BAWIPA THANGṬHAT
BAWIPA THANGṬHAT
15. July. 2017. Zarhteni
The Phongpi Post ( ONP)
Cattialtu : Rev. V. Suikharlian
Fa a pawi than i fapa a hrin ṭhan. “Atu cu Pathian ka thangṭhat lai,” a ti i cucaah a min cu Judah a sak.(Genesis 29:35)
Zei caah dah Pathian nih mi nung a ser? Mi nung cu Pathian nih amah thangṭhat ding ca i a ser mi a si. Pathian cu mi nung nih a thang ṭhat awk a si.
Baibal ca thiang kan thim mi Genesis 29:35 khi Laban fanu a upa deuh, Jakob nupi a hmasa deuh Leah kong a si. Leah si ning Baibal nih a chim ning ah cun a mui aa dawh tuk lo i a mit nih a hmuh khawhnak kha a der ngai mi a si, (Gen.29:17). Baibal nih a chim ning ah hin pa nih duh awk tlak lo a si theo lai. Cu ban tuk cu a si caah a pa Laban nih Jakob kha a hlen i a fanu a ngakchia deuh Rachel can ah a nupi ding ca i a pek mi a si. Zarh khat chung ṭhitnak puai a tlin hnu ah kum sarih dang Laban kha Jakob nih rianh than ding in Rachel kha a pek than i chungkhar pakhat ah khua an sa ti. Bawipa nih Leah cu dawt lo deuh a si kha a hmuh tikah anih tu kha fa ngeih khawhnak a pek i Rachel kha cu fa ngei loin a um ko. Leah nih fa a hrin mi hna min a sak mi zaoh tikah Leah nih hin a nun kong hi biatakte in a ruat tih kha hmuh awk a um
. A hmasa bik ah fapa a hrin, aa thawh i, “BAWIPA nih ka harnak kha a ka hmuhpiak cang, atu cu ka va nih a ka dawt cang lai,” a ti; cucaah a min ah “Reuben” a sak. Fa a pawi ṭhan i a dang fapa a hrin than. “Kei cu dawt lomi ka si kha BAWIPA nih a theih caah hi fapa hi a ka pek ṭhan,” a ti i cucaah a min ah “Simeon” a sak. Fa a pawi ṭhan i fapa a hrin ṭhan. “Atu cu fapa pathum ka hrinpiak cang caah ka va hi ka sinah fek deuhin aa ṭem cang lai,” a ti i cucaah a min cu “Levi” a sak. Nu le va kar i dawtnak hmuh awk kha Leah nih hin a va Jakob sin in hin hmuh awk a ngei lo i a va nih hin zan leiah ihpi hmanh selaw, a dawtnak tak tak cu Leah nih hin ruahchan awk a ngei lo tih kha a fa min sak hna nih hin fiang tukin a langhter.
Hi hnu ah hin Leah nih hin fa a pawi ṭhan i fapa a hrin ṭhan. Atu cu Leah ruah ning a dang cang. A hlan ah khan cun a va Jakob lei lawng kha a rak zaoh tawn i atu cu a ruah nih a phun aa dang cang. A va he an i peknak lawng kha a ruahnak ah a rak um tawn. Atu cu mi nung lei ah a ruahnak le saduhthah bantuk in thil kha um lo hmanh se law Pathian kha ka thangṭhat lai ti ah ruahnak a ngei cang. Cu caah, “Atu cu Pathian ka thangṭhat lai,” a ti i a fapa min cu Judah a sak. Leah nih hin Bawipa thluachuah a hmuh mi lawng rak zaoh in thluachuah petu Bawipa kha a rak zaoh bal lo. Atu cu a si ning in Bawipa lei lawng lawng a zaoh cang. Hi hi Bawipa thangṭhat i thawhnak hram cu a si.
Judah kong kan zaoh tik ah Bawipa thangṭhat in a chuak mi a phun phun in hmuh awk a um:
1. Izipt ram an chuah tak lio ah khan mi phun a tam cem an si. Bawipa thangṭhat nak nih cun a thangṭhat tu pumpak/mi phun/khrihfabu caah thluachuahnak tampi a tlunter.
2. Jakob rovuih bia kan zaoh tik ah Judah cu a ram uk a kau cem lai i cawhnuk i cawm ding mi phun an si (Gen. 49:9-12).
3. Kanaan ram panh i ramcar i an tlawn lioah khan an um nak nih Biak inn a naih bik. Hi nih hin a langhter mi cu Bawipa thangṭhat nak nih cun Amah naih ah a kan chiah.
4. Kanaan ram an luh i ral an tuk lio zawng ah khan Judah miphun kha hruaitu an si. Bawipa thangṭhat cu ral teinak a si, Khrihfa kan caah zawng Bawipa thatṭhatnak hi Satan kan teinak ding ca i a herh mi a si.
5. Siangpahrang David zawng kha Judah in a chuak mi a hrinsor tefa a si.
6. Bawi Jesuh Khrih zong kha Judah mi phun in a chuak mi a si.
7. Jakob rovuih bia kan zaoh ṭhan tikah a thih tikah a ruak cu Leah ruak an chiah nak pawng teah chiah ding in a fale a vuih hna. Leah cu a hramah hmete ruahchan ding ngei lo dirhmun i um si hmanh selaw, Bawipa a thangṭhat i, a donghnak/theipar kan zaoh tikah cun thil lian ngan pi pi amah in a chuak. Leah bantuk in mi nung ah ruahchan ding ngei lo dirhmun ah um hmanh u si law, Bawipa lei kha zaoh in amah kha thangṭhat ko hna u sih, cu kaah cun kan miphun tunmernak ding zong a um dih, Amen.
15. July. 2017. Zarhteni
The Phongpi Post ( ONP)
Cattialtu : Rev. V. Suikharlian
Fa a pawi than i fapa a hrin ṭhan. “Atu cu Pathian ka thangṭhat lai,” a ti i cucaah a min cu Judah a sak.(Genesis 29:35)
Zei caah dah Pathian nih mi nung a ser? Mi nung cu Pathian nih amah thangṭhat ding ca i a ser mi a si. Pathian cu mi nung nih a thang ṭhat awk a si.
Baibal ca thiang kan thim mi Genesis 29:35 khi Laban fanu a upa deuh, Jakob nupi a hmasa deuh Leah kong a si. Leah si ning Baibal nih a chim ning ah cun a mui aa dawh tuk lo i a mit nih a hmuh khawhnak kha a der ngai mi a si, (Gen.29:17). Baibal nih a chim ning ah hin pa nih duh awk tlak lo a si theo lai. Cu ban tuk cu a si caah a pa Laban nih Jakob kha a hlen i a fanu a ngakchia deuh Rachel can ah a nupi ding ca i a pek mi a si. Zarh khat chung ṭhitnak puai a tlin hnu ah kum sarih dang Laban kha Jakob nih rianh than ding in Rachel kha a pek than i chungkhar pakhat ah khua an sa ti. Bawipa nih Leah cu dawt lo deuh a si kha a hmuh tikah anih tu kha fa ngeih khawhnak a pek i Rachel kha cu fa ngei loin a um ko. Leah nih fa a hrin mi hna min a sak mi zaoh tikah Leah nih hin a nun kong hi biatakte in a ruat tih kha hmuh awk a um
. A hmasa bik ah fapa a hrin, aa thawh i, “BAWIPA nih ka harnak kha a ka hmuhpiak cang, atu cu ka va nih a ka dawt cang lai,” a ti; cucaah a min ah “Reuben” a sak. Fa a pawi ṭhan i a dang fapa a hrin than. “Kei cu dawt lomi ka si kha BAWIPA nih a theih caah hi fapa hi a ka pek ṭhan,” a ti i cucaah a min ah “Simeon” a sak. Fa a pawi ṭhan i fapa a hrin ṭhan. “Atu cu fapa pathum ka hrinpiak cang caah ka va hi ka sinah fek deuhin aa ṭem cang lai,” a ti i cucaah a min cu “Levi” a sak. Nu le va kar i dawtnak hmuh awk kha Leah nih hin a va Jakob sin in hin hmuh awk a ngei lo i a va nih hin zan leiah ihpi hmanh selaw, a dawtnak tak tak cu Leah nih hin ruahchan awk a ngei lo tih kha a fa min sak hna nih hin fiang tukin a langhter.
Hi hnu ah hin Leah nih hin fa a pawi ṭhan i fapa a hrin ṭhan. Atu cu Leah ruah ning a dang cang. A hlan ah khan cun a va Jakob lei lawng kha a rak zaoh tawn i atu cu a ruah nih a phun aa dang cang. A va he an i peknak lawng kha a ruahnak ah a rak um tawn. Atu cu mi nung lei ah a ruahnak le saduhthah bantuk in thil kha um lo hmanh se law Pathian kha ka thangṭhat lai ti ah ruahnak a ngei cang. Cu caah, “Atu cu Pathian ka thangṭhat lai,” a ti i a fapa min cu Judah a sak. Leah nih hin Bawipa thluachuah a hmuh mi lawng rak zaoh in thluachuah petu Bawipa kha a rak zaoh bal lo. Atu cu a si ning in Bawipa lei lawng lawng a zaoh cang. Hi hi Bawipa thangṭhat i thawhnak hram cu a si.
Judah kong kan zaoh tik ah Bawipa thangṭhat in a chuak mi a phun phun in hmuh awk a um:
1. Izipt ram an chuah tak lio ah khan mi phun a tam cem an si. Bawipa thangṭhat nak nih cun a thangṭhat tu pumpak/mi phun/khrihfabu caah thluachuahnak tampi a tlunter.
2. Jakob rovuih bia kan zaoh tik ah Judah cu a ram uk a kau cem lai i cawhnuk i cawm ding mi phun an si (Gen. 49:9-12).
3. Kanaan ram panh i ramcar i an tlawn lioah khan an um nak nih Biak inn a naih bik. Hi nih hin a langhter mi cu Bawipa thangṭhat nak nih cun Amah naih ah a kan chiah.
4. Kanaan ram an luh i ral an tuk lio zawng ah khan Judah miphun kha hruaitu an si. Bawipa thangṭhat cu ral teinak a si, Khrihfa kan caah zawng Bawipa thatṭhatnak hi Satan kan teinak ding ca i a herh mi a si.
5. Siangpahrang David zawng kha Judah in a chuak mi a hrinsor tefa a si.
6. Bawi Jesuh Khrih zong kha Judah mi phun in a chuak mi a si.
7. Jakob rovuih bia kan zaoh ṭhan tikah a thih tikah a ruak cu Leah ruak an chiah nak pawng teah chiah ding in a fale a vuih hna. Leah cu a hramah hmete ruahchan ding ngei lo dirhmun i um si hmanh selaw, Bawipa a thangṭhat i, a donghnak/theipar kan zaoh tikah cun thil lian ngan pi pi amah in a chuak. Leah bantuk in mi nung ah ruahchan ding ngei lo dirhmun ah um hmanh u si law, Bawipa lei kha zaoh in amah kha thangṭhat ko hna u sih, cu kaah cun kan miphun tunmernak ding zong a um dih, Amen.
Comments