PATHIAN A THA TUK
PATHIAN A THA TUK
Rev. C. Duh Kam
June 1. 2017. The Phongpi Post ( ONP )
Pathian cu a mui hmuh khawh lo mi a si caah mit hmuh hnu ah zumh a timmi hna caah cun "Pathian a um ko" timi zumh hi a har taktak.
Mit in hmuh khawh mi Pathian si sehlaw cu kan zum kho lai lo. Miphun kip nih kanmah a kan lo deuh kan ti khawh. Pumpak in keimah mui a keng deuh kan ti men ko lai. Kan caah Pathian a sinak a nep tuk hnga.
Zultu Thomas zong nih Khrih a thawhthannak cu "A kut I thir hmaneh kha ka hmuh hna i cu thir hmaneh le a hnak kha ka kut in ka tongh hna lo ahcun ka zum lai lai" a ti ve [John 20:25].
Mi nih an zumhmi hi kan zumh khawh lo mi a tampi. Kan zumhmi hi mi dang nih an zumh khawh lo mi a tampi ve. Pathian zumhnak kong hrim ahcun aa khatbakmi [uniform] cu a um kho lo i biaknak bu tampi zong a um phah. Kan ruah ding mi cu Pathian hi ka zum maw? Ka fiang maw? ti hi a si bik.
Pathian hi Bible nih a kan cawnpiak ning in a hngal lo mi tampi kan um fawn. Hi nih thil dang tampi a chuahpi khawh. Cu caah Bible cawnpiaknak cu kan ngaih le zulh a herhnak a si.
Thothan Khrih nih Thomas cu "Hi ka ahhin ra law, ka kut hi zoh tuah hna. Cun, ka hnak kha tawng tuah. Zum lo in um ti hlah, zum cang ko" tiah a ti [John 20:27].
Pathian zumhnak ah lungawtawmnak a ngeimi caah a that tuk ning! Jesuh nih "Na ka hmuh caah na ka zumh. Sihmanhsehlaw keimah hmu lo in, a kan zummi hna caah cun lunglawmh awk a va si dah," tiah a ti [John 20:29].
Minung a simi paoh nih lungsivang in nun can an ngei dih. Khuaruat setsai lo in a ummi hmanh nih duh tlin lonak vawlei ah kan um hi an thinlung in an tem dih ko. A nuamtuk ding in ruahmi Siangpahrang David ko hi mi lungrethei a si:
"Lung sivang in ka umnak chung in Bawipa cu ka huh; ka auhnak cu a ka leh i a ka luatter. Bawipa cu ka sin ah a um caah zeihmanh ka tih lo, minung nih cun ka cungah zeidah an tuah khawh lai? A ka bawmtu cu Bawipa a si caah ka ral kha an sungh cu ka hmuh lai. Minung i bochan nak cun Bawipa i bochan cu a tha deuh; bawi i bochannak cun Pathian i bochan a tha deuh" a ti [Salm 118:5-9].
David cu Bawipa a bochan caah lungsivanghnak in a luat. Hmuh lo mi Pathian hi bochan tlaak taktak a si hi philh hlah usih. Pathian hi A tha tuk ko.
Rev. C. Duh Kam
June 1. 2017. The Phongpi Post ( ONP )
Pathian cu a mui hmuh khawh lo mi a si caah mit hmuh hnu ah zumh a timmi hna caah cun "Pathian a um ko" timi zumh hi a har taktak.
Mit in hmuh khawh mi Pathian si sehlaw cu kan zum kho lai lo. Miphun kip nih kanmah a kan lo deuh kan ti khawh. Pumpak in keimah mui a keng deuh kan ti men ko lai. Kan caah Pathian a sinak a nep tuk hnga.
Zultu Thomas zong nih Khrih a thawhthannak cu "A kut I thir hmaneh kha ka hmuh hna i cu thir hmaneh le a hnak kha ka kut in ka tongh hna lo ahcun ka zum lai lai" a ti ve [John 20:25].
Mi nih an zumhmi hi kan zumh khawh lo mi a tampi. Kan zumhmi hi mi dang nih an zumh khawh lo mi a tampi ve. Pathian zumhnak kong hrim ahcun aa khatbakmi [uniform] cu a um kho lo i biaknak bu tampi zong a um phah. Kan ruah ding mi cu Pathian hi ka zum maw? Ka fiang maw? ti hi a si bik.
Pathian hi Bible nih a kan cawnpiak ning in a hngal lo mi tampi kan um fawn. Hi nih thil dang tampi a chuahpi khawh. Cu caah Bible cawnpiaknak cu kan ngaih le zulh a herhnak a si.
Thothan Khrih nih Thomas cu "Hi ka ahhin ra law, ka kut hi zoh tuah hna. Cun, ka hnak kha tawng tuah. Zum lo in um ti hlah, zum cang ko" tiah a ti [John 20:27].
Pathian zumhnak ah lungawtawmnak a ngeimi caah a that tuk ning! Jesuh nih "Na ka hmuh caah na ka zumh. Sihmanhsehlaw keimah hmu lo in, a kan zummi hna caah cun lunglawmh awk a va si dah," tiah a ti [John 20:29].
Minung a simi paoh nih lungsivang in nun can an ngei dih. Khuaruat setsai lo in a ummi hmanh nih duh tlin lonak vawlei ah kan um hi an thinlung in an tem dih ko. A nuamtuk ding in ruahmi Siangpahrang David ko hi mi lungrethei a si:
"Lung sivang in ka umnak chung in Bawipa cu ka huh; ka auhnak cu a ka leh i a ka luatter. Bawipa cu ka sin ah a um caah zeihmanh ka tih lo, minung nih cun ka cungah zeidah an tuah khawh lai? A ka bawmtu cu Bawipa a si caah ka ral kha an sungh cu ka hmuh lai. Minung i bochan nak cun Bawipa i bochan cu a tha deuh; bawi i bochannak cun Pathian i bochan a tha deuh" a ti [Salm 118:5-9].
David cu Bawipa a bochan caah lungsivanghnak in a luat. Hmuh lo mi Pathian hi bochan tlaak taktak a si hi philh hlah usih. Pathian hi A tha tuk ko.
Comments