FRENCH OPEN CHAMPION RAFAEL NADAL

Open Era i vawi 10 champion kho NADAL

Rafael Nadal nih cun nizan khan Stan Wawrinka 6-2,6-3,6-1 in a tei i,  French Open 2017 champion laksawng a hmuh. Cuticun Open Era i Grand Slam tournament i Open pakhat-ah vawi 10 champion kho bik a si. Nu le pa ah vawi 10 champion an um bal rihloh.

Final match ah hi an point zauh hrimah khin Federer hnampi Wawrinka nih hin Nadal a chei deuhloh ti a fiang ko. Nadal speed hrim a ttha i, a tuk zong a dik kho fawn. "Rafa, nihinni hin chim awk ka ngeilo,  na ttha tuk si. Zauhchunawktlak tak na si i, na chanchung i kan ton ve khawh hrim hmanh hi ka lawm tuk ko" tiah Wawrinka nih a chim fawn. 

French Open final-i Nadal colcangh ning :

2005 - beat Mariano Puerta (Argentina) 6-7 (6-8) 6-3 6-1 7-5

2006 - beat Roger Federer (Switzerland) 1-6 6-1 6-4 7-6 (7-4)

2007 - beat Roger Federer (Switzerland) 6-3 4-6 6-3 6-4

2008 - beat Roger Federer (Switzerland) 6-1 6-3 6-0

2010 - beat Robin Soderling (Sweden) 6-4 6-2 6-4

2011 - beat Roger Federer (Switzerland) 7-5 7-6 (7-3) 5-7 6-1

2012 - beat Novak Djokovic (Serbia) 6-4 6-3 2-6 7-5

2013 - beat David Ferrer (Spain) 6-3 6-2 6-3

2014 - beat Novak Djokovic (Serbia) 3-6 7-5 6-2 6-4

2017 - beat Stan Wawrinka (Switzerland) 6-2 6-3 6-1

Nu leiah Ostapenko nih Simon Halep cu 4-6,6-4,6-3 in a tei ve i, champion laksawng a hmuh ve fawn. Ostapenko hi nghakchia te, seeded si phanlo mi a si. 1983 khan Jausovec nih cun seeded silo bu in  final hi a rak lut bal, hmanhselaw Chris Evert a teilo. Jausovec chimlo cun Latvian nungak Ostapenko hi Clay Court i zuamnaak hi unseeded final lut hmasa bik a si, a champion kho mi umchun a si fawn. 

Result dang hna cu;

Men's doubles champion - Harrison le Venus

Women's doubles champion - Safarova le Mattek Sands

Mixed doubles champion  - Dabrowski le Bopanna