Lawngtlai ah Car pakhat, Bike 2 le Scooty 2 duah piak an si.

Lawngtlai ah Car pakhat, Bike 2 le Scooty 2 duah piak an si. 

Vaupi ni 19 zantim deilei suimilam 1-2 kar hrawngah khan Lairam Khualipi Lawngtlai ah Car 1, Bike 2 le Scooty 2 cu duah an si i, tutiangah a duahtu hi hngalh a si rih lo, Vaupi ni 19 zan i Car , Bike le Scooty an duahnak hmun hi L-4 le Bazar Veng ramri umnak L-4 in Electrict veng lei kai nak lamphawk pawngte ah a si i, Car (i10 Magna), MZ 07 5134, Pu Vanlalhung L-4 ta, Karizma, Tlunga c/o Kanaan Teastall, L-4 ta, Scooty (Access), Pu Lalhuzau L-4 ta le Scooty (Wego) a ngeitu hngalh rih lo mi cu, a ho hngalh rih lo mi misual cheukhat nih an rak duah piak hna. hi an duah mi Bike le Scooty hna cu an ciam dih i, Car hi a hmai le le a engine pinah a hnulei seat zong a kang dih. Hi thil a can lio hrawng ah hin Lawngtlai Police Station kalnak pawng ah Pu. Maruat Royal Enfield zong duah piak a si i, tuah than khoh tilo ding tiangin a kang ve. 

Hi Motor le Bike an duah mi hna hi tuah sual mi silo in hramhram in duah mi si in a lang i, Tukum chungah Lairam Khualipi Lawngtlai ah hin Motor i duah piak hi voi 5 nak a si cang.