LAIHOLH HI KAN KILVENG KHO TAK TAK HNGA MAW
*Laiholh hi Kan kilveng kho tak tak te hnga maw*
20. Dips.2017 Phongpi ( ONP)
Salai. C. Vanramdinmawi
Editor in Chief ( The Phongpi Post)
Zaan ah cun hong ka kawl hna sehlaw Kan inn ah an ka hmuh lai. 😅
Cu zaan bel te cu, Sangau-I YLA Treasurer Ka tete Makim ( Lalremkim) te inn ah Rumpum chumh bete chumh he ka ei.. ka ei thlu hlan dungdang ah Phongpi Post Manager LC. Rosanglian ( Ualian) nih contact a von ka tuah i, Zeitindah Phongpi Post hi Kan phawtzamh ning a si lai tiah a von ka hal, Bete chumh cu ka ei zawzawk i Ualian te inn cu ka panh Zan suimilam 9:30 a si cang nain a rak it lo, Vailamtlang thluan khua ( Ceural, Rawlbuk, Siacangkawn, Bualpi le Lungzarhtum) hna ah hin Agent fel te in kan ngeih a her a vawikhatnak a si caah kanmah hrim hrim i Kal kho sehlaw tiah ruahnak a chuahpi mi cu ttha kati ngai. The Phongpi Post Sports News Editor LR. Chiato ( Aaram) he rian ah kan i lak, thaizing zingka ah a chuak ding khi kan si.
Kan Manager nih khin a thirkuang te khi a va dah i, a hong than "khah, mahhi te hi nan Petrol thunnak dingah le thingpi dinnak caah nan va hman lai " tiah Tangka an Kan ronh.
Inn ah ka ttin colh, Kapa pumh a bang rih lo, Kanu sinah "Kanu, Thaizing Lungzarhtum ah ka kal a hau I, The Phongpi Post agent ding a kawl ding kan si" tiah ka hei chim. "Aw.. damin Kan um hna si cun na Kal te ko lai" tiin.
15. Dipa. Tio chum a kai pinah Phongtlang thli kik nih a chem caah Sangau khua zingka cu a kik hringhran ko.
Vengthar kawn cu Khual tlawng ding he Mehzuar he tiin, Zo holh lakah piang lo ngai in Laiholh a thang ve, Lunglei, Saiha le Lawngtlai a phan ding Phongpi Cazual Sumo Counter kan chiah hnu in, Kawi ram he Kal cu kan i thawh ve suamau, Vengthar kawn ka umchung ko Khan cun *Ramchungah thlarau vakvai tampi an um ko lio i, Ramlengah Missionary rian ttuan in a Kal ding khi* Kai lawh ter I, ka thinlung a hrum ngai ngai.
Sangau Hauka Thlacamnak Kan phak khin Bible ca an tar mi tete khi ka heih zoh *Mizo holh in an tar mi catar tampi lakah Laiholh Cafang fonh dik lo ngai in an tar mi Bible ca* ka hmuh in, Thlah tu ngei loin ralram ah a Kal ding mi ralkap khi kai lawh ter tthan.
Ceural phak hlanah Kan kut a khawng dih deng, Dumka lam tuah Pawl mei kan to ta, ti dah lo cu dir loin Kan tli, Ceural ah an Young Lai Association ( YLA) Branch President Lalzarlian inn ah kan pial biatawi fiangfai ngai in kan i ruah hnu khin Phongpi Cazual 10 Kan chiah ta hna.
Rawlbuk khua zongah an YLA President Pu. Hmuaklian inn Kan panh than Thingpi an Kan lumh ta i, bia zong sau deuh cun kan i ruah kho hna, Sports Editor LR. Chiato song biaruah zia a thiam a biachim Kal ning a puitling tuk. Rawlbuk Branch President nih a chim mi tampi hi ka lungah an riak *Middle school ah Laica Cawnpiaktu Kan ngeih lo caah le Cawnpiaktu lakah Laiholh thiam Kan um lo caah Laica subject cu Kan hlawt* tiah a chim, Laiholh thiam an duh ve nak le an khua ah Laiholh thiam tiin chim tlak an um lonak Kong a chim mi lakah *Vawikhat cu Kan khua ah CEM le EM Pawl an ra I, Kan khuatlang le YLA caah Kan poiherh mi Kan hal, nain Kan ram ( LADC) hruaitu hna nih an Kan timi cu, "Laiholh in halnak von tuah ulaw Kan in pek hna Lai" an kan ti, nain Rawlbuk ah Laiholh thiam kan um lo tikag, an Kan pek Sian ko nain Kan hal kho lo* tiah a chim.
Phongpi Cazual agent ding zong amahnih an Kan kawl piak dih i Lai Students Association Rawlbuk Branch President Chullo nih ttuanvo an kan lakpiak khawh, kanti mi hna cu *Laiholh Nan thiam duh ngaingai a si ah cun Lai Bible Nan I cawk hna Lai, cun Phongpi Cazual zong hi dawng 20 caah man cawi loin Kum hnih chung Kan in hlut hna Lai* tiin Rawlbuk khua Kan chuahtak ruangmang.
South Lungpher hi, a tu LSA General headquarters Kan President Leon C. Lalchuanlian te khua a si, amah Lawngtlai um a si caah an YLA President Lalrinlian thiam thiam cu Kan panh, amah nih YLA nih ttuanvo la in Committee zongah caih te dingin an Kan thlah. An President pa nih. Chim hawi mi cu S. Lungpher ah Middle School pahnih a um nain Laica Cawnpiaktu le Laiholh a cawnter khotu an um lo caah Laica cu an Sianginn pahnih ningin Cawnter loin an um veve a ti. Grace Hotel ah Ar-Sawhciar Kan ei ta I, Kan lan thluahmah than.
Siacangkawn khua hi, Laitlangah cun a Kik ngai ve mi a si.
Lai Students Boy's Hostel, Aizawl ah Monitor zong a rak Simi le LSA joint Headquarters Aizawl ah hruaitu zong a rak si Bal mi, hngakchiate in Mizoholh hmang cu a si nain, Lai Hostel a umhnu ah Laiholh zongin a sermon kho ve mi Lalthanglura ( Puia) te inn Kan panh, a nih hi *Laimi Kan thawh khawh nak hnga kan I thanghnak dingah cun Laiholh Kan holh Kan thiam than a biapi* timi lungput a ngei ve mi a si. Lai Association for Literature & Communication LALC timi Founding Member a rak si ve rereng. LALC hi tu Phongpi Phu a hringtu NU a si kanti khawh. Kan unaupa Puia nih cun Nupi ttha ngai a rak i tthit I, MA tha tein a dih hnu in hnangam ngai in an khua ah a rak um. Phongpi Cazual ttuanvo a Kan lak piak colh fawn.
Bualpi khua hi Laitlang khua ah cun Lawngtlai le Sangau changtu ah Khuapi bik Pathumnak a si, YLA zong Branch pahnih ah an i then pinah YLA Sub Headquarters a ngei mi le, LADC Sub Headquarters zong a si chih.
Branch 1 hruaitu Kan ton khawh nain Branch 2 lei Kan ton kho hna lo nain Phone no hna la in bia Tha cun Kan lan thiam thiam.
Lungzarhtum khua Lai Students Boy's Hostel Aizawl ah LR. Chiato ( Sports News Editor) te he kumtam khua a rak sa tti mi Papa ( Alpha English Academy ngeitu) te inn ah zingrawl Kan ei, Kawnglawng buh te Bak a nu nih an rak Kan chumh piak i Kan eitam chuachuah.
Lungzarhtum hi Laiholh hmang khua inn 160 dirnak a si, nain hngakchia Tam deuh cu Mizo holh in an i chawn hna, an i dainak zong mizo holh cun Upa deuh zong nih Mizo holh in an chonh hna pinah an mah Upa hna zong an holh ah Mizo holh biafang a Tam ngai ngai cang.
Congthak phun hi phun tlawmte Kan si I, Lungzarhtum ah Congthak an um ve timi hi ka theih pah ve lengmang, cu caah inn khat tal pal ta lo cu tiin Kan hawile nih cun an ka Kal pi, Lungzarhtum LIKBK Christmas 2017 dong ding an rak si ti ka theih cu ka thinlung um ek in Kai lawm, Hibantukin Kan unau lakah thluachuahnak a hmu mi an um tikah ka lawmhpi ngaingai hna. Cu khawh cun LIKBK Biakinn lei ah Mino Tlangrian nakah an Kan kalpi, Phongpi Volunteer le Cazual agent Luaia nih "?*Tutan ICCYC ah Khan Lungzarhtum khua cu Kan i tthang ngai, kha hlan ah cun i pumhnak ah Mizo holh lawngin biachim le Thlacam a si, ICCYC hnu Khan cun Laiholh ah an i let dih* tiah a ti I, ka lawmhpi ngai hna. Nain LIKBK Biakinn luhlai Gate cungah khin nganpi in *Hawhu Lalpa in ah i Kal ang u* timi Bel Mizo holh a si ko rih.
An Biakinn Chung ka luh in ka zoh hmasak bik nak cu an Pulpit hunnak cung ah zeiholh in dah Bible ca an tar timi a rak si hawi cuh kei hih. *Bawipa kha Kan Biak ko Lai.( Joshua. 24: 15)* timi te cu Laiholh te Bak khin an rak tar. Kai lunghmuih hringhran. Mino a rak um mi cheukhat cu an fim ngai hna kut te te zong an mah nih an hong Kan tlaih, an Kan zoh ning ah Kan i lawm tuk ngamsam. Culakah ka hrelh Sian lomi cu *Malung* a si, Sianghleiruun ah Kan Senior most Kum i Kan fresher an rak si i, ai theihngal cia cu Kan si lo nain Laiholh hmang a rak si ve nak ah Pangkhua Beisei he hin Farnu zohin ka rak zoh hna.. a pum a puam nawn te, A Tung a sang tiin an chim Bal lo mi, a ngo nain a biang tiat pi mitbenh ai vuah. Sianghleiruun ka chuahtak hnu Kum 3 nak ah ka hmuh tthan a si.
Lungzarhtum in i din loin Vawmbuk Kan panh. Vawmbuk ah hin Phongpi website zongah a cattial Kan thlah lengmang mi Phongpi Columnist Pavung ( Ralvung) Kan va ton hnu ah Roland te inn hmuh ta lo cu Kati I, khua an um maw um lo ah Vawmbuk ka vawikhat phaknak a si ve cuh tiin Roland te inn cu ka va panh Vanthat ah Ngura a rak um, an nih unau hi Sianghleiruun ah Hostel khat ah Dal hang a ding tti mi Kan si hna. Kum saupi ton lo hnu ah Ngura he Kan i tong kho cu Pathian ka thangthat. BA Distinction in a passed hnu ah Shillong ah Bible Sianginn a rak Kai. Thingpi thawte in a Kan lumhmi Kan din hnu ah Sangau lei panh in kir Kan zaal, Vawmbuk cu ka lungsia a ngam ko a ruang cu kan CEM Pu. T. Za Kung khua a si pinah Roland nih a chim mi *Kan khua ah cun Vai ( Kala) hmanh Laiholh paka in Kan holh ter hna* timi Kai hngalh Peng rih ko.
Sangau cu Nitlak Kate ah Kan phan than.
Laitlang khua Pawl kan palmi chungin ka hmuhton mi hna ka ruah ah hin Ka khuaruah a vakvai ka ngaih a chia zuahmah Kan Lairamte hi, Kan Laiholh he him kan kilveng kho taktak te hnga maw? Hitining tein kal usih law tuhnu kum 50 ahkhin Laitlang ah Laimi maw tam deuh te hnga miphun dang dah? Tuhnu kum 30 ahkhin kan Lairam Tlangtluan ah zei holh khi dah holh bik a si te hnga? Laiholh hi te an hmang duh ti hnga maw Lawngtlai nih an hlawt bantuk hin Sangau nih an hlaw ve hnga maw...
Z. Heng Mang cu a thi cang, Pu .T. Za Kung hi CEM a si lo tikah ho nithla Lai Miphun hi von dirkamh ve than hnga..
Acaan ah phundang in khua ka ruat; azei ah hme hithil hi ka lungre ka vai itheihpi len? Ziah mah ruangah lungtuai zaangba in ka um Miphun tlau si zong cu a pawi tuk lem hme maw? Minung lem kan tlau in kan thi lai lopi? Globalization chan pei si fam cu kan holh le nunphung tlau zong cu zeihme pawi? Mirang holh le miphundang nunphung thuamthil thatha hi zatzat a um ko nalak ah?
Hitluk rethei le thaba in kan ttuan hi a herh taktak maw? Kan mipi zong nih an kan dirpi in an duh taktak hme maw? Midang zong nih zei ah an rello mi le an buaipi lomi rak aupi hna zawng hi hruh a si lo maw..
Kan fanau le pawl hna zawng hi caan rau in sianginn ah Laica cawnter nak cha cun IT hna cawnter ning law rian sang sang tuan hna sehlaw a tha deuh hnga lo maw ti hna ka ruat..
Kei hna hiteh... hitin maw, hi miphun rian hi pumpek in ka ttuan peng ko lai? Ka hawile ka naule tete hmanh nih University tha tha lam in riansang a tuan mi zawng an um cang si kaw? Lohlak thil maw ka tuah kun? Ka chiatnak lam tu ka hrawng ko lo hme maw , Zeidah ka tuah kun lai?
Laimiphun a tlau le Lai nunphung dawh dawh hna hi an lohral i Lairam hi miphundang Vai hna nih an luah dih zawngah ka dirhmun a that phawt ah cun pawi tilo in ka um ko lai maw...?
Hibantukin Miphun caah ka vahvaih lio ah hin teh *Phongpi Lasi* valdang mi kutah Liam sual hnga maw.. a ho valpa biathiam nih an helh tikah a ka liamtak ruangmang sual hnga maw.. a ho val maw lungawi diriam te hnga
Ka hawi pa cakuat ka hmuh lebang cun ka lungfah a zual, ka lung a dong cikcek , ka hawipa cakuat ah cun hitin a tial :
" Adin, Laimiphun hi dawtu a neilo tuk. Laiholh a thiam lomi nih hincun Laimiphun hi an daw taktak kho lo, tihi kaifiang tuk. Lawngtlai mi bia an i ruah ka ngaihziar kohna..".*Lai intih viau te chu a lehkha thiam loh thlak em mai, Lai tawng te hi chu tran vak a ngailo a bo tho tho dawn*Tiah an ti cu..
ruah hin cun lung a fak ko "tiah ka hawipa Pakhat nih a lungfahnak ca a von ka kuat, mi ka hmuh lebang hin cun thang pi in ttah ka duh..
Upa cheukhat le hawikawm Tha nih *na tha a chia in na lung dong sual lai tihi kan phaan tukmi a si, ti khan maw thachiat phun in kan umpiak hrimhrim lai cih, ti mi le, "Zeitlukin na tha a chiat caan le na lung a dongh caan hmanh ah lungthul in um citcet lai cih, nangmah ca lawngah na nung lo, Laimi hi na kan ruahchih a hau tiah kan u pakhat nih a kati mi kha ka hnathlam ah an cuang tthan*
*Khawi ah hen na feh ding Lairam Nang khal khawi ah na feh ding Adin?* A dong kho lomi khuaruahnak he....
*Hmun camcin ko mu Phongpi, Lairam hi Laimi nih kan dirpi lo hmanhah nang tal nih cun na dirpi peng. Thlicia le mei Ral nih an in tuk caan hmanh ah Lairam cu na zaamtak ve bak lo maw Phongpi*
Salai C Vanramdinmawi
( Tenglam)
LADC Area
20. Dips.2017 Phongpi ( ONP)
Salai. C. Vanramdinmawi
Editor in Chief ( The Phongpi Post)
Zaan ah cun hong ka kawl hna sehlaw Kan inn ah an ka hmuh lai. 😅
Cu zaan bel te cu, Sangau-I YLA Treasurer Ka tete Makim ( Lalremkim) te inn ah Rumpum chumh bete chumh he ka ei.. ka ei thlu hlan dungdang ah Phongpi Post Manager LC. Rosanglian ( Ualian) nih contact a von ka tuah i, Zeitindah Phongpi Post hi Kan phawtzamh ning a si lai tiah a von ka hal, Bete chumh cu ka ei zawzawk i Ualian te inn cu ka panh Zan suimilam 9:30 a si cang nain a rak it lo, Vailamtlang thluan khua ( Ceural, Rawlbuk, Siacangkawn, Bualpi le Lungzarhtum) hna ah hin Agent fel te in kan ngeih a her a vawikhatnak a si caah kanmah hrim hrim i Kal kho sehlaw tiah ruahnak a chuahpi mi cu ttha kati ngai. The Phongpi Post Sports News Editor LR. Chiato ( Aaram) he rian ah kan i lak, thaizing zingka ah a chuak ding khi kan si.
Kan Manager nih khin a thirkuang te khi a va dah i, a hong than "khah, mahhi te hi nan Petrol thunnak dingah le thingpi dinnak caah nan va hman lai " tiah Tangka an Kan ronh.
Inn ah ka ttin colh, Kapa pumh a bang rih lo, Kanu sinah "Kanu, Thaizing Lungzarhtum ah ka kal a hau I, The Phongpi Post agent ding a kawl ding kan si" tiah ka hei chim. "Aw.. damin Kan um hna si cun na Kal te ko lai" tiin.
15. Dipa. Tio chum a kai pinah Phongtlang thli kik nih a chem caah Sangau khua zingka cu a kik hringhran ko.
Vengthar kawn cu Khual tlawng ding he Mehzuar he tiin, Zo holh lakah piang lo ngai in Laiholh a thang ve, Lunglei, Saiha le Lawngtlai a phan ding Phongpi Cazual Sumo Counter kan chiah hnu in, Kawi ram he Kal cu kan i thawh ve suamau, Vengthar kawn ka umchung ko Khan cun *Ramchungah thlarau vakvai tampi an um ko lio i, Ramlengah Missionary rian ttuan in a Kal ding khi* Kai lawh ter I, ka thinlung a hrum ngai ngai.
Sangau Hauka Thlacamnak Kan phak khin Bible ca an tar mi tete khi ka heih zoh *Mizo holh in an tar mi catar tampi lakah Laiholh Cafang fonh dik lo ngai in an tar mi Bible ca* ka hmuh in, Thlah tu ngei loin ralram ah a Kal ding mi ralkap khi kai lawh ter tthan.
Ceural phak hlanah Kan kut a khawng dih deng, Dumka lam tuah Pawl mei kan to ta, ti dah lo cu dir loin Kan tli, Ceural ah an Young Lai Association ( YLA) Branch President Lalzarlian inn ah kan pial biatawi fiangfai ngai in kan i ruah hnu khin Phongpi Cazual 10 Kan chiah ta hna.
Rawlbuk khua zongah an YLA President Pu. Hmuaklian inn Kan panh than Thingpi an Kan lumh ta i, bia zong sau deuh cun kan i ruah kho hna, Sports Editor LR. Chiato song biaruah zia a thiam a biachim Kal ning a puitling tuk. Rawlbuk Branch President nih a chim mi tampi hi ka lungah an riak *Middle school ah Laica Cawnpiaktu Kan ngeih lo caah le Cawnpiaktu lakah Laiholh thiam Kan um lo caah Laica subject cu Kan hlawt* tiah a chim, Laiholh thiam an duh ve nak le an khua ah Laiholh thiam tiin chim tlak an um lonak Kong a chim mi lakah *Vawikhat cu Kan khua ah CEM le EM Pawl an ra I, Kan khuatlang le YLA caah Kan poiherh mi Kan hal, nain Kan ram ( LADC) hruaitu hna nih an Kan timi cu, "Laiholh in halnak von tuah ulaw Kan in pek hna Lai" an kan ti, nain Rawlbuk ah Laiholh thiam kan um lo tikag, an Kan pek Sian ko nain Kan hal kho lo* tiah a chim.
Phongpi Cazual agent ding zong amahnih an Kan kawl piak dih i Lai Students Association Rawlbuk Branch President Chullo nih ttuanvo an kan lakpiak khawh, kanti mi hna cu *Laiholh Nan thiam duh ngaingai a si ah cun Lai Bible Nan I cawk hna Lai, cun Phongpi Cazual zong hi dawng 20 caah man cawi loin Kum hnih chung Kan in hlut hna Lai* tiin Rawlbuk khua Kan chuahtak ruangmang.
South Lungpher hi, a tu LSA General headquarters Kan President Leon C. Lalchuanlian te khua a si, amah Lawngtlai um a si caah an YLA President Lalrinlian thiam thiam cu Kan panh, amah nih YLA nih ttuanvo la in Committee zongah caih te dingin an Kan thlah. An President pa nih. Chim hawi mi cu S. Lungpher ah Middle School pahnih a um nain Laica Cawnpiaktu le Laiholh a cawnter khotu an um lo caah Laica cu an Sianginn pahnih ningin Cawnter loin an um veve a ti. Grace Hotel ah Ar-Sawhciar Kan ei ta I, Kan lan thluahmah than.
Siacangkawn khua hi, Laitlangah cun a Kik ngai ve mi a si.
Lai Students Boy's Hostel, Aizawl ah Monitor zong a rak Simi le LSA joint Headquarters Aizawl ah hruaitu zong a rak si Bal mi, hngakchiate in Mizoholh hmang cu a si nain, Lai Hostel a umhnu ah Laiholh zongin a sermon kho ve mi Lalthanglura ( Puia) te inn Kan panh, a nih hi *Laimi Kan thawh khawh nak hnga kan I thanghnak dingah cun Laiholh Kan holh Kan thiam than a biapi* timi lungput a ngei ve mi a si. Lai Association for Literature & Communication LALC timi Founding Member a rak si ve rereng. LALC hi tu Phongpi Phu a hringtu NU a si kanti khawh. Kan unaupa Puia nih cun Nupi ttha ngai a rak i tthit I, MA tha tein a dih hnu in hnangam ngai in an khua ah a rak um. Phongpi Cazual ttuanvo a Kan lak piak colh fawn.
Bualpi khua hi Laitlang khua ah cun Lawngtlai le Sangau changtu ah Khuapi bik Pathumnak a si, YLA zong Branch pahnih ah an i then pinah YLA Sub Headquarters a ngei mi le, LADC Sub Headquarters zong a si chih.
Branch 1 hruaitu Kan ton khawh nain Branch 2 lei Kan ton kho hna lo nain Phone no hna la in bia Tha cun Kan lan thiam thiam.
Lungzarhtum khua Lai Students Boy's Hostel Aizawl ah LR. Chiato ( Sports News Editor) te he kumtam khua a rak sa tti mi Papa ( Alpha English Academy ngeitu) te inn ah zingrawl Kan ei, Kawnglawng buh te Bak a nu nih an rak Kan chumh piak i Kan eitam chuachuah.
Lungzarhtum hi Laiholh hmang khua inn 160 dirnak a si, nain hngakchia Tam deuh cu Mizo holh in an i chawn hna, an i dainak zong mizo holh cun Upa deuh zong nih Mizo holh in an chonh hna pinah an mah Upa hna zong an holh ah Mizo holh biafang a Tam ngai ngai cang.
Congthak phun hi phun tlawmte Kan si I, Lungzarhtum ah Congthak an um ve timi hi ka theih pah ve lengmang, cu caah inn khat tal pal ta lo cu tiin Kan hawile nih cun an ka Kal pi, Lungzarhtum LIKBK Christmas 2017 dong ding an rak si ti ka theih cu ka thinlung um ek in Kai lawm, Hibantukin Kan unau lakah thluachuahnak a hmu mi an um tikah ka lawmhpi ngaingai hna. Cu khawh cun LIKBK Biakinn lei ah Mino Tlangrian nakah an Kan kalpi, Phongpi Volunteer le Cazual agent Luaia nih "?*Tutan ICCYC ah Khan Lungzarhtum khua cu Kan i tthang ngai, kha hlan ah cun i pumhnak ah Mizo holh lawngin biachim le Thlacam a si, ICCYC hnu Khan cun Laiholh ah an i let dih* tiah a ti I, ka lawmhpi ngai hna. Nain LIKBK Biakinn luhlai Gate cungah khin nganpi in *Hawhu Lalpa in ah i Kal ang u* timi Bel Mizo holh a si ko rih.
An Biakinn Chung ka luh in ka zoh hmasak bik nak cu an Pulpit hunnak cung ah zeiholh in dah Bible ca an tar timi a rak si hawi cuh kei hih. *Bawipa kha Kan Biak ko Lai.( Joshua. 24: 15)* timi te cu Laiholh te Bak khin an rak tar. Kai lunghmuih hringhran. Mino a rak um mi cheukhat cu an fim ngai hna kut te te zong an mah nih an hong Kan tlaih, an Kan zoh ning ah Kan i lawm tuk ngamsam. Culakah ka hrelh Sian lomi cu *Malung* a si, Sianghleiruun ah Kan Senior most Kum i Kan fresher an rak si i, ai theihngal cia cu Kan si lo nain Laiholh hmang a rak si ve nak ah Pangkhua Beisei he hin Farnu zohin ka rak zoh hna.. a pum a puam nawn te, A Tung a sang tiin an chim Bal lo mi, a ngo nain a biang tiat pi mitbenh ai vuah. Sianghleiruun ka chuahtak hnu Kum 3 nak ah ka hmuh tthan a si.
Lungzarhtum in i din loin Vawmbuk Kan panh. Vawmbuk ah hin Phongpi website zongah a cattial Kan thlah lengmang mi Phongpi Columnist Pavung ( Ralvung) Kan va ton hnu ah Roland te inn hmuh ta lo cu Kati I, khua an um maw um lo ah Vawmbuk ka vawikhat phaknak a si ve cuh tiin Roland te inn cu ka va panh Vanthat ah Ngura a rak um, an nih unau hi Sianghleiruun ah Hostel khat ah Dal hang a ding tti mi Kan si hna. Kum saupi ton lo hnu ah Ngura he Kan i tong kho cu Pathian ka thangthat. BA Distinction in a passed hnu ah Shillong ah Bible Sianginn a rak Kai. Thingpi thawte in a Kan lumhmi Kan din hnu ah Sangau lei panh in kir Kan zaal, Vawmbuk cu ka lungsia a ngam ko a ruang cu kan CEM Pu. T. Za Kung khua a si pinah Roland nih a chim mi *Kan khua ah cun Vai ( Kala) hmanh Laiholh paka in Kan holh ter hna* timi Kai hngalh Peng rih ko.
Sangau cu Nitlak Kate ah Kan phan than.
Laitlang khua Pawl kan palmi chungin ka hmuhton mi hna ka ruah ah hin Ka khuaruah a vakvai ka ngaih a chia zuahmah Kan Lairamte hi, Kan Laiholh he him kan kilveng kho taktak te hnga maw? Hitining tein kal usih law tuhnu kum 50 ahkhin Laitlang ah Laimi maw tam deuh te hnga miphun dang dah? Tuhnu kum 30 ahkhin kan Lairam Tlangtluan ah zei holh khi dah holh bik a si te hnga? Laiholh hi te an hmang duh ti hnga maw Lawngtlai nih an hlawt bantuk hin Sangau nih an hlaw ve hnga maw...
Z. Heng Mang cu a thi cang, Pu .T. Za Kung hi CEM a si lo tikah ho nithla Lai Miphun hi von dirkamh ve than hnga..
Acaan ah phundang in khua ka ruat; azei ah hme hithil hi ka lungre ka vai itheihpi len? Ziah mah ruangah lungtuai zaangba in ka um Miphun tlau si zong cu a pawi tuk lem hme maw? Minung lem kan tlau in kan thi lai lopi? Globalization chan pei si fam cu kan holh le nunphung tlau zong cu zeihme pawi? Mirang holh le miphundang nunphung thuamthil thatha hi zatzat a um ko nalak ah?
Hitluk rethei le thaba in kan ttuan hi a herh taktak maw? Kan mipi zong nih an kan dirpi in an duh taktak hme maw? Midang zong nih zei ah an rello mi le an buaipi lomi rak aupi hna zawng hi hruh a si lo maw..
Kan fanau le pawl hna zawng hi caan rau in sianginn ah Laica cawnter nak cha cun IT hna cawnter ning law rian sang sang tuan hna sehlaw a tha deuh hnga lo maw ti hna ka ruat..
Kei hna hiteh... hitin maw, hi miphun rian hi pumpek in ka ttuan peng ko lai? Ka hawile ka naule tete hmanh nih University tha tha lam in riansang a tuan mi zawng an um cang si kaw? Lohlak thil maw ka tuah kun? Ka chiatnak lam tu ka hrawng ko lo hme maw , Zeidah ka tuah kun lai?
Laimiphun a tlau le Lai nunphung dawh dawh hna hi an lohral i Lairam hi miphundang Vai hna nih an luah dih zawngah ka dirhmun a that phawt ah cun pawi tilo in ka um ko lai maw...?
Hibantukin Miphun caah ka vahvaih lio ah hin teh *Phongpi Lasi* valdang mi kutah Liam sual hnga maw.. a ho valpa biathiam nih an helh tikah a ka liamtak ruangmang sual hnga maw.. a ho val maw lungawi diriam te hnga
Ka hawi pa cakuat ka hmuh lebang cun ka lungfah a zual, ka lung a dong cikcek , ka hawipa cakuat ah cun hitin a tial :
" Adin, Laimiphun hi dawtu a neilo tuk. Laiholh a thiam lomi nih hincun Laimiphun hi an daw taktak kho lo, tihi kaifiang tuk. Lawngtlai mi bia an i ruah ka ngaihziar kohna..".*Lai intih viau te chu a lehkha thiam loh thlak em mai, Lai tawng te hi chu tran vak a ngailo a bo tho tho dawn*Tiah an ti cu..
ruah hin cun lung a fak ko "tiah ka hawipa Pakhat nih a lungfahnak ca a von ka kuat, mi ka hmuh lebang hin cun thang pi in ttah ka duh..
Upa cheukhat le hawikawm Tha nih *na tha a chia in na lung dong sual lai tihi kan phaan tukmi a si, ti khan maw thachiat phun in kan umpiak hrimhrim lai cih, ti mi le, "Zeitlukin na tha a chiat caan le na lung a dongh caan hmanh ah lungthul in um citcet lai cih, nangmah ca lawngah na nung lo, Laimi hi na kan ruahchih a hau tiah kan u pakhat nih a kati mi kha ka hnathlam ah an cuang tthan*
*Khawi ah hen na feh ding Lairam Nang khal khawi ah na feh ding Adin?* A dong kho lomi khuaruahnak he....
*Hmun camcin ko mu Phongpi, Lairam hi Laimi nih kan dirpi lo hmanhah nang tal nih cun na dirpi peng. Thlicia le mei Ral nih an in tuk caan hmanh ah Lairam cu na zaamtak ve bak lo maw Phongpi*
Salai C Vanramdinmawi
( Tenglam)
LADC Area
Comments