LAWNGTLAIAH NATIONAL VOTERS' DAY 2019 HMAN A SI

LAWNGTLAIAH NATIONAL VOTERS' DAY 2019 HMAN A SI

Dated : Lawngtlai, the 26-January-2019

Phongpi (ONP)

January ni 25,kum  2019: ah  khan National Voters' Day (NVD) vawi 9-nak cu Lawngtlai DC Conference Hall-ah District Election Officer, Lawngtlai DC a si fawn mi Pu N. Chakhai MCS hovin hman a si.

DC nih cun India ram cu mipi Uknak (democracy) ram siin, khua le ti sinak a ngei mi  kum 18 tling mi nih an duhmi an thim in an langhter khohnak ram a si i, kan va a tha tuka  sti i, Vote thlak hi kan rian le kan mawhphurhnak a si timi chim in mipi nih zalong te in kan duh kan thim mi hi Cozah tha ser nak ding ah a herh ngai mi a si i, raltha tein Vote kan thlak ding zong a si, a ti. 

Hi caan hmanak hi Sub-Deputy Commissioner Pu Vabeimozachhi Chozah MCS nih caan a hruai i, Report pek nak caan ngeih a si hnu ah , NVD biakamhnak chim rual a si i. Chief Electoral Officer biachah rel nak ngeih a si pinah , ERO Pu R. Lalremsang MCS, DRDA Project Director le political party hna sin in biachimnak ngeih a si fawn.

Hi ni i Lawngtlai i National Voters Day hmannak ah hin official le District Election staff-hna, political party ai awh cio le Zatlangbu aiawh LSA, CYLA le Govt Region Higher Secondary School-i Class-XII sianghakchia hna an i tel kho. Mizoram MLA thimnak  2018 i Mizoram pumah Presiding Officer (PRO) ṭha bik ah Lawngtlai District- mi KVK Programme Assistant Pu Jonathan Lalrinlian thim a si.  

Special Summary Revision 2019-i a langh ningah cun tu dirhmun ah Lawngtlai District chungah voter Sangriat zahnih sawmnga  an um lio i, vote ngei mi vialte nih hin Electors Photo Identity Card (EPIC) an ngeih dih fawn.