LAWNGTLAIAH Khawipi thiang bik I zuamnak ah timhtuahnak an ngeih mi zohtthannak an ngei.

    LAWNGTLAIAH Khawipi thiang bik I zuamnak ah timhtuahnak an ngeih mi zohtthannak an ngei.

The Phongpi Post (ONP)

Lawngtlai

Hniang ni 30 ah khan  Lawngtlai District Sanitation Task Force cu an Chairman, DC Pu N. Chakhai MCS hovin DC Conference Hall-ah an thu i. Mizoram Khawpi Thiang I zuamnak  2018 Hrang I an timhtuahnak zohtthannak an ngei.

 

Hi zohtthannak caan ah hin I zuamnak ding I mawhphurhnak a ngei mi cio hna le meeting an rak ngeih hmasak lio I tuah ding mi ah an chiah mi hna pehzulh a si dan hna zohtthannak an ngei I, Satil chuah lo dingin le Ui le Ar hren nak ding Order cu District Magistrate min in chuahter a si cang nak kong le pehzulh lengmang a si nak kong zong langhter a si I, Mah in l;e a pawngkam zohfel le thianhlimnak kong zongah Khrihfabuu le VC cio sinah theihter an si cang I, Mah le veng chung cio ah tlangrian zong ttuan cuahmah lio a si cang. Horkuang thianhlimh nak kong zong ttuan cuahmah lio a si I, Thianhlimnak lei ah cawnpiaknak zong kalpi cuahmah lio a si nak kong report pek a si.  

 

Hi zohtthannak caan ah hin Hmalak nak cang sa cu pehzulh lengmang sisehlaw ti a si pinah hmalak chap a herh nak zawn hna zong chim chap a si I, Khawpi thiang si thai lengmang dingin kumtluan in timhlamhnak ngeih siseh ti a si. 

Hi zohtthannak ah hin LADC- EM i/c LAD Pu H. Chhuanawm pinah Member dang hna le, Official le VC pinah Zatlaang buu aia awh hna na chuak kho,  Meeting a dih hnu ah hin UD&PA in hnawmbawm le a chiah nak pinah thianh;imnak lei cawnpiaknak casual  hna cu Office, Motor dirnak le aherhnak hmun paoh ah chiah dingin phawt cio a nsi.   HHnawmbawm hi a dawng te in 300 leng sem a si.