AN CHIM TAWN MI CHIN NATIONAL FRONT/ARMY

Chin National Front Thantar

    Kan Fat deuh lio bia le caan hna kha tu kum 19 ka si lio hmang ah ka ngai hna,  kum a upat chin chin tik lebang cun zeitluk in dik ka ngaih te hnga.....

    Kan khua Sangau cu tipi he a naih te in a um mi cu sikaw, CNF thawngpang hi kan theih lawng hmanh silo in a hmuh hmanh kan rak hmuh ve pah lengmang ko hna... Sangau ah Assam Riffle an um hlan lebang cun kan khua Police OC hi kan mah khawcchhung chuak a si caa le laimi lungputa theih caah CNF ralkap pawl hi meithal he zawng a rak kai pah tawn, Saiha le Vawmbuk hrawngah Camp an rak ngei rua, Kan nak u le deuh chim ning lebang cun keimah ka kum 12 kasi lio hrawng cun Tax zawng an rak hlam tawn anti..

    Hngakchia nih cun miminthang le miraltha kan hero pawl khi kan rak uar tuk hna ah kan zanmang tiang hmanh kan rak hmuh tawn.. an mah bantuk si kan duh ah an nun kan rak cawng hawikawm rual he i kawmh caan hmanh ah mi minthang, miraltha le thiltikho deuh kawng lawngte kha kan rak caih ve tawn i chunni kan rak tla ve tawn..

    Asi tak, kha lio kan fat deuh lio ah cun kan khua nih siibawi ttha kan rak hmu lo, transportation nih le a chia tuk fawn, hliamhma liantham leh hmanhmawh thlak deuh pu mi an um caan ah tipi kam i CNF doctor auh a caan a tawi deuh tawn,,.. cute zawng cu hngakchia biatheih kan ti fawm cu,, “CNF doctor cu a khul a rang tuk, hliamhma pu mi an um hmanh ah an va auh tikah khin Tili lam lo te in lungcung te lawng ah a tli i tipi khi a van tan tawn .. ti cung hmanh ah a tli kho,, sii zawng mu khat telawng a pek hna i an dam colh” kan rak ti tawn.. tu hnu ka ruah tthan tikah a sii pek mi maw a ttha hnga a mah doctorpa a thiam hnga kati i ka khauruah a har ter caan  atam..
   
    Kan hngakchiat lio in kan rak theih mi tu tiang CNF hruaitu hna cu Dr. Sui Khar  le  Solomon hi an rak si, mah hna pahnih kawng hi kan theih ning paoh in kan rak chim cio tawn.. an mah nih i theih hna sehlaw an nih a chuak pah ve len ko lai dah... “USA ah CNF hotupa a Sui Khar an ti mi a um le, amah nih Damdawi(sii) le uniform zawng hi US in a rak kuat tawn hna kan rak ti i, an angki zawngah USA ti a benh kan rak ti,,, CNF le kawl sipai hi i do(kap) hna selaw Sui Khar nih USA sinah a chim la le, USA nih CNF  a chhan lai i Burma cu an kah lai kan rak ti i kan rak i uang tuk...

    Solomon hi kan fat liote ah cun kan hero pakhat a si,  thingtlangfa kan ti theu cu BAT MAN le SPIDER MAN nakin SOLOMON timi pa nih kan lung a suk deuh,, kan hawipa Buanga lebang nih cun “dawih a thiam” a rakti i kan rak i zumh tak tak,..  ho chim mi a si ti ka cing tilo, “awikhat cu kawl sipai nih CNF an rak bawh hna i, solomon kha a hmai cem ah a kal ti asi, an van kah hna i solomon hnu i a kal mi vialte kha an tlu viar ko nain solomon belte meithal mi nih a pumsa a khen kho loh a lan thluamah ko”a rak kan ti i kan rak uar tuk ..  cun “solomon cu hnahchawl a ro mi cungah thawngpang ngeilo tein a tli kho” kan rak ti hawi i, heh tiah hnahro cung i tlik cu kan rak cawng tawn nain tutiang ah thawngpang ngeilo te i hnahro cung tlik cu ka thiam rih lo...

    Hngakchia nih cun an hero bantuk i nun kha an duh  ve tawn bang kan nih zawng ralkap nun kan rak cawng tawn. mi 40-50 kar hi hi ka rak hrui hna i , inthlang ah ka sakpi hna khur ka cawhpi hna, ralkap bantuk tak tak in training zawng kan rak cawng ve,  thingkung kai le hri  in lungpang kai timi hi kan rak uar tuk,, siangkai nak hmanh in kan rak duh deuh.. cheukhat putar le pitar nih “ralkap nun cawng hlah uh a tak tak hna a si sual lai” an rak kan ti tawn.. vawikhat cu line-up kan rak tuah ter hna i, ready position kati ah nan bawk lai” ka rak ti han i aw cu anti ve ko. Ready position` kati tikah an bawk tthup hna i, a hnu ah pakhatpa cu a van ttap. ziah ah kan vanti cu, minung ektum kha a rak bawh hnawh sual i a si,, “e.. hibantuk caan i. ek a bawh hnawh sual mi hi miraltha an si duh” ka rak ti i midang nih cun an rak hngar tuk lehlam..

    Kan fat lio ah cun solomon si aa cuh ruang ah buainak hi a um pah lengmang, “solomon nan kati lo cun, kan pawl ttangin kai bang la” ati mi hman an um phah caah .. solomon 1nk le solomon2nk  tiin an rak um.. kan fat deuh lio kan buk saknak le khur kan cawh mi pawl hi kan dum le kan inthlang hrawngah a tutiang hmuh khawh in an um rih, tuhnu sianghleiruun ka kai hnu hmanh ah ka vakal i ka mitthlam ah kan caan hlun vialte kha ka cuanter tthan tawn zawnah lung a leng tuk tawn.

Chin National Front le Chin National Army Upa pawl

    Tu cun kan fat lio solomon si aa cuh ruang i a a vua tawn mi nih khan nungak pakhat ruangah an i vua cang, meithal lem ken aa cuh mi le, duty aa cuh mi hna nih khan nungak lawng an ka helh tak cang i ka hmahhngan i nungak kut an tlaih ah khin kan fat lio i kan i line-up lio an mui kha ka mitthlam ah a cuang tawn... sianghleiruun kainak hna a khat ti lo, chekhat rihzung mual an liam tuan tuk, cheukhat nupifanau an ngei cang mi hna an um tikah hngakchia cu kasi tilo ka von ti i duk tiah ka thaw ka von chuah nain ralkap nu kan cawn lio cu ka ngai tuk tawn..

    Tangsarih kan cawn lio ah ka hawi le cheukhat nih.  “CHIN le chin lawng na chim i na hrut te lai an rak kati,,  cu kum cu laica cauk ka hmuh hmasak bik kum a si, cu lio lai cauk ka hmuh mi cu `Lai Bible Thiang` le `Muko Magazine Siang Hu Thang philhlonak Capar` timi te an si.. Tanghra camipuai ka dih hnu result a chuah hlan deuh ah Longtlai ah Chin Natiaonal Day an hmang lai ti thawng ka theih , Sangau-1 YLA branch zawng an rak sawm ve hna,, kei cu an ka sawm ve lo nain keimah lungtho te in kaa thawh ve.. kapa nih Rs.500  a ka pek i ka rak kal ve tawp ko, sawm mi cu kasi lo nain keimah ta ah ka ruah i ka kal ve duh nak cu a si, keimah ta ah ka ruah i, keimah ta ah cun sawm ka her fawn lo, a phung zawng a si lo kati.. longtlai kaphanh cun zan atlai pah ngai cang caah ka hawipa he cun kan vai ko, sawm mi pawl cu tlun inn ah an chiah hna nain kan nih kha cu kan phanh nih a tlai tuk.. tlun inn ka buai ngai nain kapa kawipa te in cu ka kawl len hnu ah ka hmuh i tlaihnu ah ka hawipa he cun kan va tlung hna... a thaizingah kan farnute kan phunhawi nih an vawn ka lak timh nain Bible nih tlun inn tthial a siang loh kati hna i an ni len.. kai tthial thai ve lo..( CND kan hmanh nak cu chim lo ko ning)...

    Tanghra result cu a von chuak i ka awng ve ti kan theih ah kai lawm tuk.. kha lio kapa mirh mui tluk i aa dawh mi kha vuleicung ka nunchung ah hin ka hmu tthan rih loh..Aizawl ah tang 11 cu ka pehtthan kan khawhmuh le kan hna theih hna a von kau ve deuh nifatin thiamnak thar le thilthar nih an von kan chap kan ngeih khawh mi he ngeih khawh lomi he nifatin thilthar cu a chuak ko, a hlan kan rak theih bal lomi social network, Facebook le google tepawl hna kan vawn hmelhriat ve caah le nifatin thawngpang thar cu fawite in kan theih khawh ve cang caah kan fat tuk lio bantuk cun kan khawruah a mak tilo...

    Cukum ah cun dawh tu i ka hawi ttha bikah a cang mi le tulio mizoram ah biatak tein laica  a dirpitu Lai Association for Literature & Communicatin ah Fin.Sec. ttuanvo a la mi Frederick he kan i ton kum zawng a si... kan khawruah le kan lungput a khat dih tiawk in cucaah keinih cun unau zoh in ka zoh..  Amah nih cun pei Pu.Thawng te inn ah hin Muko Magazine a rak ka hlampi tawn.. Pu.Thawng le an nu hi mittha tak an si.. a che ah a lak in cauk an kan tthen a chel ah a man fawite in an kan cawkter .. cukum cu Pu.Thawng ka hmuh hmasak biknak kum zawng a si.. tutiang ka hmuh hmasak bik lio i a hrukmi angki zawng kai cing rih ko, a angki hnulei ah a ttial mi cu “Chin National Assembly”  timi a rak si...

    Tang 11 kan siangiin a hlat caah tam ka hmu hna lo, Tang 12 ka cawn lio bel cun sianginn kai tthial, thlakhat ah vawikhat lengmang Lai cauk cawk awk an ngeih le ngeih lo kha ka va hal tawn hna..  2011 X-mas hlan ah Salai valkim nih Pu.Thawng te iin len cu an rak kan sawm i ka cousin Nathan he cun kan rak zulh... zarpini a si, i pumh a dih hrawng ah kan va leng.. Pu.Thawng nih cun Sabuti kan chum hna lai  ati i, a zuksuai mi pawl kha a rak kan hmuhsak hman zawng kan thlak len..

    Sau kan tthut hlan ah ho si ka theih lo mi mipa pathum kha an rak lut kan pa le rual u deuh ansi... an hnu cem a tar cem nih cun electric tingtang a von i luhpi,, Pu.thawng nih cun ee nan rak phan maw rak tthu uh.. hi sangau lei ka nau le zawng an rak kan leng hi “hi leban cu laica a duh tuk mi a si” a ti i ruahlopi ah keimah cu a von ka sawh... kan mah lei in ho kan min tete kha kan von i chhim diatmat hna.. an lak i a hngakchia cem cu a tthu cang nain a upa lei pahnih cu an dir rih i kan min kan i chim chung cu an kan zoh rih ko...

    Nan mah in vawni chim ve uh a von ti hna i... keimah kum 17 hmanh a pumhlum rih lomi pate hmai ko ah cun felte khin an lak i a smart cem nih cun.. “kei hi CNF ah an president  Zing Cung kasi, a tthu mipa cu a von sawh i “ a nih hi foreign affairs secretary Thla Hlei a si” A von ti duah mah cun an lak i a upa cem a si dawh mi kha a von sawh i “ a nih hi kan army chief Solomon a si” a von ti ko ai.... ka lau pah ko.. ka khuaruah hna a har.. kan fat lio i kan hero pa pei ka hmai ah a dir ko hi, a thi kho loh a zuang kho an timi kha ka ruat i a zuang te ding ah kai ruah sual... he2..  ka hmaizahnak le upatnak langhter nak caah kan hnagkchiat lio ka hawi le vialte ai awh in ralkap salute pek in SALUTE ka pek ve khawh i ka hawi le ka ngai hna.....

    Sabuti a hmin hlan Bia kan i ruah hna lai ti cu a si,Pu.Zing Cung hi pafim tak tak a si lai tiin karuah mi cu mino chawnbiak le lungput hi a theihthiam tuk in ka hmuh,. Pu.Thla Hlei bel tam bia a chim lo, Pu.Zing Cung kan ti cu keimah midang gaih ah cun hngakchiapa ko kha dahkaw nan ruah ning hna chim ve un a kan ti cu.. cu ko thla thlak cu ka uar tuk.. sau kan tthut hnu ah mipa pahnih a rak lut tthan  cu hna bel ho ansi kan thei ti o... Pu.Thawng hi hal te ning lawn a ka chim duh hnga dek maw?   cuti Aizawl tlang an rak phan cu Peace talk ngeih ding in Thlantlang lei kal an i timh hmasak nak kha a rak si...

Lian H.Sakhong. Thla hei le Pu. Zing Cung

    Kan fat lio solomon hnahchawl cung i thawng ngei lo te in a tli kho mi le a zuang kho tiah kan rak ruahmi kha tu cun  ram le miphun caah tiin a vahvaihnak ah a mui hmai a upa ve cang ti cu hiti zoh hin a lang cang.. cu lio ka lungchung in ka ruah ziar mi cu. kan hawikawm lakah khan solomon bantuk i lai paslatha ding hi kan rak um ve ziar hnga maw..?   timi hi a si tiin ka ca ka dongter awk.............