Duh dawtmi he hmunkhat/khuakhat lengtti khawlo mi hna caah......
Duh dawtmi he hmunkhat/khuakhat lengtti khawlo mi hna caah......
---------------------------------------
Cattialtu : Lucy Hranglung
Ka dawt
Tu ah cun nang le kei cu tlang le ruam nih kan umnak a kan tthen rih.
Nangmah pawngkam i um ka duhning hi zeitin dah chim kaa awt lai ti hmanh ka thei lo. Nain Pathian nih a ka umter zau lai.
Lam hlattuk ttang in na ka dawtmi hi a hartuk lai ti ka theih. A caan ah cun kan saduhthah hna a tlamtling lo ding khi a lo ko lai. Cu caah cun ngaihchiatcan le lungdongh caan ah na theih dingmi tlawmpal te chimh kan duh.
Pakhatnak ah cun, zeitluk in dah na zawn ka ruah timi hi na theih peng ka duh. Kan karlak ah miles tampi um hmanh seh law, 'na ni a ttha maw?' , 'na mitkuh a thaw maw?' timi hi kan hal peng lai, na ni a tthat lo caan le na zawt caan ah phone in kan chonh peng lai, ca ttial kan kuat peng lai. A biapi bikmi thlacamnak in kan bomh peng lai. A ruang cu hlim le lawm te i na um hi keimah caah cun a nuam bikmi a si. Kan karlak cu zeizat paoh in vai hlat ko seh, ka lungthin ah cun na ka riah hnawh peng ko. Tha nuam lunglawm in umpeng ti kan duh.
Nifatin te in na pawng ah khuasak tti ka duh. Rawlei caan ah nangmah he cabuai khat ah tthut tti ka duh. Rianttuan na ttin caan ah hmaipanh te in rak in don le rak in lomh ka duh. Zarh dih lai (Weekend) ah thawchuah i lentti le Pathian ni ah na ban i tlaih bu in Biak In kal ka duh. Tu ah cun a si thiam rih lo i, Pathian nih ka duh thlacamnak ka ngaihpiak hram seh.
Pahnihnak ah cun, keimah ca zong hin zeitluk in dah nangmah hlat i um a har hi rak thei ve law ka duh rih. Lunglawmhnak ka ton caan ah a hmaisa bik i chimh ka duhmi cu nangmah na si. Phone cun kan chimh zungzal ko, natein a tak tak in na pawng ah in chim ninglaw zeitluk in dah kaa lawmhnak le hlimnak khi a va tam chin hnga! Cun, ngaihchiatnak le lungretheih ka ton caan ah kan hlam a zual. Phone in thlacamnak he na ka dirpi ko bu hin mu ka dawt , ka haw takmi cu fekte in ka kup law, na ttangnem ah ka pom law, "zeizong vialte a tlamtling ko lai, ka dawt" na ti lai khi a si.
Pathumnak cun, zângfahnak in ka dawt, ka ttihzah tukmi na si ti hi ka philhpiak hlah mu. Lamhla in aa duhmi tampi an i tthennak cu pakhat khat zumhtlak lo in an um tawn ruang ah le an i theihthiam tawn lo caah a si. Nain keicu mah ti cun ka um ve lai lo. Nangcu ka caah thimmi na si, Pathian a ka pekmi na sinak hi mi vialte nakin na ka theihthiam tukmi le ka duhning na theih tukmi nih hin a fianter. Ho he hmanh tahchunh zong kan siang lo. Nangmah lawng lawng ka duhmi na si i, ho dang hmanh ka duh ti lai lo. Zeitluk in lam i hlat rih hmanh ning law ka caah zumhawktlak in na um bantuk hin na caah zumhawktlak in ka rak um peng ve lai.
Palinak le a donghnak ah cun, umnak aa khat lo ruang i harnak kan tonmi le kan i ngaihnak vialte zong hi a sunglawi tthiam tthiam khin ka theih. Ka duh ning in kan hmu tam kho lo in kan chawn tam kho rih lo nain, na mui phone chung in kan hmuh le na aw ka theih chêl hi cun ka lungthin hi hlimnak le lawmnak khin a khat ko. Zeitik dah kan i tawn ni Bawipa nih a chuahter ve te lai ti hi nifatin bak hin ni le caan ka rêl i, cu nih cun lamhla bu i kan i dawtnak hi zeitluk in dah a fek le a sunglawi ti hi a ka theihter tthan tawn. Nangmah co thai lo in um nakcha cun na aw theih le na muithlam hmuh khawhnak a si cun lamhla um zong hi poi ka ti lai lo. Ka nunnak ah hin hlimnak tampi na chap i, ka mitthli tampi na ka hnawhpiak. Nikhat khat cu kan um tti lai i, Khrih chungkhar kan dirh ve tik ah cun a tu kan tuanbia hna hi kan cuan/khirh tti tthan lai i, i ngaihnak le harnak kan rak in ttimi vialte nih hin lunglawmhnak tlamtling an kan pek hrim hrim te lai. A ruang cu a dongnak i laksawng kan hmuh dingmi cu nangmah pawngkam i ka um, nang ka pawngkam i na um a si te lai i, thinfual lungsau te'n mu ka dawt.
Bawipa nih caan ttha an kan pek lai. kan i tong zau lai. Ka ngeih tak tak!
----------------------------------------
---------------------------------------
Cattialtu : Lucy Hranglung
Ka dawt
Tu ah cun nang le kei cu tlang le ruam nih kan umnak a kan tthen rih.
Nangmah pawngkam i um ka duhning hi zeitin dah chim kaa awt lai ti hmanh ka thei lo. Nain Pathian nih a ka umter zau lai.
Lam hlattuk ttang in na ka dawtmi hi a hartuk lai ti ka theih. A caan ah cun kan saduhthah hna a tlamtling lo ding khi a lo ko lai. Cu caah cun ngaihchiatcan le lungdongh caan ah na theih dingmi tlawmpal te chimh kan duh.
Pakhatnak ah cun, zeitluk in dah na zawn ka ruah timi hi na theih peng ka duh. Kan karlak ah miles tampi um hmanh seh law, 'na ni a ttha maw?' , 'na mitkuh a thaw maw?' timi hi kan hal peng lai, na ni a tthat lo caan le na zawt caan ah phone in kan chonh peng lai, ca ttial kan kuat peng lai. A biapi bikmi thlacamnak in kan bomh peng lai. A ruang cu hlim le lawm te i na um hi keimah caah cun a nuam bikmi a si. Kan karlak cu zeizat paoh in vai hlat ko seh, ka lungthin ah cun na ka riah hnawh peng ko. Tha nuam lunglawm in umpeng ti kan duh.
Nifatin te in na pawng ah khuasak tti ka duh. Rawlei caan ah nangmah he cabuai khat ah tthut tti ka duh. Rianttuan na ttin caan ah hmaipanh te in rak in don le rak in lomh ka duh. Zarh dih lai (Weekend) ah thawchuah i lentti le Pathian ni ah na ban i tlaih bu in Biak In kal ka duh. Tu ah cun a si thiam rih lo i, Pathian nih ka duh thlacamnak ka ngaihpiak hram seh.
Pahnihnak ah cun, keimah ca zong hin zeitluk in dah nangmah hlat i um a har hi rak thei ve law ka duh rih. Lunglawmhnak ka ton caan ah a hmaisa bik i chimh ka duhmi cu nangmah na si. Phone cun kan chimh zungzal ko, natein a tak tak in na pawng ah in chim ninglaw zeitluk in dah kaa lawmhnak le hlimnak khi a va tam chin hnga! Cun, ngaihchiatnak le lungretheih ka ton caan ah kan hlam a zual. Phone in thlacamnak he na ka dirpi ko bu hin mu ka dawt , ka haw takmi cu fekte in ka kup law, na ttangnem ah ka pom law, "zeizong vialte a tlamtling ko lai, ka dawt" na ti lai khi a si.
Pathumnak cun, zângfahnak in ka dawt, ka ttihzah tukmi na si ti hi ka philhpiak hlah mu. Lamhla in aa duhmi tampi an i tthennak cu pakhat khat zumhtlak lo in an um tawn ruang ah le an i theihthiam tawn lo caah a si. Nain keicu mah ti cun ka um ve lai lo. Nangcu ka caah thimmi na si, Pathian a ka pekmi na sinak hi mi vialte nakin na ka theihthiam tukmi le ka duhning na theih tukmi nih hin a fianter. Ho he hmanh tahchunh zong kan siang lo. Nangmah lawng lawng ka duhmi na si i, ho dang hmanh ka duh ti lai lo. Zeitluk in lam i hlat rih hmanh ning law ka caah zumhawktlak in na um bantuk hin na caah zumhawktlak in ka rak um peng ve lai.
Palinak le a donghnak ah cun, umnak aa khat lo ruang i harnak kan tonmi le kan i ngaihnak vialte zong hi a sunglawi tthiam tthiam khin ka theih. Ka duh ning in kan hmu tam kho lo in kan chawn tam kho rih lo nain, na mui phone chung in kan hmuh le na aw ka theih chêl hi cun ka lungthin hi hlimnak le lawmnak khin a khat ko. Zeitik dah kan i tawn ni Bawipa nih a chuahter ve te lai ti hi nifatin bak hin ni le caan ka rêl i, cu nih cun lamhla bu i kan i dawtnak hi zeitluk in dah a fek le a sunglawi ti hi a ka theihter tthan tawn. Nangmah co thai lo in um nakcha cun na aw theih le na muithlam hmuh khawhnak a si cun lamhla um zong hi poi ka ti lai lo. Ka nunnak ah hin hlimnak tampi na chap i, ka mitthli tampi na ka hnawhpiak. Nikhat khat cu kan um tti lai i, Khrih chungkhar kan dirh ve tik ah cun a tu kan tuanbia hna hi kan cuan/khirh tti tthan lai i, i ngaihnak le harnak kan rak in ttimi vialte nih hin lunglawmhnak tlamtling an kan pek hrim hrim te lai. A ruang cu a dongnak i laksawng kan hmuh dingmi cu nangmah pawngkam i ka um, nang ka pawngkam i na um a si te lai i, thinfual lungsau te'n mu ka dawt.
Bawipa nih caan ttha an kan pek lai. kan i tong zau lai. Ka ngeih tak tak!
----------------------------------------
Comments