Biangreithlep ni 8 ah Lairam chung Village Council Thimnak ngeih a si lai.

Biangreithlep ni 8 ah Lairam chung Village Council Thimnak ngeih a si lai.

Vaupi ni 15 i Lawngtlai District Deputy Commissioner Election Banch biachuah nih a langhter ningah Lairam chung Village Council thimnak cu Biangreithlep ni 8 ah ngeih dingin timhtuah a si. Nomination thehluh caan hnuhnung bik cu Vaupi ni 24 zanlei suimilam pathum tiang a si lai i, Vaupi ni 25 cawnnilini cu Nomination zohfelnak ah hman a si lai. Vaupi ni 26 Cawnningani zanlei suimilam pakhat tiang min zuh than khawh a si lai i, Candidate hna nih an mah le an symbol thim khoh nak cu Vaupi ni 27 Zarhteni zanlei suimilam pahnih hnu in a si lai. 

Lairam chung Village Council thimnak cu Biangreithlep ni 8 Zing suimilam 7 in zanlei suimilam 4 tiang vote thlak caan on a si i, Vote relnak cu vote thlak caan khar a si le cangka in ngeih colh dingin timhtuah a si, Thimnak ngeih than a hau mi an um ah cun Biangrei ni 9 cawnnilini ah ngeih ding a si lai i, Vote thlak caan a dih le cangka in Vote rel a si thiam thiam lai. Hi pinah hin Biangreithla ni 14 hlan hrim hrim ah Khuabawi ding le a tuanpi ding hna hi fiang dingin ruah a si. 

Lairam chungah hin Village Council 95 a um i, Seat dihlak hi 469 si in, Nu hrangah 95 chiahpiak a si. Khuabawi thimnak he ai pehtlai mi vialte cu Biangreithlep ni 17 ah lim dih dingin tiamhtuah a si.