Lawngtlai ah Right to Public Service Act, 2015 kongkau cawnnak ngeih a si.

Lawngtlai ah Right to Public Service Act, 2015 kongkau cawnnak ngeih a si.

Vaupi ni 23 ah khan Cozah nih Mipi sinah Service a pek tawn mi hna, caan hman te in a hal tu hna sinah pek lengmang nak ding The Mizoram Right to Public Services Act (MRTPSA), 2015 kongkau cawnpiaknak cu Lawngtlai DC Conference Hall-ah District Information & Public Relations Department hohhatnak in ngeih a si. 

Hi caan hmannak hruaitu MJA Lawngtlai District Vice President Pu Lalnghet Ralte nih cun cozah cu mipi ruangah a um mi a si tiah a chim i mipi caah riantuantu cozah nih hman tein rian a tuan le tuan lo mipi nih an vehvat lengmang zong a herh cucaah mipi caah cozah nnih timhlamhnak a ngeih mi hna zong hman tein a kal pi le kalpi lo kongkau ah a ngeitu mipi nih an covo an can khoh nak hnga fakpi in rianhma domh a herh a ti.  

District level awareness campaign on the Mizoram Right to Public Services Act, 2015-ah hin Lawngtlai DIPRO Pu C. Lalhruaitluang, MIS nih cun  powerpoint presentation hmangin hi phunglam kongkau hi a chuak kho mi hna sinah cawnpiaknak a ngei i, Hi phunglam hi December ni 1, 2015 in hman hramthawk a si nak kong le Mizoram cozah nih cun department paruk - Transport, Taxation, Social Welfare, Rural Development, Finance le PHE Department tangah service 46 cu hi phunglam tangah a khumh cang nak kong chim in, mipi nih cozah nih mipi hrang i a tuah ding mi hna caan rikhiah tein a pek le pek lo hlatthlai khoh a si nak kong ba chim, phunglam ningin thil kalpi a si lop ah cun zualko khoh nak ding hna zong a chimh hna i, theihchap duh ah cun  www.dpar.mizoram.gov.in-ah hi phunglam hi zoh than khoh a si. 

Hi caan hman nak hin hi phunglam nih a huap mi cozah department lei le official-hna pinah zatlangbuu ai awh hna an chuak kho i, , DIET Lawngtlai le GRHSS-i siangngakchia pinah siangcachim le zatlangbbu sawm mi hna tam ngai an chuak kho.