UMHAR CU A FAWI LO
UMHAR HI CU A FAWI LO
2. Sept. 2017 : Aizawl
The Phongpi Post ( ONP)
Cattialtu : Chan Thawng Ling ( Vapual)
I'm
Lai tlang in Aizawl, Mizoram ka phanh nak zarh khat leng asi cang, herh baumi tete tuah awk tuah lio ahcun lungre hna athei , tha hoi abaa ngai i lungleen manh asi lo, tuchun bel te cu zarhte ni sikaw kai manh ngai ka hei i ti i , innah kaa benh, ka fale he,... khua alum tuk i rawl ei dih hnu pi ah kaa kholh, tlawmpal ah ka thlan a tla tthan, inn leeng chuah ngam asii lo caah mileng khaan ah Tthingtthang mekkazin , Muko mekkazin, CACC mekkazin pawl ka reel pah in ka rak ngu diam ai, suimilam acheu hnu hrawng ah inn kaa an rak kingh i kaa hlau, Lai tlang rim ka nam rih caah si dawh asi , ka mang ah Hakha le Thantlang ah ka hawi le he zei le zei dik kan hei tuah ti ka manh cuh.
Mileeng an ttin dih cun khua ka ruat, keimah pi lawng cu, ka fale online an tthu hna i inn cung ah an um dih, maw umhar...maw um har ...chawnh awk le biaruah awk an um lo i Laitlang ka um lio khi ka ruat, zei te cu ka si lo nain an hei ka siaherh i seminer te hna, khawmpi te hna i an hei ka sawm mi ka ruahah kaa lung hmuih tuk hringhran, ka bia le ka hla te hna an hei ka sunsak piak i an hei ka niih piak le an hei ka conglomh tawnmi tehna ka ruat i ka va ilungsi ngai, keimah lawng ka mirh..lung cu ahmui bak."Duak" ..tiah ka ruahnaak apial sual i mirh cu chim hlah ka mitthli aha...Ka Nu le Ka Pa kha rak nung rih hna sehlaw zei tin dah an hei ka tii hnga, an i zumh bak lai lo, ziah Thawng Thawng na ngakchiat lio ah mi hrut hna chet , holh aa pei na rak sii ko kha, atu ahcun mi nih khua an hngal i mikel sakel ah ruatin hi bantuk hna ah an hei in sawm ve.. sawmtlaak ah maw an in chiah cang an hei ka tiii hnga, mi thi kan Nu zong cu ta... hei nung ve rih sehlaw ti hna ka ruat ...ummmmm ...afawi lo, hi ti hin cun mithi ruang i a tla ti lo mi ka mitthli atlaa tthan lai ti ka phaang i khua dang dang ruah kai zuam, hi lei hi cu zaa riamruam seh ka ti.
Hakha Thantlang i hawikom pawl he zei zei dawrah kan va tthut nak poh i kan niih bik naak tawn ka ruat, ka hmaikaa i Kawl holh an telh poh i an hei ka zoh,... zei tin hmanh cun ka ti hna lo na in an mah tu i phuhrung ngai in an hei niih tawn ning te hna,an i raalrin poh le an tlau chin rua ti awk in, Lai holh a ngeitu bik anhei ka lawh ter cuh, an mah le an mah
Kawl holh an telh le telh lo an hei ibawh, an telh mi an hun i tlaih piak le caangkaa khah.. na telh khah kaan MIH an hei i ti i, MIH zong cu Kawl holh ah an reel ti lo maw zei dik.An i hngalh lo kar ah Kawl holh an telh mi kha keinih le ka char khawh tuk ttung i, na pawng ahcun holh lo law law attha lai ati mi zong an um hoi aii, kan i nuam tak tak hna, hawi kom kan i ngai fam, capo va saih sawh sawh naakcun kan caah a ttha hnem deuh suaumau ka ti i, ka lung thli te cun kaa lung hmuih ngai. Kawl holh ahua mi tu khi an ka lawh ter, neemmaam....Kawl holh cu ka philh ngai cang i thiam tthan ka duh tuk, nain kan holh te i kan neih ve ko mi holh dang va cawh theng khi ka uar lo mi cu a si ....Pi Suhkyi he kai tahchunh ka ti nak a si lo...DVB chanel khi ka zoh tawn i, khi tluk Mirang holh a thiam mi nih khin Kawl holh i bia achim ah Mirang holh a telh bak lo, Kawl holh i a um lo mi cu phun dang.cun Kawl biaruahnak poh ahle ..pai cutmat in Miraang holh asi kho na lo ii an telh ning ka zohah Lai minih Kawl holh ka cawh uartlukte in pei Miraang holh an uar ve hi ka hei ti....asi nain an kan tei...vawleicung holh an telh leen lioah vawleicung siifaakbik ram antimi Kawlram ah aum i miphun pakhat holh ceo asimi Kawl holh tu ningzah hngalh lo i kan telh duh le uar hi cu...mitheih hngan lo te ...ningzak cu kan si eh...Kawl hman nih ဖေရာ္ ဘေလမ္ ( problems) tiah Miraang holh an telh lio ah kan nih nihle harnak heiti ko lo cun ျပသနာ kan hei tii rih cuh...ka ruah ka ruah ahhin chun niliinsalingah keimah lawngpi ka ningzah ka celh lo cuh...kei micalbo le arsik tam ttheo cu...
Ka khua ruahnih ramleeng ahun naih deuhdeuh...ramdang lei kong ka ruat..ram 3 nak lei i arak tlung mi cu tam hna kaw, vok , caw, naa ni celh hna lo, an Pi le an Pu cio cu ar thin tuh hna kaw...ram 3 nak i atlung ttung mi arthin tuh awk anei lo mi hna cu zaangfaak an si ti usihlaw azoh achia men hnga...ka ti tthan duh lai lo.....rawl ei lai le ih lai tali thlacam bal lo bang zapi vasawmi thlacam theng atimi nih le....an um leen...vok, caw , naa zaangfaak tuk an si, an duh le vok thin, caw thin , naa thin cu tuh ko hna seh, amin cu ar anput ter ttung...lam ka leen nak ah mi bia an iruah mi ka theih mi cu..." ka pi ar thin an tuh hnek i naa kan kawl ko hih" an ti ...aw ar thin cu naa nih maw ai tlik pi hnga tiah ahngal lo mi nih cun an ruah men nga...arthin an tuh mi nih le siapi( Kutpi) tia hmanh a ei hnga maw? mi dang tu nih khim lak in an i ei hnu ah sa hlei an heivuang an i ttin pi rih hoi...ummmmm............
Thlacamnak tuah piak zong cu a tam, thlachiat ruah ruang i manh na lo i a va chuak mi zong cu veizat an si lai, hmai khah lo i aa hne mi zong cu an um leen lai, chungttuantu cazongah chungttuan ai peh tuk cang cun azai pah mi zong an um lai lo ti chim khawh a si lo, minung tam deuh an chuah poh le an thlacam Pathian nih a ngaih khun rua, a tlawm deuh le a ngai lo ..ti lei i a ruat mi zong cu um ve dawh an si, thlacam kar ah thlacam tu ngai lo in buh le sa kan i zaa hnga maw ti i alungre athei mi inn ngei tu zong cu an um ko lai dah, mah le Pathian kar i tuah ko ding mi, midang nihlawh kan thlau ter mi hna ruah ah apaam tuk ka ti,arak chuak kho lomi pawl nih le zarhpini pumhchuah ah bia chalh an hei ihuah rih..."Mah hna inn vialah na kal...kan nihcu zei ah na kan rel lo...kan i zoh cio lai cu" ti an i huah rih...dawtnak lei biathlaam cu asi rua lai lo dah.
A hmunhma nih a ngeih i a si lai dah ka ti, Aizawl i lakphak ti a ding duh lo mi keimeh te hmanh nih zing tuan te thawh i lakphakti dawr i va kal khi ka huam ngai cuh, lakphakti a ding tuk lo mi hraat cu hawi ka lo bak lo, hawi nih CHU PAWH le puri PUAI 1 ti i an i cah lio ah kei cu , A kel ( PUNG HMAAN) le puri kheng 1 te ka hei i cah ve tawn, i thiim lai asii lo caah maw a sii hnga Radio he lakphakti dawr i akal mi hmuh awk an um ti lo, khua an hngal i ka lakphakti man kan in SHYIN piak lai an tii leen na in ka duh bal lo, nan duh le ka liam piak uh ka hei ti tawn hna,lakphakti kan diin cuahmah lio pi ahcun inn hmai ah zuri tangvalpa nih tarnu te khan cycle in ahun pah komi cu a တုိက္..a တိုက္ an ti i ahun zuan hnawh colh i si inn ii tlikpi ko lo cun... sizung lei tu ahcun an va tlik pi cuh....ဆရာဝန္ te nih zei tindik an hei "ကု" hnga ti cu ေသေသ ခ်ာခ်ာ in kei nih cun ka chim kho bak lo.
Khah a sau cang...ka peh tthan te lai cu...a rel mi cung ah kai lawm.
Vapual.
Comments