CEUTE LE IANGIANG TUANBIA TAWI....
CEUTE LE IANGIANG TUANBIA TAWI......
Aa chim ngam lo mi, dawtu le dawtmi. Aa phuang thiam rih lo mi dawtnak caan sin ah a liam ve ko ding ngai cu aw....Nitam le thla tam hawikawm lungduh zawnruahnak in an caan an hmantti cang hnu ah. December thla nih an phan cang i, Masi zawng a nai chin thluahmah, an ttian lai nak ni zawng a nai chin lengmang tawite lawng a bau cang. Sihmanhselaw a thiangtuk mi an lungthin nih cun dawtnak biasung cu an phuang ngam ve ve lo..
Lungthiang tein hawikawm an si ning in an i tlaihchan nak nih cun a duh na lo pat tiin an ruah lo pi khin an theihlo hlan ah duhdawtnak ruunlum tangah a rak hruai luh diam cang hna. A tong i, a tep bal ve ve lo kan ti lai cu ruahthiam dan le umtuning hmanh an hngal ve pek lo. Nikhat vawikhat an i hmuh lo caan hmanh ah an i ngai an khua lawnga har tawn. Cu tluk an i duh ko bu cun thinlung chung ah merem thiam loin aa tet tuk cang mi duhdawtnak zaihla cu an sa ngam rih lo tthiam tthiam..
Hawikawm si can ah tthatnak le chiatnak, lunglawmh ngaihchiat caan zawng ah aa ttanh i, ai hnem lengmang mi an si ko. Ngaihchiat lungsivan caan zawngah an i zaamtak bal lo.. cu an i pehtlaih ning pawl van dawtthlat ah a fiang ko mi cu. thinlung thlarau in pakhat an si ti cu a lang. nain ziah hen dawtnak an phuan ngam lo..
Bia le hla nih an phuan rih lo mi, thinlung chungin ai uam peng rih mi an i dawtnak zainem le holhthuk hna cu. tuzan te cu zai khat tete in an i phuan ziahmah lio a si. Artlangte in an tthu tti, an kut zatial nih fek tthup in an i tlai, minute nihcun mi fapa naupa ttang te cu aa hngoh ziar. cung thlavangpa zawng nih an i dawtnak zuun cu theihthiam ve ngai kokhi bang a so maw a paw zeidek, a ceu tuk. cu zanthlavang tangah cun ho mi theih lo te in an i dawtnak zuunzam hna cu aa zel ziahmah ko.
“ Ceute tunai ka bia theih mi a sunglawi i ngai a nuam tuk mi dawtnak bia a thlum ngai mi kha velhe a si sual lai ti kaphang ngam lo”. tiin Iang Iang nih cun a hei uh hnah.. Ceute cu pa anti mi tak tak hi si kaw, zeidang phunphai biathuk chimthiam zawng a si lo. kan dawtnak hi hoiher le biahla lawng si lo in, colcahng ning ko in seh lahngter ning heiti phun khin, Iang Iang hmur senvirmar te ah cun dimte in a hei hnamh i. “Tikhan teh na lung ka hring rih lai maw?” a hei ti beh. Iang Iang cu a ningzah tuk ah a biangki nih sen e ti ah a rung sen nain uar a um chin chin. a ka a pit chim awk zeihmang a thei ti lo. cu chinchap ah duhsah tein a hei nolh rih ai, a voihnih naak ah cun Iang Iang zawng nih a von leh ve. Cuticun artti bang ai thup tawn mi dawtnak cu ihnamh voikhatnak in an tlinter cang. a tu cun pumkhat an si cang. thinlung pahnih ngei nain pakhat bantukin a tur mi. Thlarau pahnih ngei nain pakhat bantukin a nung mi an si cang..
An pahnih in von hmuhtti cun zoh an dawh tuk, an i tlak an ti cio, khuanu khuapa zawng nih an duhsak ngai hna. nain aw hi vawlei kan nunchung theo cu harnak le vanchiatnak hna hi an i palap tuk Iang Iang a nu ttapa fapa caah an cah ti thawng nih khuari van ttek tla bang khutlang a cul nih. a theih cangka te venglu in khaw taw tiang a thang colh. Ceute nih a celh lai loh te aw anti cio. cu cu a hman ko lai Ceute lawng zawng silo Iang Iang zawng nih a celh lo, a pa bia nih le al awk ttha lo in. a u le nih “rethei santlailo tuk zawng kan si lo, ramdang pasal ngeih zawng a hau theng loh cu, kan ttapa zawng a um ve ko i, tangka tham cu an kan kuat ve lengmang ko hi” anti zawng ah an pa ko thla thlak Laipasal lungpuam kan ti lai cu nu bia le bang cu zei ah a ruat lo. Cu bia Ceute nih a theih hnu cun leng zawng a chuak ngam lo, kan retheih le santlaih lo tuk hi cu aw ti khin rawl ei hmanh khi a huam pah ti lo. Cu ti cun Iang Iang zawng ttahbu piin Tthitumhnak puai cu an tuahpiak, cuni mipi a kal mi cu a ttap lo cu a pasal te chhung le Iang Iang nulepa lawng ansi.
Ceute kha ka kal lai tal cu ka tong ta seh tiin bia a von cah zawngah a kal duh lo. nain a von cah lengmang ruangah Iang Iang kal lai zan cu an len tawnnak khuabawipa lungdawnh ah. chim hmasak ding thei loin an mitthli za he an tthu. ttaceu ka ngaithiam ko mu kapa bia nih al khawh a silo, kan i dawtnak nih vanchiat kan tawng. ttaceu zam ko usih nang lo cun ka dam kho lai lo, dam zawng ka duh lo. ka tta holh ve hme tiin a uh hnawh len..Ceute nih cun a mitthli cu hruk tiin a von i hnawh, “kadawt kan nih cu pathian samhrisih kan si tung lo, na caah na nulepa nih a ttha bik anti mi cu va ngei ko, keizawng ka rak i lungsak ve cang lai, nunnem ttap ti hlah, nunu khua a tlai ai cang mu, ka duh mi cu lungnuam te in na um hi a si ko. America hna cu a nuam tuk anti si, nang zawng kumtling na va um lai i, nuam na ti te ko lai. ka phialh cang law na mitthli cu luanter ti hlah law liam ko ai mu.. a ti i, a mitthli kur kur in thlak bu khin a kal tak.. A dawttuk a sianlotuk mi Iang Iang ngui ngui thlathlak in mui lak ah a ttah ko zawngah a hnem duh ti lo. a kal tak ko. A thaizing Iang Iang zawng cu ttahbu piin an kal pi cang.
Zarhkhat hmanh a rau lo, myanmar Boeing 172 tla ti thawng nih vawleicung pumpi cu khauci a muih dih, thawngpang kan ti theo cu laitlang khawte tiang a phan dih. “”Aw Iang Iang le Ceute kha zingnu samhrisih an si ko” ti mi nih mi lung a luah cio. cu hlan kan hnu nithum ah khan Ceute cu zawtnak chim ding um set lo in a thi ti a si ve. maw ka unau le hna Parcel a um ve lo nak pupa lennak Pialral ramnuam ah duhdim lungnuam tein leng ko ai ne uh tiin ka ca ka donghter.....
Aa chim ngam lo mi, dawtu le dawtmi. Aa phuang thiam rih lo mi dawtnak caan sin ah a liam ve ko ding ngai cu aw....Nitam le thla tam hawikawm lungduh zawnruahnak in an caan an hmantti cang hnu ah. December thla nih an phan cang i, Masi zawng a nai chin thluahmah, an ttian lai nak ni zawng a nai chin lengmang tawite lawng a bau cang. Sihmanhselaw a thiangtuk mi an lungthin nih cun dawtnak biasung cu an phuang ngam ve ve lo..
Lungthiang tein hawikawm an si ning in an i tlaihchan nak nih cun a duh na lo pat tiin an ruah lo pi khin an theihlo hlan ah duhdawtnak ruunlum tangah a rak hruai luh diam cang hna. A tong i, a tep bal ve ve lo kan ti lai cu ruahthiam dan le umtuning hmanh an hngal ve pek lo. Nikhat vawikhat an i hmuh lo caan hmanh ah an i ngai an khua lawnga har tawn. Cu tluk an i duh ko bu cun thinlung chung ah merem thiam loin aa tet tuk cang mi duhdawtnak zaihla cu an sa ngam rih lo tthiam tthiam..
Hawikawm si can ah tthatnak le chiatnak, lunglawmh ngaihchiat caan zawng ah aa ttanh i, ai hnem lengmang mi an si ko. Ngaihchiat lungsivan caan zawngah an i zaamtak bal lo.. cu an i pehtlaih ning pawl van dawtthlat ah a fiang ko mi cu. thinlung thlarau in pakhat an si ti cu a lang. nain ziah hen dawtnak an phuan ngam lo..
Bia le hla nih an phuan rih lo mi, thinlung chungin ai uam peng rih mi an i dawtnak zainem le holhthuk hna cu. tuzan te cu zai khat tete in an i phuan ziahmah lio a si. Artlangte in an tthu tti, an kut zatial nih fek tthup in an i tlai, minute nihcun mi fapa naupa ttang te cu aa hngoh ziar. cung thlavangpa zawng nih an i dawtnak zuun cu theihthiam ve ngai kokhi bang a so maw a paw zeidek, a ceu tuk. cu zanthlavang tangah cun ho mi theih lo te in an i dawtnak zuunzam hna cu aa zel ziahmah ko.
“ Ceute tunai ka bia theih mi a sunglawi i ngai a nuam tuk mi dawtnak bia a thlum ngai mi kha velhe a si sual lai ti kaphang ngam lo”. tiin Iang Iang nih cun a hei uh hnah.. Ceute cu pa anti mi tak tak hi si kaw, zeidang phunphai biathuk chimthiam zawng a si lo. kan dawtnak hi hoiher le biahla lawng si lo in, colcahng ning ko in seh lahngter ning heiti phun khin, Iang Iang hmur senvirmar te ah cun dimte in a hei hnamh i. “Tikhan teh na lung ka hring rih lai maw?” a hei ti beh. Iang Iang cu a ningzah tuk ah a biangki nih sen e ti ah a rung sen nain uar a um chin chin. a ka a pit chim awk zeihmang a thei ti lo. cu chinchap ah duhsah tein a hei nolh rih ai, a voihnih naak ah cun Iang Iang zawng nih a von leh ve. Cuticun artti bang ai thup tawn mi dawtnak cu ihnamh voikhatnak in an tlinter cang. a tu cun pumkhat an si cang. thinlung pahnih ngei nain pakhat bantukin a tur mi. Thlarau pahnih ngei nain pakhat bantukin a nung mi an si cang..
An pahnih in von hmuhtti cun zoh an dawh tuk, an i tlak an ti cio, khuanu khuapa zawng nih an duhsak ngai hna. nain aw hi vawlei kan nunchung theo cu harnak le vanchiatnak hna hi an i palap tuk Iang Iang a nu ttapa fapa caah an cah ti thawng nih khuari van ttek tla bang khutlang a cul nih. a theih cangka te venglu in khaw taw tiang a thang colh. Ceute nih a celh lai loh te aw anti cio. cu cu a hman ko lai Ceute lawng zawng silo Iang Iang zawng nih a celh lo, a pa bia nih le al awk ttha lo in. a u le nih “rethei santlailo tuk zawng kan si lo, ramdang pasal ngeih zawng a hau theng loh cu, kan ttapa zawng a um ve ko i, tangka tham cu an kan kuat ve lengmang ko hi” anti zawng ah an pa ko thla thlak Laipasal lungpuam kan ti lai cu nu bia le bang cu zei ah a ruat lo. Cu bia Ceute nih a theih hnu cun leng zawng a chuak ngam lo, kan retheih le santlaih lo tuk hi cu aw ti khin rawl ei hmanh khi a huam pah ti lo. Cu ti cun Iang Iang zawng ttahbu piin Tthitumhnak puai cu an tuahpiak, cuni mipi a kal mi cu a ttap lo cu a pasal te chhung le Iang Iang nulepa lawng ansi.
Ceute kha ka kal lai tal cu ka tong ta seh tiin bia a von cah zawngah a kal duh lo. nain a von cah lengmang ruangah Iang Iang kal lai zan cu an len tawnnak khuabawipa lungdawnh ah. chim hmasak ding thei loin an mitthli za he an tthu. ttaceu ka ngaithiam ko mu kapa bia nih al khawh a silo, kan i dawtnak nih vanchiat kan tawng. ttaceu zam ko usih nang lo cun ka dam kho lai lo, dam zawng ka duh lo. ka tta holh ve hme tiin a uh hnawh len..Ceute nih cun a mitthli cu hruk tiin a von i hnawh, “kadawt kan nih cu pathian samhrisih kan si tung lo, na caah na nulepa nih a ttha bik anti mi cu va ngei ko, keizawng ka rak i lungsak ve cang lai, nunnem ttap ti hlah, nunu khua a tlai ai cang mu, ka duh mi cu lungnuam te in na um hi a si ko. America hna cu a nuam tuk anti si, nang zawng kumtling na va um lai i, nuam na ti te ko lai. ka phialh cang law na mitthli cu luanter ti hlah law liam ko ai mu.. a ti i, a mitthli kur kur in thlak bu khin a kal tak.. A dawttuk a sianlotuk mi Iang Iang ngui ngui thlathlak in mui lak ah a ttah ko zawngah a hnem duh ti lo. a kal tak ko. A thaizing Iang Iang zawng cu ttahbu piin an kal pi cang.
Zarhkhat hmanh a rau lo, myanmar Boeing 172 tla ti thawng nih vawleicung pumpi cu khauci a muih dih, thawngpang kan ti theo cu laitlang khawte tiang a phan dih. “”Aw Iang Iang le Ceute kha zingnu samhrisih an si ko” ti mi nih mi lung a luah cio. cu hlan kan hnu nithum ah khan Ceute cu zawtnak chim ding um set lo in a thi ti a si ve. maw ka unau le hna Parcel a um ve lo nak pupa lennak Pialral ramnuam ah duhdim lungnuam tein leng ko ai ne uh tiin ka ca ka donghter.....
Comments