BURMA ( MYANMAR ) LE KEIMAH ( Ka hmuhton mi chungin)
BURMA ( MYANMAR ) LE KEIMAH
( Ka hmuhton mi chungin)
16. July. 2017. Zarhpini
Aizawl. The Phongpi Post ( ONP)
Cattialtu:
Lianchungnung Hranglung.
Kalan pung litre 20 sei I a phurh pinah k nu nih cun Ka naupa cu hmaileiah aa thlaih rih. A hnungah kei nih hrukpuan hnawm viar I hnuk buin ka hnapthli he Ka zulh. Tikhur in lam canceu hrawng kan phanhah khin ka nu nih cun lau nawn khin, "Aa! kapa khuh alo ko" ati. lamkawiah ka pu cu avan lang tak tak. Kum 6 hnuah ka nu le ka
pu an van I hmuh cun ai-in an ai, ka nau he cun hehtiah kan ai ve - ka pu kan lawmh ruangah a si lo; ka min satu ka pu hi Burma ah a um le, kan hmuh ballomi asi caah kan Ttih le si. Thawngthanhnak um hlah, India I a fale tlawnah a hawng le, inpa nih tikhur kan kal ti an chim cun tikhur lam avan hrawng arak si.
Ka pu hi ka dawt le ka gai tawn ko nain Burma khual tlun hi thil nuam lo ngai a si. Thingat, lo thlo, ngapih le thil dang zuar le ka pu le hna kan tlung tawn. Sia Nghakchia, Kawl rakap le tipi an van tan hnuah India police (Laifa) cu ral lian cem an si rih. Harnak an tuarmi cu theiin kan nih dawng nih cun harsatnak tuahpiak lo kan I zuam a hau. Muthai 1 hmanh khi, "Kan mah lei tangka cun" ti i sem an ngaih tawn caah eipiak ngam an si lo. Police nih cun phaisa duhah an vo an tlaih tawn hna I ka pa nih cun a hei aukanh ve tawn hna. ka pa nih hin India upadi cu a thei ve ngai nain (santlai lo kan ti cu) police kut I 'Burma mi' a khamh ka thei lo.
A har cemmi cu ningzahnak si lomi rumro I ningzah kha a si. Ziah hme ka nu hi Zonunsangi, Durtlang si lo I Famci, Vambai a si ngha ka ti tawn. Lai nghakchia siang innah ka nu le ka pa min cu an nihsawh tawn, Rangtum tum hra hna kan inleng I saiip raang phur I an dirah khin ningzahnak ding a um loh. Sinain hawile nih a kan nihsawh cun kan ning a zak ko, nghakchia pei kan si cu. Rangtum siloin Aizawl motor dir sehlaw kan hei I uang ngai ngha. Zahpi hruaiin kan um lo nain kan ning a Zak tawn mi kha a mak ngai. Ram rim le ngapih rim khi kanmah hrim hrim kan nam ve ko nain inpa le kan hawile nih kan Burma khual tlung le an nihswhnak asi-ah khin kan huat khun.
Awikhat cu Thingat 3 khi kan in pawngah zuri pakhat nih hehtiah a chuih hna, tampi nih cun zohdawh zoh khin an rak zoh, thlalang i ka rak bih liau hnaah khin kan in pin deuh tlangval pakhat nih zuripa cu a van sik. Thingat pathum cu mitthli he Sentetfiang leiah an I hnuk. Lai khua teah sualnak nei lo kha mah hmanh I veng ngam loin an rak ping, Burma mi an si caah a si. Burma mi nu ka neih caah ka theihthiam. 1940's Ramri khamtu palh hmanh a silo, kan hruh tuk bia a si.
Can liamin ram sining aa thleng I college kai liau 2012 khan Adin le Denga he, tlangval pathum, lai holh kawngah Hakhaah kan kai. Mizoram mi nih Burma mi kan dawn (welcome) ning ka ruahah nuam lo ka tiin ka ngaihlah ngai. Burma mi tthawl ding an ti liau I, Aizawl nu Human Right Activist nih, "An ram a tthat tikah maw I phuhrung loin kai hna la u cih" a timi kha ka lungah a um peng.
Sinain, ruah lo piah lam thluanin khual tha tlunin an kan tlun. Salai C Vanramdinmawi nih, ' an mui a tha lo nain an I dawh, a kan uar lonain an dawtmi bantukin an kan zoh" ati mi kha a hman tak tak. Kan phanh kaah cun nungak nih an uar hlah maw a ti ve, An polite (Sikan an neih) caah a si. CACC GS nih khin kan nih tlangval 3 te khi dawhawh a caan hawng kan pein, nikhat lenpiin a kan kawmh cu. Mizoramah cun thil khawh a si lo, Khrihfa upa hmanh khi an I duh, kan nih te hna nih bia ruahpi khawh an si loh. Ram rumin ram sifakah kan tlawng le, lungthinah an rum deuh ti kan va hmuh. Tlang le ti nih Laimi lungput le Khawsakphung a kan tthen hi a pawi hring hran ko e.
Vantthatah Lai miphun chu kan I neih chin leng mang I kan I dawtnak zawng a karh. (Thanks to Social Media & 3rd world Refugees, not our politicians or leaders). Khawchak leh khawthlang kan van I neih chin chin I lai holh a karh pinah Lai si a van nuam tthan. Nain Ka lung a fak rih.
Ram thumnak I laimi refugee um loin Burma ram khi I thleng hlah selaw Burma mi Kan(Mizoram laimi) nehsawh rih hna la ti a fiannak cu; Zei bantuk mi thla kan si hmanh I theih hlanah khawte mi le misifak cu I nehsawh rihin USA mi cu misual hmanh kan upat rih hna. Cu ruangah cun Hiti kan I Dawt hlan I ka lungfahnak kha a tlau rih lo.
Khrihfabu zawngah Aizawl pa maw US Evangilist bechim lai I ttha te I hei ngaih, Thaltlang-pa bechim lai I phone hei tawngh khi kan hmang rih. An theihcia mi an siah cun a pawi lo nain kan theihlo mi zawng an umnak hrim hrim I kan I zohning khi a ttha lo tuk. (Aizawlin Sangau i ka tlun khin Kaa sittal (I cei) deuhah cun a ka thei lomi nih khin upat ngaiin mar holhin a kan Chawnh, lo kal ka tlun leiah lai holhin)
Aizawl I ummi upat I Pangkhawpa hei nehsawh khi hruh asi. Sangau-1 asi pet ti I chukzoh ve bebang cu ningzakin.
Zumtu kan si maw, tthanchho aa tim mi maw, Dawtnak ngei mi maw, mi ding maw pakhat khat kan siah cun; Khawi kain dah a rat, A rum maw a sifak, Zei mui thla a put le ho fa thla a si ti khin kan I zoh awk a si lo. A lungputin Minung cu kan tah awk a si. Cu leiah cun Laimi kan der rih. Democracy nakin Meritocracy kan herh deuh rua ka ti. (Meritocracy: Pianpi thil I Tah loin Minung cu rianttuan le lungput I I Tah ding ti zumhnak/ Pawm dan)
America 'ka 10 I ummi maw BA 'ee 100 maw Doctor 'tawr 10 zawng nih Raltthatnak, Dinnak le Dawtnak an neih loah cun Lairam an tuahser la loh. Vawmbuk mi maw Hmunlepi mi an si I an mui a chhiat ko zawngah Khi lungthin tthatnak hna khi an neihah cun kan miphun nih a herh deuh hna, miphun tthanchoter kan duhah cun thazang pe hna u sih. kan upat awk zawng an si.
Minung cu khawika in dah a rat siloin Khawiah thla a kal la timi hi a bepe deuh zungzal. Laimi nih hin Miphun caah khawika mi thla a si le Hothla a si tinakin khawiah thla miphun a kan hruai la tiin maw Zei lungthin thla a put tii kan I zoh tik lawngah Burma mi nehsawhtu lungthin kha a tlau cang kan ti khawh la.
( Ka hmuhton mi chungin)
16. July. 2017. Zarhpini
Aizawl. The Phongpi Post ( ONP)
Cattialtu:
Lianchungnung Hranglung.
Kalan pung litre 20 sei I a phurh pinah k nu nih cun Ka naupa cu hmaileiah aa thlaih rih. A hnungah kei nih hrukpuan hnawm viar I hnuk buin ka hnapthli he Ka zulh. Tikhur in lam canceu hrawng kan phanhah khin ka nu nih cun lau nawn khin, "Aa! kapa khuh alo ko" ati. lamkawiah ka pu cu avan lang tak tak. Kum 6 hnuah ka nu le ka
pu an van I hmuh cun ai-in an ai, ka nau he cun hehtiah kan ai ve - ka pu kan lawmh ruangah a si lo; ka min satu ka pu hi Burma ah a um le, kan hmuh ballomi asi caah kan Ttih le si. Thawngthanhnak um hlah, India I a fale tlawnah a hawng le, inpa nih tikhur kan kal ti an chim cun tikhur lam avan hrawng arak si.
Ka pu hi ka dawt le ka gai tawn ko nain Burma khual tlun hi thil nuam lo ngai a si. Thingat, lo thlo, ngapih le thil dang zuar le ka pu le hna kan tlung tawn. Sia Nghakchia, Kawl rakap le tipi an van tan hnuah India police (Laifa) cu ral lian cem an si rih. Harnak an tuarmi cu theiin kan nih dawng nih cun harsatnak tuahpiak lo kan I zuam a hau. Muthai 1 hmanh khi, "Kan mah lei tangka cun" ti i sem an ngaih tawn caah eipiak ngam an si lo. Police nih cun phaisa duhah an vo an tlaih tawn hna I ka pa nih cun a hei aukanh ve tawn hna. ka pa nih hin India upadi cu a thei ve ngai nain (santlai lo kan ti cu) police kut I 'Burma mi' a khamh ka thei lo.
A har cemmi cu ningzahnak si lomi rumro I ningzah kha a si. Ziah hme ka nu hi Zonunsangi, Durtlang si lo I Famci, Vambai a si ngha ka ti tawn. Lai nghakchia siang innah ka nu le ka pa min cu an nihsawh tawn, Rangtum tum hra hna kan inleng I saiip raang phur I an dirah khin ningzahnak ding a um loh. Sinain hawile nih a kan nihsawh cun kan ning a zak ko, nghakchia pei kan si cu. Rangtum siloin Aizawl motor dir sehlaw kan hei I uang ngai ngha. Zahpi hruaiin kan um lo nain kan ning a Zak tawn mi kha a mak ngai. Ram rim le ngapih rim khi kanmah hrim hrim kan nam ve ko nain inpa le kan hawile nih kan Burma khual tlung le an nihswhnak asi-ah khin kan huat khun.
Awikhat cu Thingat 3 khi kan in pawngah zuri pakhat nih hehtiah a chuih hna, tampi nih cun zohdawh zoh khin an rak zoh, thlalang i ka rak bih liau hnaah khin kan in pin deuh tlangval pakhat nih zuripa cu a van sik. Thingat pathum cu mitthli he Sentetfiang leiah an I hnuk. Lai khua teah sualnak nei lo kha mah hmanh I veng ngam loin an rak ping, Burma mi an si caah a si. Burma mi nu ka neih caah ka theihthiam. 1940's Ramri khamtu palh hmanh a silo, kan hruh tuk bia a si.
Can liamin ram sining aa thleng I college kai liau 2012 khan Adin le Denga he, tlangval pathum, lai holh kawngah Hakhaah kan kai. Mizoram mi nih Burma mi kan dawn (welcome) ning ka ruahah nuam lo ka tiin ka ngaihlah ngai. Burma mi tthawl ding an ti liau I, Aizawl nu Human Right Activist nih, "An ram a tthat tikah maw I phuhrung loin kai hna la u cih" a timi kha ka lungah a um peng.
Sinain, ruah lo piah lam thluanin khual tha tlunin an kan tlun. Salai C Vanramdinmawi nih, ' an mui a tha lo nain an I dawh, a kan uar lonain an dawtmi bantukin an kan zoh" ati mi kha a hman tak tak. Kan phanh kaah cun nungak nih an uar hlah maw a ti ve, An polite (Sikan an neih) caah a si. CACC GS nih khin kan nih tlangval 3 te khi dawhawh a caan hawng kan pein, nikhat lenpiin a kan kawmh cu. Mizoramah cun thil khawh a si lo, Khrihfa upa hmanh khi an I duh, kan nih te hna nih bia ruahpi khawh an si loh. Ram rumin ram sifakah kan tlawng le, lungthinah an rum deuh ti kan va hmuh. Tlang le ti nih Laimi lungput le Khawsakphung a kan tthen hi a pawi hring hran ko e.
Vantthatah Lai miphun chu kan I neih chin leng mang I kan I dawtnak zawng a karh. (Thanks to Social Media & 3rd world Refugees, not our politicians or leaders). Khawchak leh khawthlang kan van I neih chin chin I lai holh a karh pinah Lai si a van nuam tthan. Nain Ka lung a fak rih.
Ram thumnak I laimi refugee um loin Burma ram khi I thleng hlah selaw Burma mi Kan(Mizoram laimi) nehsawh rih hna la ti a fiannak cu; Zei bantuk mi thla kan si hmanh I theih hlanah khawte mi le misifak cu I nehsawh rihin USA mi cu misual hmanh kan upat rih hna. Cu ruangah cun Hiti kan I Dawt hlan I ka lungfahnak kha a tlau rih lo.
Khrihfabu zawngah Aizawl pa maw US Evangilist bechim lai I ttha te I hei ngaih, Thaltlang-pa bechim lai I phone hei tawngh khi kan hmang rih. An theihcia mi an siah cun a pawi lo nain kan theihlo mi zawng an umnak hrim hrim I kan I zohning khi a ttha lo tuk. (Aizawlin Sangau i ka tlun khin Kaa sittal (I cei) deuhah cun a ka thei lomi nih khin upat ngaiin mar holhin a kan Chawnh, lo kal ka tlun leiah lai holhin)
Aizawl I ummi upat I Pangkhawpa hei nehsawh khi hruh asi. Sangau-1 asi pet ti I chukzoh ve bebang cu ningzakin.
Zumtu kan si maw, tthanchho aa tim mi maw, Dawtnak ngei mi maw, mi ding maw pakhat khat kan siah cun; Khawi kain dah a rat, A rum maw a sifak, Zei mui thla a put le ho fa thla a si ti khin kan I zoh awk a si lo. A lungputin Minung cu kan tah awk a si. Cu leiah cun Laimi kan der rih. Democracy nakin Meritocracy kan herh deuh rua ka ti. (Meritocracy: Pianpi thil I Tah loin Minung cu rianttuan le lungput I I Tah ding ti zumhnak/ Pawm dan)
America 'ka 10 I ummi maw BA 'ee 100 maw Doctor 'tawr 10 zawng nih Raltthatnak, Dinnak le Dawtnak an neih loah cun Lairam an tuahser la loh. Vawmbuk mi maw Hmunlepi mi an si I an mui a chhiat ko zawngah Khi lungthin tthatnak hna khi an neihah cun kan miphun nih a herh deuh hna, miphun tthanchoter kan duhah cun thazang pe hna u sih. kan upat awk zawng an si.
Minung cu khawika in dah a rat siloin Khawiah thla a kal la timi hi a bepe deuh zungzal. Laimi nih hin Miphun caah khawika mi thla a si le Hothla a si tinakin khawiah thla miphun a kan hruai la tiin maw Zei lungthin thla a put tii kan I zoh tik lawngah Burma mi nehsawhtu lungthin kha a tlau cang kan ti khawh la.
Comments