FA LE SIN AH CAKUAT

        NU LE PA  SIN IN CAKUAT   

Ka dawtmi kafa.....

    Ka ruhkhua hna a upat i ka tar tikah, theihthiamnak in a khat mi lungsaunak in na ka zohqhenh ko lai ti ruahchannak ka ngei. Ka khuahmuh hna an fiah ti lo ruangah rawlqheng ka khuai caan le meh hang ka thlet sual caan zawng an um te lai, cutikah cun ka si-ca tawn hlah law ka duh ko, tarnu-tarpa cu kan khuaruah a hngakchia tthan i, mi nih an kan sik-cak tikah lungnuam lo le ngaihchia lungzur in kan um tawn..

    Ka hnathlam hna a rawk i, na biachim hna tthittha in kan theihpiak lo tikah, `hnachet` tiin na ka au lai lo ti ka zumh, zaangfahnak tein na bia kha nolh tthan law a si lo ah caaku in ka ttialsak ko.

    Kafa, kei cu ka chunhnu ruangmang cang, ka thazaang zawng a der, ka khuptha zawng a feklo chin thluahmah, keimah lungduh in thawhkan le dirkam khawhlo caan zawng ka ngei te lai, cutikah cun. semmawng nasi lio kha na hngal rih maw? kal kan cawnpiak lio, nakut zattial ah tlai in lam kan hruai tawn.  Kha bantuk te khan hong ka puihbawm tawn law ka duh ngai...

    Lunghnalo in ka um tik le ka theihhngalhnak hna an tlau pah i ka bia ngai ka nolh tthan lengmang tikah zaangfahnak te in ruahzia thiam law lungtthul loin ka ngaihpiak hram tawn, na hngakchiat lio caan kha nai cinken pah rih ko lai dah? ballon cawk na kan hauh lio na duh mi na hmuh hlan chung paoh khuaci mui in na hlam tthan lengmang kha...

    Ka rim zawng hi ka theithiam ko, Tar rim te ka nam. Zaangfahnak te in tak khawlh hna ka fial in ka turh tuk hlah law.. ka tisa hna an cawrce cang, Tar cu kan tak a kih cun kan zawt a fawi tuk. Kan thangchiat lai lo dah kati, na hngakchiat lio caan te kha nai cinken rih hnga maw dik? na ttih tuk ruang i tak khawlh na duh lo tuk ruang ah kan rak i dawi len tawn kha mu..

    Thintawi aw hrang ngai in ka um caan zawng a um te lai cu tik zawngah cun thinfual lungsau tein ka ing hram tawn mu, hi hna zawng hi kum upat nih a chuahpi mi ansi ko, na tar lai i na theihthiam ve te ko lai.. Caan cuangtlai hna na ngeih ah cun biasawngtlawrhnak caan tlawmpal te tal ngei tawn u si law ka duh ngai, keimah te lawng in kasi tawn tikah biaruah ding hmanh an um tawn lo, na rian ah na buaibai tawn ti cu ka fiang ko, ka bia le hla nih na lung a lak lo hmanh ah ka hrangah caan cu ngei hranm ko..na fat lio te kha naa hngalhchun pah rih maw? na monulem tuanbia na ka ruah len tawn kha....

    A caan nih an cut tik cun. kazaw in ka khingbai te lai, ih lawng ka rian ansi te lai cu tik ttheo ah cun dawtnak thinlungfual he na ka thlawpbul ko lai ti ruahchan nak tampi ka ngei ko. Ka ngaithiam ko, ka zun hna kai thlauh sual ibuangbar sithawngloin ka um tikah, lungsau thinfual zia ngei lo tein a bau rih mi ka nunchung caan tawite ah hin na ka tuammuai ko lai ti zumhnak ka ngei..Sau cu ka nguh bal ti lai lo, zeikhom vasi ko seh, hi vawlei chambau nak chuah tak in ka thihvuai ni a phak tikah ka kut zanem ah tlai law thihnak pal ngam le thinphang lo dingin thazaang ka pe te luau...

    Cun thinphang thlalau in um sawh hlah, sertu khuazing ka ton tikah, a hnathlam ah duhbia phai in bawngmal thluachuah vannizaa kan hal piak lai, zeiruang ko ah cun Nu le Pa dawt le lungton na thiam tuk, kan zawn na ruah i na kan thlawpbul le zohkhenh nak vialte cungah kan i lawm tuk e...Kan in dawt tuk...

                                            Dawtnak umek   in
                                                 Nanu le Napa

**keimah thiam ning in ka translate mi a si , ka nak thiam mi cothawh nak ah.. ****