Chokhlei Kuut 2019 Organizing committe ngeih a si

Chokhlei Kuut 2019 Organizing committe ngeih a si.


Nihawng ni 4 kum 2019 cawnnikhatni ah khan Chief Executive Member Conference Hall ah LADC CEM Pu. T. Zakung hruainak in Chokhlei kut Organising committe ngeih a si, Hi meetingah hin LADC Cozah i depeartment lutlai hna le Zatlaangbuu ai awh in CYLA, LSA le LWA hna an i tel kho tiah thawng kan theih. Hi Meeting nih khua an khan ningah cun Chokhlei kut kum 2019 cu MARCH ni 6 in ni 7 tiang Phongpitlang tang Sentetfiang khua ah ngeih siseh tiah bia an chah i, hi lio caan hrawng an ruat nak hi Phongtlangah Chokhlei a enn sa lin lio zong a si fawn.



Chohlei kut ah hin Khuallian ah Mizoram Governor cu sawm a si lai i, Khual zahkai ah Lawngtlai East bialtu MLA Pu. H. Biakzau zong sawm a si lai, Lai lam le lainunphung a tam khoh chungin hmuhsak le langhter a si lai i, Lairam chung hlasak thiam le Lailam hna zong zoh ding an um lai.
March ni 6 in ni 7 tiang tuah ding mi Chokhlei kutah hin Chokhlei Miss le Chokhlei Mister hna thim an si than lai i Chokhlei Idol zong tuah than a si lai pinah Lai pupa zuamcelhnak a phun phun Lai Paih, Sukhal nawr hna zong a um lai tiah kan theih. Chokhlei kut hi a voihnih an tuahnak ding a si lai i, a voikhatnak cu Sentetfiang khua thiam thiam ah hin kum 2018 ah khan rak tuah a si. Chokhlei kut hi a voikhatnak kha cu Mizoram cozah Lawngtlai DC hruainak in tuah a si i, tu a voihnihnak hi cu Lairam cozah LADC CEM hruainak in tuah a si lai.



Chokhlei kut tuah nak dingah hin NEC tangin tangka a um lai pinah Mizoram cozah dept le LADC Cozah dept kip nih an thawh cio lai tiah thawng kan theih fawn. Chokhlei kut a tlamtlin khoh nak ding caah hin LADC cozah Dept le Zatlaang buu CYLA, LSA le LWA hna in Sub-Committe tam ngai dirh an si i, March ni 6 hlan ah an mah le an rian cio tlamtling te in lim dingin timhtuahnak an ngei cuahmah lio.

Comments