NUNGAK TLANGVAL KARLAK I TTHENNAK DAH NGAI HI
NUNGAK TLANGVAL KARLAK I TTHENNAK DAH NGAI HI A...
-Lucy Hranglung
++++++++++++++++++
A fak, um si a vang, inn khawh lo in a har, a fawi lo. A dawtmi he an i duh lio cuahmah ko bu i tthennak biachim cu a har a ti bak ko. Amah he cun nungak tlangval karlak i dawtnak i hrawm cu a rem ti lo na in, a lungthin le a sining nih amah hlei ho hmanh a daw kho ti lai lo. Amah cung ah dawtnak a rak pekmi ruang ah amah kha a hua lo, anih zong nih a hua fawn lo, a dawtmi a si ve ko. A mitthli a luang, dor khat hnu dor khat in, a hnawh chih, a luang rih, a hnawt cawk lo.
I tthennak bia a khiah lio ah khan pakhat le pakhat i theihthiam lo ruang ah maw, i uah ruang ah maw, an tlamtlin lonak le palhnak i ngaihthiam duhlo ruang ah a si lo. Cun, i sica lo in le a dawt santlaihlonak a hmuh ruang ah maw, nun paltti a ngamh lo ruang ah maw si lo in, an pahnih ca i a tthatnak bik in khua a ruah tik ah tthennak bia a khiahmi a si. A dawt cu a caah a sung tuk, aa bochantuk, a ttihzahtuk. A dawt caah amah tu cu a tling lo i, san a tlailo ruang ah a si. Nain a hlaan ah nifatin le zanchiar aa chawnmi, aa kawmmi, aa dawmi a dawt he i tthen cu um awk a thei ve lo. I tthen chawng ah cun a hnem khotu zong an um lai lo.
A ngaituk a dawt cu, a dawt zong nih a ngaih ve a hei i zumh ko. Nain i hua lo an si ko bu in i chawnh an i fahsak. Ngaihthiam hal an i nautat. An hawile an i rawlh lo, an i tthennak thawnpang an theih ah le an lau, an mit a ar, a ruang cu i remte le i daw te i lengtti mi an si ti kha an theih. An palh lo, hi hi thil umtu ning cu a si- zeihmanh khi an karlak ah buainak a rak um bal lo, i tu zong ah a um lo, an pahnih caah a tthabik lai tiah an i tthenmi an si caah i chawn lo in an um.
Mah bantuk i tthennak ah hin cun lungfahnak kha pakhat khat nih an rak ngei tawn, nain an i duh dawtnak thlam nih khan a rak phenh thlu dih tawn i an rak i chim bal lo. Lungfahnak cu a um ko hmeteh, nain an rak i nawmhnak le philh khawh lo ding caan an rak hmantti mi nih khan a rak phum thlu ruang ah an rak phuang lo a si ttheu lai.
A thiangmi i tthennak ah cun, kha vialte rak i dawtnak le rak i duhnak kha mitthep kar ah chah/donghter a si. Pakhat le pakhat i upat le i ttihzahtuk ruang ah bia herhlo le, hngakchia bia bantuk in i bia i el an hrial i a dawtmi nih cun a duhnak cu a rak pompiak ve. Phundang in ruah lo ah cun pakhat chang chang nih cun i pehtlaih tthan le dawtnak i lam hrawntti tthan an duh ko, na in mah le mah an i upatnak le an i uahnak nih chawnhbiak hmaisatu i um kha an i fahsak i, i lungsak an i nam. Nain mi pahnih karlak i a rak par ciami dawtnak nih cun hmun dang ka dang ah par a chuah kho hlei ti lo. An rak chim tawn bang in mi an dawt tak tak mi hna cu zeipaoh an karlak ah tlung hmanh seh law an ca i tthabik le thluachuah an hmuh kha an duhpiak peng hna. An i nawmhnak le an lunglawmhnak cu kan caah a biapi ve. Cu bantuk cu a dawt ca zong ah a duh ve ko, a ttahchuak bu zong in a dawt caah cun hmaipanh put aa zuam i lungnuam lo in um a sian lo ruang ah a lungfahnak cu khuh aa zuam. An pahnih in i dawt an i cim lo ti khi aa fiang ko dah kaw .
I dawt cuahmah lio i mah bantuk hrial awk ttha ttung lo in tthennak a chuah cu a caah cun khua a mui, a ruahnak a maw, an i zawnruahnak kha fawite in a lo tlau ding a si lo caah le, a lo bal lo ding lungthin i hmuhnak an rak ngeih cang ruang ah bia dawhlo le celh lo ding an i hmanpiak duh lo- aa dawmi an si cu teh.
Thinphang le lau in an i tthen fawn lo-nemte in bia an khiah.
I tthen ko zong ah hin thihnak ruang i tthennak dah ti lo ah cun, mah bantuk i tthen ko hi dah a fah cem hnga! Dawtnak Innka an on tti mi aa khar thlu kho lo , an karlak ah thilttawntokmi a tamtuk i an nunchung tuanbia ah an phoih thlu kho ti lai lo. An i zawnruahnak kha a dong kho lo i, an i dawtnak zong dongh aa zaal lo. Pakhat khat nih lungsaunak a chambau deuh ruang ah a si. A faak, pakhat khat nih khuaruat ko bu in i tthennak biachah a duhmi cu- a dawt nih (le amah dawtu) lungthin nih cun a ruahnak cu upatpiak a duh ruang ah a el ngam ve lo.
An pahnih caah i tthen cu rap foih bantuk i a fawimi cu a si lo ti a fiang. An pahnih in nun lam hrawntti cu an saduhthah a si peng, nain hrial khawh lomi sullam ruang ah dawtnak i hrawm cu a si thiam fawn lo. Hawikom ttha i pehtlaihnak pehzulh an duh, a herhmi i bawmchan u sih, aa lawmpi kan i lawmhpi lai, tiin bia an i cah, nain dawtnak tipi i khavial a rak pilpi mi le a tu zong ah a dawt a si pengmi minung cu midang sin i kal le midang a va dawtmi cu a hmu kho hoi lo. An karlak ah magnet bantuk in dawtnak thahri nih a dawh peng hna, cu bantuk in an chungkhat le kong dotthlat an i tthin kho lo, an ngandamnak zawn i ruahpiak an i ngeih chih. I tthen ah hin cu a tuar lomi le a lungleng lomi an um lai lo dah, tthennak bia chimtu le duhtu amah ca zong cun a fawi hlei lo.
A hohmanh nih an theih ve lomi a biathli hna theihpiak tawntu a rak si tik ah mit dang i bunh bu i a mit i zoh nolh cu a hartuk lai. Cu bantuk in an liamcia tuanbia cu a tlung bal lomi bantukin i theih lo ter cu thil si kho lo mi a si.
A min a theih hmanh ah a lung damter tawntu cu a min a theih zawn ah a tha a thir tertu ah aa cang, a lung a mihter.
A har. A fak. A dong!!
Hawikom i um cu fahnak men men. I huat le i chawnhlo cu nun ko bu i thihnak bantuk tthiam tthiam. A si ah cun, pical i zuam in hawikom ah um a ttha deuh lo maw? Dawtnak i hrawm kho ti hmanh hna hlah seh law, i pehtlaihnak le zawnruahnak an ngeihmi cu i tthen hram hlah seh!
-----------------------------------------------------------------------
-Lucy Hranglung
++++++++++++++++++
A fak, um si a vang, inn khawh lo in a har, a fawi lo. A dawtmi he an i duh lio cuahmah ko bu i tthennak biachim cu a har a ti bak ko. Amah he cun nungak tlangval karlak i dawtnak i hrawm cu a rem ti lo na in, a lungthin le a sining nih amah hlei ho hmanh a daw kho ti lai lo. Amah cung ah dawtnak a rak pekmi ruang ah amah kha a hua lo, anih zong nih a hua fawn lo, a dawtmi a si ve ko. A mitthli a luang, dor khat hnu dor khat in, a hnawh chih, a luang rih, a hnawt cawk lo.
I tthennak bia a khiah lio ah khan pakhat le pakhat i theihthiam lo ruang ah maw, i uah ruang ah maw, an tlamtlin lonak le palhnak i ngaihthiam duhlo ruang ah a si lo. Cun, i sica lo in le a dawt santlaihlonak a hmuh ruang ah maw, nun paltti a ngamh lo ruang ah maw si lo in, an pahnih ca i a tthatnak bik in khua a ruah tik ah tthennak bia a khiahmi a si. A dawt cu a caah a sung tuk, aa bochantuk, a ttihzahtuk. A dawt caah amah tu cu a tling lo i, san a tlailo ruang ah a si. Nain a hlaan ah nifatin le zanchiar aa chawnmi, aa kawmmi, aa dawmi a dawt he i tthen cu um awk a thei ve lo. I tthen chawng ah cun a hnem khotu zong an um lai lo.
A ngaituk a dawt cu, a dawt zong nih a ngaih ve a hei i zumh ko. Nain i hua lo an si ko bu in i chawnh an i fahsak. Ngaihthiam hal an i nautat. An hawile an i rawlh lo, an i tthennak thawnpang an theih ah le an lau, an mit a ar, a ruang cu i remte le i daw te i lengtti mi an si ti kha an theih. An palh lo, hi hi thil umtu ning cu a si- zeihmanh khi an karlak ah buainak a rak um bal lo, i tu zong ah a um lo, an pahnih caah a tthabik lai tiah an i tthenmi an si caah i chawn lo in an um.
Mah bantuk i tthennak ah hin cun lungfahnak kha pakhat khat nih an rak ngei tawn, nain an i duh dawtnak thlam nih khan a rak phenh thlu dih tawn i an rak i chim bal lo. Lungfahnak cu a um ko hmeteh, nain an rak i nawmhnak le philh khawh lo ding caan an rak hmantti mi nih khan a rak phum thlu ruang ah an rak phuang lo a si ttheu lai.
A thiangmi i tthennak ah cun, kha vialte rak i dawtnak le rak i duhnak kha mitthep kar ah chah/donghter a si. Pakhat le pakhat i upat le i ttihzahtuk ruang ah bia herhlo le, hngakchia bia bantuk in i bia i el an hrial i a dawtmi nih cun a duhnak cu a rak pompiak ve. Phundang in ruah lo ah cun pakhat chang chang nih cun i pehtlaih tthan le dawtnak i lam hrawntti tthan an duh ko, na in mah le mah an i upatnak le an i uahnak nih chawnhbiak hmaisatu i um kha an i fahsak i, i lungsak an i nam. Nain mi pahnih karlak i a rak par ciami dawtnak nih cun hmun dang ka dang ah par a chuah kho hlei ti lo. An rak chim tawn bang in mi an dawt tak tak mi hna cu zeipaoh an karlak ah tlung hmanh seh law an ca i tthabik le thluachuah an hmuh kha an duhpiak peng hna. An i nawmhnak le an lunglawmhnak cu kan caah a biapi ve. Cu bantuk cu a dawt ca zong ah a duh ve ko, a ttahchuak bu zong in a dawt caah cun hmaipanh put aa zuam i lungnuam lo in um a sian lo ruang ah a lungfahnak cu khuh aa zuam. An pahnih in i dawt an i cim lo ti khi aa fiang ko dah kaw .
I dawt cuahmah lio i mah bantuk hrial awk ttha ttung lo in tthennak a chuah cu a caah cun khua a mui, a ruahnak a maw, an i zawnruahnak kha fawite in a lo tlau ding a si lo caah le, a lo bal lo ding lungthin i hmuhnak an rak ngeih cang ruang ah bia dawhlo le celh lo ding an i hmanpiak duh lo- aa dawmi an si cu teh.
Thinphang le lau in an i tthen fawn lo-nemte in bia an khiah.
I tthen ko zong ah hin thihnak ruang i tthennak dah ti lo ah cun, mah bantuk i tthen ko hi dah a fah cem hnga! Dawtnak Innka an on tti mi aa khar thlu kho lo , an karlak ah thilttawntokmi a tamtuk i an nunchung tuanbia ah an phoih thlu kho ti lai lo. An i zawnruahnak kha a dong kho lo i, an i dawtnak zong dongh aa zaal lo. Pakhat khat nih lungsaunak a chambau deuh ruang ah a si. A faak, pakhat khat nih khuaruat ko bu in i tthennak biachah a duhmi cu- a dawt nih (le amah dawtu) lungthin nih cun a ruahnak cu upatpiak a duh ruang ah a el ngam ve lo.
An pahnih caah i tthen cu rap foih bantuk i a fawimi cu a si lo ti a fiang. An pahnih in nun lam hrawntti cu an saduhthah a si peng, nain hrial khawh lomi sullam ruang ah dawtnak i hrawm cu a si thiam fawn lo. Hawikom ttha i pehtlaihnak pehzulh an duh, a herhmi i bawmchan u sih, aa lawmpi kan i lawmhpi lai, tiin bia an i cah, nain dawtnak tipi i khavial a rak pilpi mi le a tu zong ah a dawt a si pengmi minung cu midang sin i kal le midang a va dawtmi cu a hmu kho hoi lo. An karlak ah magnet bantuk in dawtnak thahri nih a dawh peng hna, cu bantuk in an chungkhat le kong dotthlat an i tthin kho lo, an ngandamnak zawn i ruahpiak an i ngeih chih. I tthen ah hin cu a tuar lomi le a lungleng lomi an um lai lo dah, tthennak bia chimtu le duhtu amah ca zong cun a fawi hlei lo.
A hohmanh nih an theih ve lomi a biathli hna theihpiak tawntu a rak si tik ah mit dang i bunh bu i a mit i zoh nolh cu a hartuk lai. Cu bantuk in an liamcia tuanbia cu a tlung bal lomi bantukin i theih lo ter cu thil si kho lo mi a si.
A min a theih hmanh ah a lung damter tawntu cu a min a theih zawn ah a tha a thir tertu ah aa cang, a lung a mihter.
A har. A fak. A dong!!
Hawikom i um cu fahnak men men. I huat le i chawnhlo cu nun ko bu i thihnak bantuk tthiam tthiam. A si ah cun, pical i zuam in hawikom ah um a ttha deuh lo maw? Dawtnak i hrawm kho ti hmanh hna hlah seh law, i pehtlaihnak le zawnruahnak an ngeihmi cu i tthen hram hlah seh!
-----------------------------------------------------------------------
Comments