Ka diary: Union Peace Conference - 21 Century Panglong avoi 2 nak Khhawmpi (Dalhnihnak)
Ka diary: Union Peace Conference - 21 Century Panglong avoi 2 nak Khhawmpi (Dalhnihnak)
Victor Biak Lian
4. June. 2017 The Phongpi Post ( ONP)
(First India Pawih ( Lai) Tribal Community Online News Portal)
UNFC nih hin NCA minsen an thutlo hnu ah Delegation for Political Negotiation (DPN) tiah an ser than i cozah hlun he siseh, cozah thar he voi 4 renglo biaruahnak an ngei. Issue 9 an rak i put i, cu cu biatak in an ceih mi cu a si. Cu lawng si lo in, Framework for Political Dialogue ti mi (biaceihnak kong ah khuakhan lairelnak phunglam) zong zohthannak ah an ii tel bantuk in, 2016 August 31-September 4 tiang tuah mi Union Peace Conference a voikhatnak Panglong zong cu an kai ter hna i, hi lio can ah biachimnak nawl zong an pek hna. Cu hnu ah an biaken 9 zong cu an i ceih chap rih tik ah adonghnak bik an biaruahnak cu March thla dongh lei ah khan an tuah tik ah, zapi sin ah State Councillor zung zong nih a rauh hlan ah UNFC buu 5 hna cu minsen an thu cang lai ti tiang in an thanh. Asi ning tak ah cun an lung a ran deuh bia tu a rak si. Cu tiang tiang hnatlaknak an ngei lem lo. Cu an thanh lai ni ah cun DPN an hruaitu Khu Oo Reh (UNFC General Secretary) cu Taungyi ah Liaison Office meeting ah a rak kan telpi i an biaruah mi vialte a kan chimh tik ah, an biaken 9 lak ah hin a cheu cu hnatlak khawh colh mi a um i, a cheu cu duhsah in i zuam ti ding ti in an um. Cu ca ah cun "Deed of Commitment" biakamnak thut hmasa hnu ah NCA cu va thut te ding an si.
Sihmanhsehlaw, UNFC upa sin ah an va chuahpi than tik ah, ruah ning bantuk a si lem lo. Hi lio can theng te ah hin UNFC hotu KIO le SSPP (UNFC chungtel) cu March 19-20 ah UWSC an Hqr ah meeting an va kai ve i, Northern Alliance ti mi UWSA, NDAA, MNDAA, AA, PSLF/ TNLA Taang Palaung, Kukang MNDAA he biachahnaknak an va ngeih mi cu: hi chaklei buu 7 hna nih cozah he a thar in biaruahnak kan ngei lai tiah committee an ser mi cung ah an va i tel ve. Cu tik ah, milung a vaivuan nawn.
Cantlawmpal a rauh hnu ah KIO nih UNFC in chuahnak nawl an hal bantuk in WNO (UNFC member) zong nih chuahnak ca an chiah ve tik ah, thil phundang pi in a hung i thleng. Sihmanhsehlaw, atu tiang hi an chuaknak nawl hal mi cu an khiak rih lo. A phungmen cun UNFC buu ah an i tel rih ko si hmanhsehlaw, an thinlung cu a um ti lo.
Bia kan theihnak ah May 22 ah Chiang Mai ah UNFC meeting cu an tuah than i, an hotu Gen N Ban Lah cu bia a chim dih in an meeting in a chuak i, khualtlawn ding ka ngei ti in aa thawh. Nan theih bantuk in a thaizing May 23 chun ah cun President office nih Northern Alliance pawl bu 7 an hruaitu hna cu Naypyitaw ah a voi 2 nak Panglong kaiding in an rak phan tiah statement an chuah. Cu ah cun Gen N Ban lah zong cu kan vun hmuh cio tik ah, khua a ka ruah ter mi cu:
Ralkap lei nih tawn zong a duh lo mi hna pawl AA, TNLA le MNDAA pawl zong an i tel. Thaizing kiptuh bantuk ah minsen an thu cang lai tiah ruah mi UNFC pawl tu cu kai lo te in an tang ai. An mah nih an i thim mi cu a si ko ee. Cozah nih hin NA he UNFC he an sawm ve ve ko hna na in observer (rak cuanh ve tu) lawng in a sawm hna i, bia i ceih kho ding le biakhiahnak ah tel venak nawl cu a pe hna lo. NCA minsen thut lo ah cun a ngah lo. Cuti va i tel ve sawh sawh ding ah cun kan kai lai lo an ti.
A tawinak in chim ah cun NA bu 7 zong cu Civui an awn ni te lawng an kai ve i, chunhnu cun an hotel ah an kiar than. A thaizing 25 June belte ah cun, ASSK nih KIO a dang te in, UWSA, NDAA, SSPP a dang te in le cun TNLA, AA, MNDAA a dang in bu 3 in a ton hna. Hi ah hin UNSA nih an ca thluanpi cu cozah sin ah an pek hna. Cun, media zong an pek hna i, an duhmi kong ah biaphuan an ngei.
Hi Conference ah NA an rak kainak kong ah Tuluk forhfialnak thawng in kan rak kai ti a si. Tuluk charter vanlawng in a rak thlah hna i a kiar pi hna. An duh mi vial te cu media in an chim dih. Do tla in an rak don hna. Hotel tha tak tak ah a chiah hna. An sungh mi pakhat hmanh a um lo.
Next: Union Accord bantuk an minthut mi kong ah ruahawk te te..
Ka ca a rel mi cung ah kaa lawm. Fianlo mi um ai kun biatluang te in i hal hna uh sih!
Victor Biak Lian
Victor Biak Lian
4. June. 2017 The Phongpi Post ( ONP)
(First India Pawih ( Lai) Tribal Community Online News Portal)
UNFC nih hin NCA minsen an thutlo hnu ah Delegation for Political Negotiation (DPN) tiah an ser than i cozah hlun he siseh, cozah thar he voi 4 renglo biaruahnak an ngei. Issue 9 an rak i put i, cu cu biatak in an ceih mi cu a si. Cu lawng si lo in, Framework for Political Dialogue ti mi (biaceihnak kong ah khuakhan lairelnak phunglam) zong zohthannak ah an ii tel bantuk in, 2016 August 31-September 4 tiang tuah mi Union Peace Conference a voikhatnak Panglong zong cu an kai ter hna i, hi lio can ah biachimnak nawl zong an pek hna. Cu hnu ah an biaken 9 zong cu an i ceih chap rih tik ah adonghnak bik an biaruahnak cu March thla dongh lei ah khan an tuah tik ah, zapi sin ah State Councillor zung zong nih a rauh hlan ah UNFC buu 5 hna cu minsen an thu cang lai ti tiang in an thanh. Asi ning tak ah cun an lung a ran deuh bia tu a rak si. Cu tiang tiang hnatlaknak an ngei lem lo. Cu an thanh lai ni ah cun DPN an hruaitu Khu Oo Reh (UNFC General Secretary) cu Taungyi ah Liaison Office meeting ah a rak kan telpi i an biaruah mi vialte a kan chimh tik ah, an biaken 9 lak ah hin a cheu cu hnatlak khawh colh mi a um i, a cheu cu duhsah in i zuam ti ding ti in an um. Cu ca ah cun "Deed of Commitment" biakamnak thut hmasa hnu ah NCA cu va thut te ding an si.
Sihmanhsehlaw, UNFC upa sin ah an va chuahpi than tik ah, ruah ning bantuk a si lem lo. Hi lio can theng te ah hin UNFC hotu KIO le SSPP (UNFC chungtel) cu March 19-20 ah UWSC an Hqr ah meeting an va kai ve i, Northern Alliance ti mi UWSA, NDAA, MNDAA, AA, PSLF/ TNLA Taang Palaung, Kukang MNDAA he biachahnaknak an va ngeih mi cu: hi chaklei buu 7 hna nih cozah he a thar in biaruahnak kan ngei lai tiah committee an ser mi cung ah an va i tel ve. Cu tik ah, milung a vaivuan nawn.
Cantlawmpal a rauh hnu ah KIO nih UNFC in chuahnak nawl an hal bantuk in WNO (UNFC member) zong nih chuahnak ca an chiah ve tik ah, thil phundang pi in a hung i thleng. Sihmanhsehlaw, atu tiang hi an chuaknak nawl hal mi cu an khiak rih lo. A phungmen cun UNFC buu ah an i tel rih ko si hmanhsehlaw, an thinlung cu a um ti lo.
Bia kan theihnak ah May 22 ah Chiang Mai ah UNFC meeting cu an tuah than i, an hotu Gen N Ban Lah cu bia a chim dih in an meeting in a chuak i, khualtlawn ding ka ngei ti in aa thawh. Nan theih bantuk in a thaizing May 23 chun ah cun President office nih Northern Alliance pawl bu 7 an hruaitu hna cu Naypyitaw ah a voi 2 nak Panglong kaiding in an rak phan tiah statement an chuah. Cu ah cun Gen N Ban lah zong cu kan vun hmuh cio tik ah, khua a ka ruah ter mi cu:
Ralkap lei nih tawn zong a duh lo mi hna pawl AA, TNLA le MNDAA pawl zong an i tel. Thaizing kiptuh bantuk ah minsen an thu cang lai tiah ruah mi UNFC pawl tu cu kai lo te in an tang ai. An mah nih an i thim mi cu a si ko ee. Cozah nih hin NA he UNFC he an sawm ve ve ko hna na in observer (rak cuanh ve tu) lawng in a sawm hna i, bia i ceih kho ding le biakhiahnak ah tel venak nawl cu a pe hna lo. NCA minsen thut lo ah cun a ngah lo. Cuti va i tel ve sawh sawh ding ah cun kan kai lai lo an ti.
A tawinak in chim ah cun NA bu 7 zong cu Civui an awn ni te lawng an kai ve i, chunhnu cun an hotel ah an kiar than. A thaizing 25 June belte ah cun, ASSK nih KIO a dang te in, UWSA, NDAA, SSPP a dang te in le cun TNLA, AA, MNDAA a dang in bu 3 in a ton hna. Hi ah hin UNSA nih an ca thluanpi cu cozah sin ah an pek hna. Cun, media zong an pek hna i, an duhmi kong ah biaphuan an ngei.
Hi Conference ah NA an rak kainak kong ah Tuluk forhfialnak thawng in kan rak kai ti a si. Tuluk charter vanlawng in a rak thlah hna i a kiar pi hna. An duh mi vial te cu media in an chim dih. Do tla in an rak don hna. Hotel tha tak tak ah a chiah hna. An sungh mi pakhat hmanh a um lo.
Next: Union Accord bantuk an minthut mi kong ah ruahawk te te..
Ka ca a rel mi cung ah kaa lawm. Fianlo mi um ai kun biatluang te in i hal hna uh sih!
Victor Biak Lian
Comments