CHAMPIONS LEAGUE FINAL MATCH PREVIEW

Football lei i lam hrawng mi le a buaipi mi caah cun tuzan Champions league final, Cardiff i chuih ding si mi cu kristian ca i Masi tlun lai kan i ngaih tuk ning cio siko lai.

Europe hi vuleicung football ah a hmunhma pi a si bang vuleicung footballer ttha zong an tam i an panh lengmang mi si. Curuangah cun Europe chung i football club ttha cem thim naak kan ti ko lai cu UEFA Champions League trophy cu mikip i hmuh an duh i co an duh cio mi si. Mi zaapi pom ninh cun World Cup cu kum 4 chungah vawikhat kan hmuh kho i, cuca ah a sunglawi tuk, culioah kumtin chiar kan hmuh mi UEFA Champions league hi vuleicung football level san cem naak a si ti si.

Cutluk puai ngan si mi Uefa champions league final cu tuzan suimilam 12:15 hin Cardiff city, Millennium stadium ah Italian Serie A' champion Juventus le Spanish La liga champion Real madrih nih an chuih lai.

Team pahnih hna tu season UCL record kan zauh tikah final i a tong ding ciammam an rak si. Match 12 chuih a si cang i Juventus nih teilo mi an ngeilo i, goal 3 lawng lawng anmah leiah a lut i, an defensive cu a ttha ti a fiang ko. Culio ah Real Madrid hi tu season champions league i chuih goal tam cem an si i vawi 12 an chuih goal, attacking faak cem an si ti aa fiang ko. Juventus nih semi-final ah AS Monaco cu 4-1(aggregate) in an tei hna, culioah Real Madrid nih derby match ah Atletico Madrid cu 4-2(aggregate) in an tei ve hna.

Ruahchannaak i kan zauh tikah Juventus lei hi defence leiah an ttha lai i, attack leiah Real Madrid an ttha zawk men lai. Culio ah Real lei i an defence a chia lai i Juventus lei attack a faak lailoh ti khi chim ngam silo. Zeiruangah ti cun kakip position hin club 2 hi a ttha dih i, cuka cun tlawmpal an fong deuh lai heiti bia khi si. Real Madrid captain Sergio Ramos umnaak hi defence a chiat an zum bal lailoh, cuve bang hmaikal i Higuain, Manzukic le Dybala umnaak vu hmaikal chia an si bal lailoh ti a fiang fawn.Club 2 nih hi an pkayers zauhah teinaak hmu kho ve ve an si, curuangah cun Coach Allegri le Zidane kutah rian nganpi aa khinh. Coach ttha ve ve an si i, tactic hman thiam a herh bak.

Real Madrid hi an champion si cun European cup/Uefa Champions League ah vawi 12 champion an hmuh naak si lai i, The Old Lady(Juventus) lei an champion si cun European cup/Uefa champions League ah vawi 3 champion an hmuh naak si ve lai. Real Madrid hi defending champion an si i, an champion nolh cun UEFA CHAMPIONS LEAGUE tiah a min an leh hnu i a peh i champion hmasa bik an si lai. Juventus hi an champion ve si cun treble champion(Serie A' le Italian cup champion an si cang) an si lai i trebla champion sikho mi club 9 naak an si lai.



Possible line-ups
Juventus : Buffon; Barzagli, Bonucci, Chiellini, Alex Sandro; Khedira, Pjanić; Dani Alves, Dybala, Mandžukić; Higuaín.
Out : Sturaro (thigh), Pjaca (knee)
Doubt: Rugani (leg)

Real Madrid : Navas; Carvajal, Ramos, Varane, Marcelo; Modrić, Casemiro, Kroos, Isco; Benzema, Ronaldo.
Out : none
Doubt: none