GENERAL ERWIN ROMMEL

Gen.Erwin Rommel
(Vuleicung ralkap bawi minthang chim peng ding simi Germany General ropui The desert Fox ti tiang i a min an phuah mi Erwin Rommel thawngpang)

Khawmsuattu: Nathan Fbl

Vuleicung nih a philh tilo ding le a min theih peng awktlak simi general, Erwin Rommel hi ni 15th November, 1891 khan a nu paw tangin a rak chuak ve.A nghakchhiat lioah cun,mathematics le,engineer hna hi nuam a ti khun. Cun kum 14 asi lio ah glider tuah a thiam cang i,Bike(motor cycle) hna hi a phawih viar i, a bunh than khawh viar cang!Airship factory hnaah rian tlaih ve ai tim nain a pa nih ralkap leiah tang dingin a ti i,ralkap lei zong cun artillery le engineer lei hna cun a tlingloh i,1910 ah khan infantry cadet officer ah a tling ve than,cuticun a chanchung rian cu ralkap ah a tla.

Rommel nih hin a hrawn ding lam a zulh ko ti kha nikhat hnu nikhat a van i fiang chin lengmang. World War-I lio khan mission tihnung ngai mi le spy lei rian cu a kut ah a um,Italy ralkap lawng hmanh 9000 a nung in a tlaih hna i,ralkap cheukhat lebang nih cun Rommel umnak ah cun i dohnak a um peng tiah an chim tawn.Ralkap rorum kan ti cu hma fak zong a tuar lengmang tawn. Caankhat cu i dohnak ah a meithal kuan a ek i,French ralkap 3 cu bayonet(meithal par i namte vuah mi) in a charged hna i,cuka cun a elbom ah hma fak ngai a nei,hi a hma i kuanmu luhnak kuttum tiat asi. Kum 3 hnuah Romania i dohnak ah a tel hoi i ,a banah hma fak ngai a tuar hawi i,thi a chuah tam tuk ruangah zawtnak cikip nih a fuh i, caan sau nawn cu a nguh ve.

World War -I ah hin a cawltha ngai, nain World War - II hi a minthannak cem cu si. Hi zongah hin hma fak pipi a tuar hoi.Vawikhat cu Meithalpi kuanmu per nih a hmaiah fak ngaiim a choih. Cuhnu zongah D-Invasion i car a cungkhuh nei lo an i ciit lioah allied force lei nih an cuannak cu vanlawng machine gun in an van thuat hoi hna i, an car zong cu a ril leen,Rommel zong alu ah hma fak ngaiin a tuar hoi i, unconcious in sau nawn cu a um.

1940 kum khan Germany tanrualpi mi Italy ralkap hna cu Africa ramah cawl kholo in kilkamh an si. Cuhna va chanh ding cun Rommel cu Hitler nih chun a fial i, 7th Panzer Army hotu cemah a chiah fawn. Rommel nih Africa ava tlun hnu cun thil umtuning a thleng i,tangrual pawl hna cu 100km tiang a nawr hna i, a va thawl viar hna. Hi i dohnak thokin si,"The Desert Fox" tiah mi an rak bunh piak.Africa i rian a tuan that ruangah hin Field marshal- ah a rian cu kaiter a si fawn.

1942 ah khan cun Germany tha kha a dong pah cang,an general chuankhan Rommel lah cu Africa ah daih a um fawn tung,cupinah Tank,Zenkuan le Fuel supply lei an hmu kho hua ha ti loh. Cu ve hngap cun allied force lei nih an van nawr ve hoi hna, Hitler nih thih loh cikcek tiang zong i doh peng ding i bia thlah ko hmanhselaw Rommel nih cun a pawm duh loh. Cun Hitler nih tangrual ralkap commando an tlaih paoh paoh that ding i a rak ti mi zong a duh hoiloh. Hi bantuk lungthin /nunzia nei mi a si ruangah tangrual ralkap zong nih khan Rommel hi an tihzah ngai i,i doh a dongh hnu zongah Rommel ralkap lete hi hrem le vuak mi an ngei huaha loh ti si.Phungdang ngai a si fawn mi cu khati tluk i Nazi ho nih juda ho an thah i, lai an nawn lio khan Rommel nih hin mi tampi cu a nunnak a zuah hna i, a zamter tawn hna ti si.

1944 kum i Hitler a thli i thah timh a si lio,  tlam a tlin khawhlo khan Rommel zong cu thah tiimtu lakah a tel ve tiah zumhnak nganpi a um caah an tlaih i,duhthiimnak an tuah ter. Cucu Trail of treason tuah i ,thiamlo canter asi ah cun amah le a chungkhar vialte cu minchiatnak vialte pek bu i thah maw amah le mah i thah ti si. Rommel nih cun amah te i a nunnak liam ter cu a thiim i, Cyanide(thihnak sii) a din i amah nunnak cu amah te in a liam
.
1942 kum i Africa i dohnak ah khan a duh ningte in Rommel nih khan Tank,Fuel,zenkuan supply hmu kho selaw tangrual pawl hna nih khan World War -II khan teinak an hmu kho lailoh ti cu mifim hna zumh ning a si.Atu chan tiang hin Rommel tactic, "stealthy and flawless" timi kha an i cawn peng mi a si.

Hitler Gen.Erwin Rommel hi vuleicung ralkap general minthang pipi  lakah ngaisangtu zawng tam ngial an um,mahcu hna lakah cun: British PM Winston Churchill,Bristish Field Marshall Bernard Montgomery,America Gen.George Patton te hna kha an i tel.