi hnu hmaileiah fim a ka chim tu ah ngai ko cang ning law ka temtuar nak hi a dam deuh hnga"
Pa Cung, khah na van ka len cu ka hna a ngam suaumau. Hawng leng hlah law kan Kohran upa Vanlalhlut nih Thlan tlangah Thlacam nak in, "Kan hawi Salai Tenglam, Pathian nih a ser chan Vawleiah cithlah ding tihlawhtling lo hmanhsehlaw, a caan vial te Lairam le miphun caah a pek. Minung cu leidip in a ra i leidip ah a kir than lai" a ti nak caan a siau cang hnga.
Ka dua, Thinghnah zong nih tilh caan cu an nei i, a caan a hawng chuah cun hnahno an chuah than ko. Nang zong thachiat phunin um hlah. Khih Bawi Veng Lasi, Abawi fanu Tlanchung khi a tungtai a tha ngai khih, an veng tlangval pawl nih thathi in an chawn ngam lo. Zan lei Ti tlak lai hrawng i veng chung i a van i chawh khin cun an veng upa Khamhbawi hmanh nih dawhawh an nu hmai chiat lai ruat loin an thlalang awng in a bih tawn cuh. An veng tlangval pawl nih a ngamh an ngamh lo. Aizawl siangkai deuh Cungpi te, Pate te pawl deuh lawng nih an len ngam khi, van i thawh ve ko .
Ka kawi, "Pafim nasi, ka lung i kei ruah mite bak na van khen ko".
Khah kan ttin tak la. Mino lei cawlcanghnak leiah tel ve ka duh. Aw.. Si.. Si...
Va tel, keimah hmanh kei tel khawh lomi na hawng leng le ka dam ngai. Thaizing zan lei hna cun Bawiveng Lasi cu ka va leng ve te la.
"Si le va leng bai uah, DuhCung te pawl an bia le hla a tha ngai dawhawh, an in kah khan ko la".
"Duhcung te pawl he cuaithlai ding phun ka si lo. Nai zongah Pangrang khua i Suilenpar, heh ti ka kah hliam sa dawhawh hehmaw te a va nolh ve ko khah. Bawi Veng tlangval pawl he zuhrai ai tawm phun zong kasi lo hrim hrim".
"Khah, kan Lai phungah 'A ruh tum hlah a hang na hap lai' ti a si khah, va fimkhur cangh mu" ti cun kan bia kan dongh i,lawi cu kaa thawh. Ka hmuh kaa i a muihmai naak cun a hliphlau deuh suamau cun ka hmuh. "kawi, tuzan cu kan rak leng lai, inah rak um awh" tiin hmai pan nawn cun a a van ka thlah. "Awh, ka rak um hrim lai, Lai pasal na si kha thei peng mu" ti pah cun ka liam tak.
Tenglam nih Bawrem a co khawh lo naak ruang hi tampi lak ah "Khuasak tintuk" timi nih a tlang a kawm dih..
Catial tu
M.s Dawngliana
Fambawl
23. July. 2017. Zarhpini
The Phongpi Post ( ONP)
Cattialtu : MS. Dawngliana Fambawl ( Salai Fingrei)
Ka khel cu kavan i let tuzing cu Zarpi ni a si. KA Nu nih "pacung tho cang hme I pum hna nei tim lo maw" ? Khua ka ruat, ziah hme ka kawi Tenglam hi Ai pum ve bal ngha lo tu kar hrawng hi, Bawirem he hna hin an i then maw si ngha? Tuzing a van ipum lo sicun an inn lei ah kava leng tela ka ti.
Rawl cu puar ko kei ei i pum ding ka van i thawh cun, Bawirem hnu ah keimah ta tiphun khin khua Saya hawng um thar Phircung nih a van zulh ko, Elaw! ...hi ruangah hin maw Tenglam hi i pumh le mino thil tuah vialte a hrelh tiah ka ruahnaak a choi lengmang colh.Vawi dang khel cun zanghlei cawi in Dawh Mino bu ah ai tel tawn cuh. " Bawirem, ka kawi Tenglam teh?". Ka van hal bak cun lau nawn khin a um,Tenglam he pehtlaihnak ngei ballo phun khin. "Kangal lo, lo-ah zarhpini a hmanh thlulo in a riak hoi sila"! Tuhi Kai chawnh sual ne, kan nih pawl cacun lam hla pi mi ko a lo pah ko cang hi teh. I pumh tha hmanh a tho tilo.
I pumh kan dih cun rian rang te in Tenglam te inn lei cun ka va kal," Tenglam a um maw?" A nu nih " Aw..... Fingrei nangmah maw? hong kan leng, a um ko Inn tang lei ah a um hoi ko khih. Na kawipa hi Nu duhzia a thiam loh le, DUHNAK THONG CHUNGAH ATLA ko cang hih, zei tuah zong a huamloh, chonh zongah kan kaa bak an kan leh, i pumh kan fial le bia kan chimh zong zei santlailo viar si. Nangmah tu nih lungfim chimh khawh i zuam law kan duh ngai" a ti. Cubak cun tuzing pumh kal pah i ka hmuh mi kha ka van i fiang chin lengmang.
Inn tang lei cun ka ttum ve, ka ttum pah cun thawng ka theih mi, Tenglam Kittha le hla sak mi nih ka lung a turter i ka ruah mi cu a fianter chin chin hoi.
*Tahniang Nang le kei co lai cu nai nawl kho lo maw? Thih hlan philh ni na um lai lo*
Ka dir i ka zauh ko, zeidang a ruatlo, a hla le a dawtmi lawng cu a ruahnaakah an um ti ai fiang ko.
"Kawia" ti cun ka hei auh, " Eeee... Ka kawi Pacung hawng leng, kan hlam tuk cu, tu hi vancung khua mw na phak cang ka ti cu teh"
"Ziahhme nai pumh lo? Kan hnung zarh zong nai pum tilo".
"Ka pumlo ko, pumh zong hi ka huam setsai loh tulio cu" ti cun a lengphaw lawng i nih pah cun a van ka leh.
"Ka kawi, tulio na umtuning cu theihthiam har bak, a hlaan he cu naa lo bakloh hih"
"Ka umtu cu a ning khel siko cuh" ti pah cun a kittha cu a hri pakhat hnu pakhat a van rin ter pah.
"Na umtuning hi ka theih dih ko, hawi kan siloh maw? Ziah ka pawng cun bia na thuh, hawi ah na ka ruat tiloh maw? "tiah ka van hal tthan. Cuve cang cun a van i ruat suamau, kei nih dai ko cun ka rak zauh.
" Ka kawi, Ka si can hi cu sive law I pumh cu chimlo na ruak kan vui nak caan hi a sau cang la,daling ka vawikhat neihnaak zong silo ti na theih, hmanhselaw Bawirem hi cu aw ka duh ve tuk ko, kaa pheh bakloh". Ka ar ko, a hma hia rak ngan tuk i, a fak tuk si lai, leh awk hmanh ka theilo, a bia nih hin tam ngai cu ka lungah bia a chim nghap ve.
Nain ka van i ruat tthan i, ram le miphun a dawt ning , miphun kong chim i a lei a dinh manhlo ning hna ka theih tthan. Hi kong hi chimpi ninglaw ai ning deuh ko lai tiah ka ruah.
"Ziah hme Pasal,Lairam le miphun ca ah kamlo chuncha bang Laipa ka si!nai tive tung i ,nu pakhat ruangah ranpi hmatuar bang na hram len ko, kan hawi le Salai Buangro, B T Z, Dawtzuun te rual " Pa pakhat, nu zakhat ti mi hla hehmaw ti i an sak liau i, nang nu pakhat ruang rak onh len ko cu a si baklo aaa.." A lung a khong bak, a temtuar ning cu a nepte loh ti ai fiantuk caah si men la. "Bangko tuah, nang zong hi na nu le pa nih dakaw 'Pacung, zei kan ti ngha, zu hi cu ding ti hlah' an in ti i, kumpi kum 6 deng an i ti kho lo, cuhnu ah Iangku nih," Pacung, zu na din nolh cun nang le kei cu kan siko lailo" an ti ruangah na tthinh ko cu.Hawi hlei piangthar khun cun na hei tlongleng le eih." 😁😁.. "Dai tuah Tincung be perhlei mi maw heh na chim ve" ..
"Tenglam, Bawirem na duhnak hi cu ruah lo pi ttek tla bang, I ven zia a har tak tak ve mi siko. Ngai hmanh, kan upa Valchung hna hi a nupi Suite khi an in thlang mite a siko, hi nu hi ka uar te lai i ka thih hnawh deng te lai ti khi a lungthli pel hmanh in a ruat bal lo i a zaanmang hmanhah a man ballo. Tucun ram a kal i inn i Suite a umlo cun a thin a hang, a thil phur mihna dakaw vawikhat le bangcu hnawmbawmah a thlet viar cuh. Kan hei chim duhmi cu harnak bantuk a simi duhnak hi minung nih kan duh maw duhlo in kan ton viar ding asi. Thil pakhat faak tuk kan in hngalo kan i ven thiam kha a biapi tuk khah, atu hi cu lam nai lamh sual ve siko, hi hnu hmaileiah lamping na lamhlo nak hnga fim an chim tu siko seh" ti cun bia ka sah tthan rih. A kittha cu a van tun, tukverh hram lei cun a va kal, vamtlang tlaih bu cun a dir, "Ka kawi Pacung, nu cheu hi cu mihrawkhrawl an si, Bawirem hna hi!" Ka tta, vuleicungah hin nang theng te hi zungzal caah kan thim, ka nun nak le kazei zawng vialte kan pek" a heibti,caan a vun liam, Saya Phir Cung, lahkhah ei a hei ton i a hei zuanhnawh colh cuh, ka fih tak tak. Hi bantuk nu pawl hi cu zumhreih an siko. "
A si bak ve ko, zumhawktlak i a nunglo mi nungak hi an um ve cu awh, cupinah zumhawktlaklo an si naak nih mi lung a fahter tuk hi cu a poi tak mi si.Tenglam lungfah ning zauhah hin Bawirem te bantuk minung hi ka fih tuk ve hna, ka hawi ka dawt i, ka zangfah tuk ruangah si men la. A umtuning zauh hin zang a fak ve tuk cuh.
"Phundangpi in ruat
hlah kan nih phongtlang khua te hmanhah hin chan ti luan nih an kan luanpi chih ve le ramttha i nupi le va kawl in kan kawl ve cang cuh. Ramttha ah cun an thluak in an kawl le "hi pa nih hin a ka cawm kho la maw?" ti hna pei an ruat cu.. Ram sifak hna cun an thinlung in pei an kawl cu, ka dua Bawirem hi sualphawt tuk ding zawng asi lo,Laimi kan zia te siko hih.Vakok nun cu chim ngam ding phun hmanh kan si tilo."
A bia a peh kho tilo, a kuakzial cu fakpi in a van dawp le van lei ah a khu a van chuah ter, Bawirem he hmun khat i an rak len tti liau tlap khat hnu tlap khan a mitthlam ah an cuang.
Bawirem he Kethei an rak hrawn liau, Ceu Va i Nga hring an rak dum lio, Bawirem nih "Tenglam, thihnak tur hmanh khi ding law, ding ve na ti cun ka din ve la" a rak ti lio, Tenglam nih, "Bawirem, kan duh ti na chim ngam lo zawng ah na lu tal su" a rak ti lio te hna. An i pumhnak inn le Bawirem te inn aa neih tuk ruang i meng sawm tal siseh ti a rak duh ning, nang he cun ni nikhatah kan khua in kan Lai khua lipi Lawngtlai hmanh khi banh manh kaa zum a rak ti lio te hna cu a mitthlam ah cun pakhat hnu pakhat an cuang.
"Aw, zei ti awk tha i lungsak ne ko ning mu, hi hnu hmaileiah fim a ka chim tu ah ngai ko cang ning law ka temtuar nak hi a dam deuh hnga"
Pa Cung, khah na van ka len cu ka hna a ngam suaumau. Hawng leng hlah law kan Kohran upa Vanlalhlut nih Thlan tlangah Thlacam nak in, "Kan hawi Salai Tenglam, Pathian nih a ser chan Vawleiah cithlah ding tihlawhtling lo hmanhsehlaw, a caan vial te Lairam le miphun caah a pek. Minung cu leidip in a ra i leidip ah a kir than lai" a ti nak caan a siau cang hnga.
Ka dua, Thinghnah zong nih tilh caan cu an nei i, a caan a hawng chuah cun hnahno an chuah than ko. Nang zong thachiat phunin um hlah. Khih Bawi Veng Lasi, Abawi fanu Tlanchung khi a tungtai a tha ngai khih, an veng tlangval pawl nih thathi in an chawn ngam lo. Zan lei Ti tlak lai hrawng i veng chung i a van i chawh khin cun an veng upa Khamhbawi hmanh nih dawhawh an nu hmai chiat lai ruat loin an thlalang awng in a bih tawn cuh. An veng tlangval pawl nih a ngamh an ngamh lo. Aizawl siangkai deuh Cungpi te, Pate te pawl deuh lawng nih an len ngam khi, van i thawh ve ko .
Ka kawi, "Pafim nasi, ka lung i kei ruah mite bak na van khen ko".
Khah kan ttin tak la. Mino lei cawlcanghnak leiah tel ve ka duh. Aw.. Si.. Si...
Va tel, keimah hmanh kei tel khawh lomi na hawng leng le ka dam ngai. Thaizing zan lei hna cun Bawiveng Lasi cu ka va leng ve te la.
"Si le va leng bai uah, DuhCung te pawl an bia le hla a tha ngai dawhawh, an in kah khan ko la".
"Duhcung te pawl he cuaithlai ding phun ka si lo. Nai zongah Pangrang khua i Suilenpar, heh ti ka kah hliam sa dawhawh hehmaw te a va nolh ve ko khah. Bawi Veng tlangval pawl he zuhrai ai tawm phun zong kasi lo hrim hrim".
"Khah, kan Lai phungah 'A ruh tum hlah a hang na hap lai' ti a si khah, va fimkhur cangh mu" ti cun kan bia kan dongh i,lawi cu kaa thawh. Ka hmuh kaa i a muihmai naak cun a hliphlau deuh suamau cun ka hmuh. "kawi, tuzan cu kan rak leng lai, inah rak um awh" tiin hmai pan nawn cun a a van ka thlah. "Awh, ka rak um hrim lai, Lai pasal na si kha thei peng mu" ti pah cun ka liam tak.
Tenglam nih Bawrem a co khawh lo naak ruang hi tampi lak ah "Khuasak tintuk" timi nih a tlang a kawm dih..
Catial tu
M.s Dawngliana
Fambawl
Comments