LADC CEM le Lai Students` Association Gen HQ ; Lawngtlai Hruaitu hna Tonbiaruahnak an ngei.

LADC CEM le Lai Students` Association Gen HQ ; Lawngtlai Hruaitu hna Tonbiaruahnak an ngei.

Biangrei ni 13 Cawnnikhatni ah khan Lai Students Association Gen HQ; Lawngtlai le Lai Autonomous District Council Chief Executive Member le Executive Member hna cu Lairam Primary Sianginn pawl sianginn kai caan zingka i thawn mi kongkau ah ton biaruahnak an ngei. Hi ni ah hin LADC Cozah nih Primary School Teachers Association nawlnak tuahmi bantukin Biangrei ni 1 ah LADC Ramchung Primary School vialte zing suimilam 6 ah Sianginn thawk in zing suimilam 9:30 ah ban ding timi nawl an rak chuah mi Kongkau ah LSA Gen HQ Lawngtlai nih an dohkalh mi he pehpar in tonbiaruahnak hi ngeih a si i, Hi caan ah hin LADC ah Executive Member hna an tling i, Education EM Primaru cangtu Pu. Lalneihkhum zong ai tel kho. 

Hi Tonbiaruahnak ah hin LSA Gen HQ ; Lawngtlai nih cun zing arkhuan tuan tuk lawpaw ah sianginn thawk a si an duhlonak kong le a ngai in kalpi an duhnak kong an chim i, Khua a lum tuk mi an chuanlam a si ah cun ramdang i an tuah bantukin Sianginn zong kharchung rih dingin an nawl hna. LADC CEM Pu. T. Zakung le a tuanpi hawi hna nih cun LSA Gen HQ; Lawngtlai nawlnak hi hngalthiam in Zing Arkhuan suimilam 6 ah thawk ding timi cu zuh than a si i, Biangrei ni 20 tiang Primary Sianginn khar dingin nawl chuah a si. 

Hi caan ah hin LSA Gen HQ; Lawngtlai cu an President H. Vanlaltanpui le General Secretary Lalpuilian Thangnget nih an hruai hna i, Cozah nih an nawlnak an hngalthiam piak hna caah an i lawmhnak kong zong an chim.