CHOKHLEI KUT 2018 Zohtthannak ngeih a si.

The Phongpi Post (ONP)

Lawngtlai  

Hniah ni 27 ah khan  March ni 8 & 9, 2018-ah Lawngtlai District chung i Sentetfiang khuaah a voikhatnak bik rak tuah mi  Chokhlei Kut (Rhododendron Festival) 2018 hman dan cu Lawngtlai Bawrhsap Pu N. Chakhai MCS ho in Lawngtlai DC Conference Hall-ah zohtthannak an ngei..

 

Hi caan hmannak ah hin LADC-i Agriculture cangtu Executive Member Pu C. Sangchhung pinah, state le LADC official hna, CYLA le zatlaang buu dang ai awh hna an chuak kho.. Chokhlei Kut hmannak dingin tangka lut mi le hman mi langhternak  (statement) cu zohtthannak ngeih si in chungtel a chuak kho mi hna nih an theihfian lo mi ah biahalnak zong ngei in bialehnak zong pek an si. Hi hnu ah hin Chokhlei Kut  tuah a si nak le a konglam hna chim caih tthan si in, chungtel a chuak kho mi hna nih cun a hlawhtling ngai siin an hngalh I, kumdang zongah tuah tthan lengmang tlak a si nak zong an chim chap. Sunglawi le tlamtling deuhin tuah tthan a si khoh nak hnga DC Chairman-nak tangah  organising committee nih timhtuahnak ngei ti lo in LADC cu a tawhtlaitu bik si cang sehlaw ti ah bia an chah. Cubantuk in thil a si khoh nak hnga LADC  nawl ngeitu hna sin zongah theihter si she tiah bia an chah.

 

Chokhlei Kut hi chhawkhlei par humhhak I sunlawih chin lengmang a sikhoh nak hnga le Ramleng in khualtlung hna nih a hawnhnawh chan ding in timhtuah mi a si, chokhleipar a en saling lio , March ni 8 & 9, 2018 khan Phawngpui tlang bulthut  Sentetfiang khuaah a voikhatnak dingin tuah a rak si. . He Kut timhtuah nak ah hin  LADC le state sawrkar department hrang hrangin Rs 3,49,000/- an thawh i. NECatangin Rs nuai 4 hal si in , 1st installment-ah Rs nuai 3 hmuh a si cang i, Rs nuai 1 dang beisei lio a si. Hi Kut senso I hman dingah hin tu tiangah  Rs 5,93,400/- hman a si cang.