DÂWTNAK AITTEK

A chhiar huam mi paoh paoh hrangah......👇
*(a tlamtlin lo nak le nan duhkhop lo nak um cun sawisel khawh a si)*   Khah...!!!!👇👇👇


*DÂWTNAK AITTEK*


20. Tho. 2017


Ttial tu:- Van Lal Dawt Hlondo

         Kum Thawnghnih le Hleisarih(2017),   Thothla mui kan hmu liau. Zânriah rawl kheng tte lawng hnaah ring ko, Lengah ka hei chuak, khuasik thli te cu kik nawn te in a hung hrâng. Thlikik ah 'Bawi Krih Chuah caan kan phak deng cang mu' ti rim te Thothlaah cun a vun i fawnh. Cu khuasik thli nih cun Bia tampi ka theihter len ko hmanh selaw, i chem ter peng cu, 'kei Mau rawp hmanh tluk lo mi nih hin, *Far Bo* i Far kung bangin ka tuar khoh kai ring ruam loh' Si loh ma? *Saron Veng Dingdi*

      Cuti Thlikik Ngamh lo Valpa cu, Nausem bangin Ângki lum i aih in, Inn khân chung lum lei cu ka hei panh. Tuah ding theih loh ah,  ka Cellphone (Karnbonn) cu Nu le Pa Chawmhlawm kutpi cun a thlalang(glass) cu ka hei nam tthial len liau ah cun, Nambar ka theih ballo mi nih,

*"Hniangpi, na dam maw? Dawtte ka sile. Mahi ka Number thar awh" * a vun ka chawnh. Ka hei rel, a min ka hei theih tik ah ka Ca rel cu nalh ngai khin ka hei hmuh. Dâwtte a min ttial ning ka hmuh cun zeiti maw dek khin ka cellphone thlalangah cun nalh ngai le rem ngai phun khin ka hei hmuh. Ma cu zân rawl ka ei cu, Rawlbe hram ka tthut lo cu ka Pu Hmun  vantthat ah ka ruah🙊.

     Rawl ei khim, Nâzi pasarih leh a cheu ah(7:30) cun, ka Dâwtte he cun Maivam(internet) ttangin Biazai phaiin, Duhmang le Dardin kan hai loh. Lunglawm le thanuam te ii biacah(message) kan i thenh liau ah cun, vawlei cung i phorh har le ka Nunchan ii tawn ka ttih cem mi Biacah(message) cu duk tiah a vun lang. *"Hniangpi,. Mahi bia ka chim hi, a chimtu le ttialtu si hlah ning law ti ka duh. Natein kei mahtu nih kân chim lo cun ka sia a rem ruam loh, Nang he Dawtnak Lawng kan thai tti kho ti lo ding hi pawi ka ti. Ka thei thiam hram awwwhh".* Vawlei pumpuluk chungah Cafang dawh lo cem le Biacah muichia cem mi a si lai ka Lungthinah. Dâwtte Cattial he cun â lo loh vun tiah a ka kuatu leh a ttialtu cem a si ttung.

      A Biacah(message) nih cun ka Cellphone cu a hrawk ruam lo nâin, Lai Valpa Lungthin a chhunh tuk hrin hran ko e.(Minung Dâwtnak Lungthin hi Biafang kamkhat nih fahnak Rilipi ah a rak thlak khoh si hi tah. A tuar fak deuh mi hna caah le bang cun zawtnak hripi si ttung) *Si ko loh ma, Fingrei?*

      (Kei bang Dawtnak hri kai tuan mi caah cu, a tuar fâk cem bik ka si hrim lai).
       A mah ruang ii Zânriah khimpi ka hei ei mi hna zawng,  a Biacah ka hei hmuh tikah 'Luak pet hna ka hei duh' setlam. Zeiti tlukin dah a Biacah(message) biafang(word) pathum le parukte nih hin a ka fahterin ka thinlung hi a ttêm(reh) ning hi a thei ve ngha dek maw?
Theiin, ka Thinlung tuarzia hi a nêp cuang ngha dek maw?.

  'Safê nih hnakhaw chung ii mi a seh hna, Tikawr an hei tawih ii a Safê a thih hnu ii, a Lu belte a tân ii a fah peng bantuk hin'. Dâwtte Nang nih cun na thinlungah na ka luhpi ii, Kum tampi na ka Uam hnuah Biafang Pathum pali te lawng lawng in ka Lungthin cu na hei tthâwl hawi ttung.

  Nain, ka Lungthin ruahnak nih cun an philh kho ttung loh. Fâk tiin a tuartu ah a ttang tung..

Hlânah cun, *'Ho hmanh nih kan pahnih dâwtnak hi an hrâwkin  kan pahnihtu zawng nih ho an tello tih kan philh loh, kan i karah. Dâwtu ngeilo ii nunchan hman na zuam lo bangin keitu zawng nih ka zuam hrim hrim lo. Bia zeidah kan rak i tthenh ngha, Belo maw rak si ne ngha i tu kan zûn hi!*

*Aho hmanh nih a kan tthen kho lai loh.*
*Aho ah kan mah aa tello kan philh.*
*Dâwtu ngeilo ii Nun kan ttih ruang sawh ah,*
*Bia zei maw kan tuh.*
*Biatak a si lo;*
*Lungfah tu kan Zûn.*

  Ka liang cungte ii dîn nawn te ii na khabe na vun hun liau hna, Na kut nemte ii ka Zaktang te ah din nawn tein vun purh butein na kutte cu rual nawn tein na vun peh ii, tha nei lo bang hrimin na vun ka kuh pah te ii, *Pangkhua Behthel Tlang* cu na mit dawrzâw ngai mite cun hei zoh butein, *"ka Tta, Bethel Tlang khi zungzal a hmun bang khin. Kan dâwtnak hi Zungzalin a hmun peng lai"* tiah biakam a vun khiah.. Cu tluk khâ caan kan i lawmh le thanuamh ning kha(h).

  Dâwtte na Biakam caan ii ka ângki kâ hruk mi hna zawng kha sûk rih lo tein a um peng ko, na hun ka kuhnak ii na Zihmui(perfume) rim hna zawng zei rim hmanh nih a that rih loh, a rim siningte a pu peng rih ko. Cû tikah, hi Bia *'Dâwtnak zûn'* cu na chah ne ttung!

 *Bethel Tlang* khi ai Tthialin *Râlven Vâ* taw ah maw a um ne.?!

 Peh nawlh ding........

Comments