Ni hnih chung tuah mi Lairam Chung Primary School Teachers Association General Conference voi 4 nak cu lim a si

Ni hnih chung tuah mi Lairam Chung Primary School Teachers Association General Conference voi 4 nak cu lim a si. 

PSTA General Conference voi 4 nak hi CYLA Hall , Lawngtlai ah ngeih a si i, hi caan hmannak ah hin LADC ah Executive Member Middle School cangtu Laltlawmlo Cinzah nih a telpi hna. Pu. Laltlawmlo Cinzah nih cun biachimnak ngei in, Khrihfabuu Upa le Rawngbawltu tam ngai zong Primary School cawnpiaktu hna lakah hin nan um Khrihfabbuu lei rawngbawlnak chia sang ngai ko buin nifatin an eikawlnak cawnpiaktu rian niam tukah chiah a hmang mi an um tawn cu ai dawhcah lo ngai in a hmuhnak kong chim in pumpak cio in an i zoh than a herhnak kong a chim. Pu. Laltlawmlo Cinzah nih cun Siangiin cawnpiaktu hna le Politician hna hi ram a hrawktu kan si ko rua timi ruahnak hi tu kan ram dirhmun zoh ah cun a um kho mi zong a si ati i, Cawnpiaktu a chuak mi hna sinah teimanthlu tein le biatak tein an rian tuan dingin a cah fawn hna. 

PSTA General Conference ah hin Non- Formal le Additional Teachers pawl regular an si khoh nak hnga hmalak si seh tin an caih i, Primary School cawnpiaktu kum 50 a tling cang mi hna cu Election ah Duty ter ti lo dingin hmalsak siseh ti mi hna, LADC tang Primary School Compound Vialte RCC in kulh dih dingin hmalak siseh timi hna an biachahnak cu a si.