LSA nih Zing suimilam pa ruk ah Sianginn thawk an duh lo. ni 6 Biangrei in Lairam chung Sianginn vialte khar an timh

Lai Students Association nih Zing suimilam pa ruk ah Sianginn thawk an duh lo. 

Lairam Cozah LADC nih Primary School pawl hna hrangah zing suimilam 6 ah Sianginn thawk i zing suimilam 9:30 ah sianginn khar dingin timhtuahnak a n geih mi cu Lai Students Association nih cun an duh loh i hngakchia hna caah a tha lo tiah an dohkalh.  Lairam Cozah LADC Education Department nih ca a chuah ningah Biangreithlep ni 2 in ni 22 tiang zing suimilam 6 in suimilam 9:30 tiang sianginn  kai caan an thial mi kongkau ah LSA General HQ Lawngtlai nih cun an duhlonak kong an phuan i a herh ah cun SIanginnn le LADC Cozah Department office tiang khar piak dih an timhnak kong anm phuan .

LSA biachuah nih a langhter ningah cun Zing suimilam paruk ah sianginn thawk i suimilam 9:30 ah dih i hngakchia a thang lio mi caah a him lo i, rawlei loin zingah hi tiang tiang an um hi a him loh i, cupinah zing suimilam 5 ah an thawh aherh i cu zongah cun rawl an ei manh lo pinah zing suimilam 9:30 i sianginn nan ban tikah rawlei caan kan ngeih cia mi a luan tuk tawn pinah Mid- Day Meal an pek tawn mi an pe than fawn lai hna lo caah hihi cu thil tha lo ngai pakhat a si an ti fawn.  Primary School Teacher Association hruaitu pakhat nih a chim ningah Primary Teacher Associationhna nih Conference kan tuah duh ruang ah Hibantukin caan thawn dingah Cozah kan nawl hi a si a ti. 

Biangreithla ni 5 zarhteni ah Emergency Extended Executive Meeting an ngeih i an biachah ningah cun Cawnnikhat ni zing suimilam 5 in Sianghngakchia nih Primary sianginn a kai ding pawl hi Lairam Pumpi ah an dan hna lai tiah theih a si. Hi sianginn an dan le an khar ding mi hi bia dang a um hlan lo le cozah nih a bia a zuh hlan lo cu an dan thluahmah ko la tiah LSA Gen HQ; Lawngtlai Genereal Secreatry Lalpuilian Thangnget nih a chim.