Lairam ah Rial a tla i Inn le lo tam ngai a hrawh.

Lairam ah Rial a tla i Inn le lo tam ngai a hrawh.


Tulio ruahsur le thlitu nih Lairam ah inn le lo tam ngai a hrawh tiah thawng kan theih, Tuzarh chung ruahsur nih thlitu le rial a kenchih lengmang ruangah Lairam khua cheukhat ah cun Rial tla a tam i an ngan fawn caah Inn le lo a rawk mi zong tam ngai an um hna tiah kan theih, Hmundang zongah ruah a sur in Thlitu le rial nih a zulh nain, a tam bik Rial a tlak nak cu Sangau le a kiangkap khua hna an si tiah kan theih, Ceural, Sangau, Thaltlang le Pangkhua cu Rial tam bik a tlak nak khua hna an si i, inn le lo zong a hrawh hna.


Hi thawngpang an theih le cangka in Central Young Lai Association Disaster Management hna cu hi Rial a tlak nak khua hna hi an phan colh i Cozah lei ah bawmhnak hal piak dingin an i timhtuah colh. Rial nih inn le lo a hrawhnak tambik cu Inn dir zat he tuak chih in Ceural le Thatlang khua hna an si, Cozah lei zongin Disaster Management team cu hi khua hna hi an phan cang hna i zohfelnak an ngei cang hna. hi pinah hin an khuachung YLA Branch cio hna sinah Inn le lo rawk zat le thilri a rawk mi zat report pe dingin chimh an si cang.


Zatuak in Lairam chung inn le lo a rawk mi vialte hi a rawh ning a fak deuh le a rawh ning a fak deuh lo he Inn 200 hrawng rawkin tuak a si i, Minung nunnak a liam mi bel an um lo.