IBRAHIMOVIC TUNBIA LE A BIACHIM TAWI
ARSENAL-ah a lut deng - "Arsene Wenger ka hmuh hmasak bik nak cu Malmo-i ka khelh lio khan asi, kan Director of Football-nih a ka chim ning ah cun kha lio ah khan van chawntu ka nei pah lengmang. Cuticun nikhat cu kan director nih, "Arsenal-ah Wenger-hmu dingin kan kal lai mu." a ti. Arsenal training-naak hmun kan phan cu ka um naak Malmo he cun phun aa dang tak tak mi khi a si. Wenger he cun kan i kawm i, tukverh(thlalangawng) ttang cun leng leiah Dennis Bergkamp, Thierry Henry le Wiltord-te ho ka va hmuh hna, ka lungkil te cun, "Wow ! TV-i ka rak hmuh bal mi kha atu tak takin pei ka hmuh hi." ka ti.” “Wenger-nih cun Arsenal jersey no. 9 ka min a benh mi cu a vun lak. Ka lau ngai i, mak ka ti,zeihman kha lungfimin ka tuak kho ti lo. Ka duhcem mi cu jersey i hruk i,football chuih kha siko cang. A nuam ve tuk si." "Wenger nih cun amah cu zul ding in a ka hui i, ka bawlung chuih lio hmuh a duh nak kha a chim. "Kan ikawm viar cang ttung, nain ziah ka bawlung chuih lio cu hmuh a duh peng?
Zeithla kan tuah hika hmun hin?" ti khi lungkilah a um. Ttha an inti i, cawk an induh si cun na tuah khawh mi kha fiang ngaiin an theih ti nak asi, sihmanselaw mahcu hnu i kan bawlung chuih lio hmuh an duh phet si cun a lungawi thlak viau loh. Malmo director of football sinah cun, "Hi ka hmun hin ka thatzia langhter ding i kal ka si." ti ka chimh, nain a nih nihcun a dik loh tiin a ka leh." Malmo director of football nih cun a rak ka khap i hnawhsare tuk lo ding le Malmo lei i kir nolh ding kan si ti kha a ka chimh. Cuticun Ajax lei nih cawk dingin an kan van chawn ve colh. Kan tlun lai ni tiangin Arsenal lei nih cun, "Atu hin Kan in duh tuk ko e." an ka ti ve lengmang. An mi hlorh nakah kai lawm ngai. An kan duh tak tak i. "Hong law na tthatzia cu langhter tuahh." ti in vun ka au law, na ka auhnaak cu ka sungh ter bal lai lo." "Kum tam a liam hnuah Wenger- nih cun bia theih sual vang i kir tthan ah a kan puh. A nih nihcun, "Hong ulaw,hi ka hmun nomh ning hi rak zoh ve tuah." ti chimh ka timh nak asi tiin bia a rak thlah,lih maw si a hman mi hme ti ka theilo. Mah kha lio caan ah khan ka nghakchia ngai i,mirang holh hman ka thiam setsai lo."
SOUTHAMPTON-ah a lut deng : "Ajax-i kumkhatnak ka hman ning a that nawn lo ruangah Southampton nih khan an van ka chonh. Kan manager zong nih, "Southampton-i lut dingin rak i ring cia," a ka ti manh. Kei nih cun"mahcu lawng lawng cu maw duh thlan/thim ding ka ngeih? Lam har ka zulh lio mi hi siamthat ka duh." tiin ka leh." "Kha hun lio khan cun Ajax kha club tha bik i ka ruah mi si, chuahtak hrim kaa tim lo. Southampton lei nih ka bia rak hua hna hlah selaw, Ajax ttang i Southampton-i luh cu hnulei khirh tthan nak pakhat i ka ruah ruangah a si. Heh tiah ttan ka khawh i, a kum hnihnak cu ttha ngaiin ka dih khawh ,a kum thumnak lebang ah cun ka Ball chuih le ka khelh a tha ngai le Juventus-nih an van ka chonh ve than, chuah zong poi ka ti theng tilo."
ENGLISH FOOTBALL-ah : "A zohdawh ka ti. Ka player duhbik cu Wayne Rooney hi a si. Rooney hi player tha ngai a si i, a pawg i khelh ve zong ka rak i ruahchih ve lengmang mi asi. Amah hi ka ruah ning cun season khat i goal 40 hrawng thun kho ding phun a silo, hmanselaw a fim i, a hoi lete pakhat maw pahnih maw pathum caah goal thun naak caan a siampiak lengmang khawh i tha ka ti ngai. a tha a tthawng i, keimah bantuk lungput a ngei mi tlawm duh lo mi a si, mi lungkhawng ngai a si ve ko rua. hi a sining pawl hi fak awktlak si ngaiin ka theih. A che ah cun a thin hung i aa sum khawhlo chel hna zawng a ngei tawn ko, nain ka theihthiam tuk, ka rak ton cia mi asi. Cun cu a thin hung nak zong cu a siamthat khawh cang, hlorh awktlak a si ngai ka ti." Sweden-i kum 2012 November thla i England 4-2 i an tei nak kawng zong a chim. Zlatan nih cun, “Zeiruangah dah England leiah a chuih goal khawhlo, zeitindah a chuih khoh lai? tiin thawngpang a thang, ka thinhar, co nak tampi a ka pek. England media pawl nih cun England hi ttha bik ngaiin bia an thlah, hmanselaw an leiah goal ka chuih luh si kha mu.
Mah kha ka binh goal mi kha, keeper (Joe hart) a hung tli chuak ti ka hmuh i, ball kha hla pi head a tim ti ka hgalh. Ball ka can khan khalh nolh phawt kaa tim, hmanselaw ka lungput ka thlak,goal hlat hoihin ka tli, cun kha keeper a chuak i, midang zong nih goal-ah ka chuih lai ti an tuak bal lai lo ti ka theih. Cuticun goal leiah ka binh le a goal ko. Ka chuih khawh le cangka khan boruak i ka umlio te in ka zoh colh, ka vai i lawm em em da a!" tiin a chim hawi. Mah hi goal hi, Liverpool le england captain Steven Gerrard nih cun goal hmuh cang mi ah aa dawh cem bak asi” tiin a rak chim .
David Beckham pong i khelh cungcang zong Ibra nih hin a chim hawi, "PSG-i a hung luh khan,mipi mit vialte cu amah ah khan aa fu dih, hmanhselaw a buai phah loh. Pa chhuanawm ngai asi, a hung luh ka thlakhat hrong kha cu ai thlahrung kho ngai, na in kan i kawm tam, a puitlin zia kan hmuh chin lengmang. Footballer tiin na theih, a thawngpang zong na rel lengmang lai. A tak tak i a pawng i khua van sak cun, sawisel awk hrim ka thei loh. Footballer kan si cun a hmaisa bikah kan eikawl naak kan chiah a hau, cu cu Beckham nih cun a ti peng. Thildang ai tibuai ter velo. Hlorh phu ngai asi." tiin a chim. Ibra nih hin Jose Mourinho, Fabio Capello le Carlo Ancelotti-te hna cu a duh bik mi le tihzah lengmang awktlak an siko tiin a chim fawn
Comments